mánadagur 2. februar 2009síða 6

6 tíðindi Nr. 22 - 2. februar 2009 Nýggj stjórn varð skipað í Íslandi um vikuskiftið. 66 ára gamla Jóhanna Sigurðardóttir úr javnaðarflokkinum, Samfylkingini, verð­ ur nýggjur forsætis­ ráðharri í sonevndu Bjargingarstjórnini Politikkur Rigmor Dam rigmor@sosialurin.fo Hóast samráðingarnar í Alþingshúsinum um nýggja stjórn drógu nakað út, er nú greitt, at tað verða teir báðir flokkarnir, Samfylkingin og Vinstri-grøni flokkurin, sum fara at stjórna Íslandi komandi fýra mánaðirnar, til altingsval verður tann 25. apríl. Fimm menn og fimm kvinnur mynda nýggju íslendsku minnilutastjórn- ina, sum hevur 27 av 63 tinglimum. Men við stuðli frá Framsóknarflokkinum hevur samgongan kortini meiriluta, sigur Ritzau. Tað hevur havt stóran týdning, at ráðharrarnir, sum nú taka við leiðsluni, hava ikki sjálvir verið uppií fíggjargølum ella á annan hátt kunnu metast at vera orsøk til búskaparkreppuna, sum valdar í landinum í løt- uni. Formaðurin í Vinstra- grøna flokkinum, Stein- grímur J. Sigfússon, verður varaforsætisráðharri og fíggjar- og fiskivinnuráð- harri. Össur Skarphéðinsson verður uttanríkisráðharri, Ögmundur Jónasson, heilsu- málaráðharri og Kolbrún Halldórsdóttir umhvørvis- málaráðharri. Teir báðir ráð- harrarnir, Ragna Árnadóttir, sum verður løgmála- og kirkjumálaráðharri og Gylfi Magnússon, vinnumálaráð- harri, eru ikki politikarar frammanundan, men ser- frøðingar, sum helst kunnu leggja stjórnini lag á, í sam- bandi við at fáa búskapin á rættkjøl aftur. Av heilsuávum heldur Ingibjørg Sólrún Gísladóttir, forkvinna í Samfylkingini, ikki fram í nýggju stjórnini. Hon hevur krabbamein og hevur verið í viðgerð í Svø- ríki seinastu tíðina. Hetta er fyrstu ferð í 18 ár, at borgarligi Sjálvstæðis- flokkurin ikki er partur av íslendsku stjórnini. Bjargingarstjórn Tá nýggja stjórnin, sum verður rópt Bjargingar- stjórnin, varð kunngjørd í gjár, sunnudagin 1. februar, segði Sigurðardóttir, at tey hava sett sær fyri, at fáa skil á búskapin aftur. Hetta verður gjørt við at raðfesta sosialu økini, vanliga fólkið og vinnuna fremst. Eitt nú verða skáar latnir húsarhaldunum, umframt, at lógin um húsagang verð- ur broytt. Eisini eru ætlanin, at gera stórar íløgur í arbeiðsgevandi tiltøk. Samfylkingin og tey Vinstra-grønu eru samd um, at taka upp samráðingar við altjóða gjaldoyragrunnin, IMF, til tess at fáa glið á bú- skapin aftur, umframt at spurningurin um íslendskan limaskap í ES skal til fólka- atkvøðu. Í hesum sambandi skal ein nevnd koma við til- mælum um støðu Íslands í Evropa- og gjaldoyramálum. Skjótt upp í ES Nógv bendir annars á, at Ísland sleppur skjótt inn í ES, um landið ynskir tað. Vanliga krevur limaskapur í ES samráðingar í 3-5 ár, men sambært bretska blaðn- um, the Guardian, kann Ísland helst gerast limur eftir bert hálvumøðrum til tveimum árum. Hetta kemst av, at landið frammanundan er limur í EBS samstarvinum hjá ES, og sostatt longu hev- ur nógvar lógir og líkur nógv av krøvunum um lima- skap í ES. Tí kann landið gerast 29. limalandið rætti- liga skjótt. Endurskapa álitið Í nýggja samgonguskjalin- um verður eisini staðfest, at leiðslan í íslendska tjóð- bankanum skal skiftast út, og at framyvir verður bert ein bankastjóri. Eisini verð- ur arbeiðssetningur tjóð- bankans endurskoðaður. Á tíðindafundinum í gjár segði Jóhanna Sigurðardótt- ir, forsætisráðharri, at tað er umráðandi at skipa nýggja leiðslu í Tjóðbankanum, fyri at endurskapa álitið millum tjóðbankan, stjórnina og altjóða samfelagið. Einar Már í Infor- mation Fráfarna stjórnin og frá- farni forsætisráðharrin Geir H. Haarde úr borgar- liga Sjálfstæðisflokkin- um eru sera illa lýdd mill- um fólk í Íslandi í løtuni. Mótmælistiltøk og hvast orðaskifti elvdi til, at stjórnin legði frá sær í ótíð. Hósdagin skrivar íslendski høvundurin Einar Már Gudmundsson kronikk í danska blað- num Informatión. Her er lítið brot úr tekstinum, sum er at finna í fullum líki á netinum. »Brotsverkið, sum er framt, er so umfatandi, at tað er nyttuleyst at nevna allar smálutirnar. Og brotsverkið er framt meðan leiðandi politikar­ ar hava hugt at. Tá teir privatiseraðu bankarnir, lótu teir í veruleikanum vinum sínum eina gávu, lótu teir upp í hendurnar á svíkjarum, sum nú hava sett okkum í veð langt inn í framtíðina, og gjørt okkum til biddarar hjá altjóða valutagrunn­ inum og øðrum lánistovn­ um.« Einar Már Gud­muns­s­on, Information, 29. januar 2009 66 ára gamla Jóhanna Sigurðard­óttir úr ís­lend­s­ka javnaðarflokkinum, Samfylkingini, verður nýggjur fors­ætis­ráðharri í Ís­land­i og leiðari av s­amgonguni, s­um hevur fingið heitið “bjarginars­tjórnin”. Jóhanna Sigurðard­óttir hevur áður verið almannaráðharri. Hetta er fyrs­tu ferð, at Ís­land­ fær ein kvinnuligan fors­ætis­ráðharra, og eis­ini fyrs­tu fer, at ein pers­ónur, s­um er opin um tað at vera s­amkynd­ur, verður s­tjórnarleiðari. Hon er gift við ís­lend­s­ka rithøvund­inum og journalis­tinum Jóninu Leós­d­óttur. Ís­land­ hevur áður havt eina kvinnu s­um fors­eta, Vigd­ís­ Finnbogad­óttur Kvinna tekur við leiðsluni Sjúka á dýrum hotelli Myndugleikarnir í Dubai við Persaflógvan hava givið boð um, at teir vilja hava fulla greiði á, hvussu tað kundi bera til, at tríggir gestir á einum marglætishotelli har gjørdust sjúkir, meðan teir gistu á hotellinum í síðstu viku. Ein av gestunum, ein breti, doyði um vikuskiftið av sjúkuni, sum hann fekk, meðan hann búði á Dubai Mina Seyahi Beach Resort & Marina, sum hotellið eitur. Myndugleikarnir siga, at talan var um ta sjúkuna, sum ber heitið hermanna- sjúkan. Heitið fekk hon í 1976, tá nakrir amerikanskir hermenn fingu sjúkuna á einum hotelli í Philadelphia. Vænta gos í Alaska Amerikanskir jarðfrøðingar, sum halda eyga við fjallinum Mount Redoubt í Alaska, søgdu í gjár, at ísurin ovasst á fjallinum er bráðnaður í einum staði Úrslitið er, at eitt øki, ið er um tveir fótbóltsvallir til støddar, liggur bert. Jarðfrøðingarnir siga eisini, at gass kemur upp úr fleiri holum, sum fyrr vóru undir ísinum. Longri niðri í líðun- um rennur nógv vatn undan ísinum, og jarðfrøðingarnir vænta, at eitt gos er á veg. Teir siga, at eitrað luft frá gosinum kann fara at reka við vindinum til býin Anchorage, sum er 160 kilometrar frá Mount Redoubt.