týsdagur 3. februar 2009síða 6

6 tíðindi Nr. 23 - 3. februar 2009 Skótarørslan í Før­ oy­um tekur nú eitt ódnartak fy­ri at skapa ein framkomnan og nýskapandi depil á Selatrað, sum fer at gera tað nógv stutt­ ligari at vera skóti Skótalív Áki Bertholdsen aki@sosialurin.fo Tá ið KFUM skótarnir í Føroyum hittast til eyka landsstevnu á Selatrað leyg­ ardagin, skulu teir taka eina stóra avgerð. Tí tá skal avgerðin fella um tey skulu fara undir eitt ódnartak fyri at gera ein nýggjan og framkomnan skótadepil á Selatrað. Magni Laksáfoss, skóta­ ovasti hjá KFUM skótunum, sigur, at tey hava í eina tíð arbeitt við eini ætlan um at nútímansgera skótadepilin á Selatrað. Úrslitið av tí arbeiðnum er, at á landsstevnu leygar­ dagin verður eitt uppskot til ein nýggjan skótadepil løgd fyri fundin til góðkenning­ ar. Talan er um skótadepil, sum bæði skal nøkta tørvin á stórum legum og á smærri legum og tað bæði uttandura og innandura, umframt at tað skal vera góðar umstøð­ ur til at halda skeið og fundir. 12 milliónir Skótaovastin sigur, at til­ samans er talan um ein nýggjan skótadepil fyri 12 milliónir. ­ Vit umhugsaðu at gera ábøtur á deplinum á Sela­ trað, men hvussu vit so vendu og snaraðu tí, komu vit bert at fáa eina hálva loysn fyri at kalla fullan prís. Hann sigur, at sostatt hava tey heldur gjørt av at umkalfatra allan skótadepil­ in sum hann er og at gera ein nýggjan depil, heilt frá botni av. Skótahúsið, Kambur, á Kambsdali er selt, tí bygdin vaks inn á skótarnar. ­ Tá ásannaðu vit, at tað varð neyðugt at miðsavna okkum um ein skótadepil í Føroyum og úrslitið er so fyriliggjandi uppskot um hendan nýggja depilin á Selatrað. Talan er um eina heildarloysn, sum fevnir bæði um landsslagið og um bygningar og aðrar hent­ leikar. Tað merkir, at flestu bygn­ ingarnir, sum eru á skóta­ deplinum á Selatrað nú, verða tiknir niður, ella flutt­ ir og nýtt bygt ístaðin Í deplinum verður eitt stórt, nýtt leguhús, umframt smærri hús, skúrar til amboð, bálpláss, tjaldingarpláss og annars alt, sum hoyrir einum fram­ komnum skótadepli til. Bæði stórt og smátt Verður ætlanin góðkend á landsfundinum, verður farið til verka beinanvegin Men av tí, at talan er um eina stóra og dýra verkætlan, verður arbeiðið gjørt so hvørt, sum ráðini verða til tað. Men ætlanin er at hava tað stóra bálplássið liðugt longu á landsleguna, sum skal vera í summar. Roynt verður eisini at hava Úlvadalin lidnan í summar og tá er eisini ætlanin at planta rundanum Rovara­ smáttuna. Saman við tí tey fingu fyri húsið á Kambsdali, hava tey útvegað sær ein startkapital upp á millum tvær og tríggjar milliónir. Men tey fara nú at søkja um stuðul ymsastaðni frá og tey fara at byggja, so hvørt tey fáa stuðul. Byggja skótadepil fyri 12 Allur skótadepilin verður bygdur rundanum um tað stóra bálplássið í miðjuni, sum Hjálpirót hevur skipað fyri. Kreppa eisini í Australia Fíggjarliga kreppan er altjóða, og hinumegin klótina hevur aurtralska stjórnin boðað frá einum hjálparpakka áljóðandi 42 milliardir australskar dollarar, skrivar dagblaðið The Australian. Australski búskapurin hevur í mong ár notið gott av einum boomi í heimsnýtsluni av metalli, sum stóra landið er ríkt av, men nú er ballið buið. Endamálið við hjálparpakkanum er at útvega 90.000 nýggj arbeiðspláss komandi tvey árini. Íløgur verða eitt nú gjørdar í skúlar, almennar íbúðir, bjálving av húsum og sólhita skipanum. Saman við hjálparpakkanum hevur stjórnin kunngjørt, at fíggjarlógin í ár fer at geva eitt undir skot uppá 22,5 milliardir australskum dollarum, meðan arbeiðsloysið væntandi verður 5,5% í juni móti einari metan í undanfarna fíggjarlóg um eitt arbeiðsloysi á 4,3%. Australski tjóðbankin, Reserve Bank of Australia, hevur harumframt lækka rentuna 100 basisstig til 3,25%, sum er tað lægsta í 45 ár. Rentulækkingin var kortini, sambært Bloomberg, væntandi á marknaðinum. Australski dollarin kostar í meðal 3,68 krónur og tað merkir, at hjálparpakkin er verdur góðar 150 milliardir krónur, skrivar boersen.dk.