týsdagur 25. september 2001síða 12

22 Nr. 184 - 25. september 2001 C M Y K 22 Nr. 184 - 25. september 2001 23 Allan Mørkøre tekur sær ikki nær, at áskoðarar hjá mótstøðuliðnum rópa eftir honum undir dystum FÓTBÓLTSTOS Jákup Mørk Tað er neyvan at tak ov dýran til, tá sagt verður, at Allan Mørkøre var illa lýddur í B36 húsinum sunnudagin. Áskoðarar- nir róptu at kalla hvørja ferð, sum landsliðsmað- urin hevði bóltin, men sjálvur heldur hann ikki, at hetta er nakað, sum hann kennir seg raktan av. - Tað taki eg bara sum eitt kompiment. Eg haldi, at eg eri vorðin ov gamal til at taka mær av slíkum, sigur Allan, sum eisini heldur, at slíkt hoyrir eini grannauppgerð til. Høvdu møguleikarnir Um sjálvan dystin helt Allan Mørkøre annars, HB átti sínar møguleikar, men at teir ikki tóku av hesum. - Vit skuldu avgjørt dystin í fyrra hálvleiki. Vit vóru tað betra liðið, og vit høvdu okkara møguleikar, men tað gekk so ikki hjá okkum. - Lat meg annars nýta høvið til at ynskja B36 hjartaliga tillukku við gullinum. Teir hava uppi- borið gullið, segði ein vónbrotin Allan Mørkøre eftir dystin sunnudagin. Í HB ásanna teir, at tað verður neyðugt at fáa nýggjar spælarar at hjálpa til, og tað skulu vera sovornir, sum kunnu teljast ímillum teir berandi VENJARI Jóannes Hansen Fríggjadagin var at lesa í blaðnum, at HB venjarin, Ion Geolgau, er ovast á ynskilistanum hjá klaksvík- ingum. Og lokalblaðið í Klaksvík, Norðlýsið, hevði sama dagin somu tíðindini. Men stjórin í Havnar Fótbólti, Steinfinn Mittel- stein, slær fast, at tað kemur ikki upp á tal, at HB venjarin fer nakran veg: – At tað er stórur áhugi fyri felagnum hjá okkum, fekk eg enn eina ferð staðfest hóskvøldið og fríggjadagin, tá tað frættist, at klaksvíkingar høvdu áhuga at fáa Ion norður. Telefonin kimaði aftur og aftur, og HB viðhaldsfólk vildu vita, hvussu tað nú var vorðið. Og hvat segði tú teim- um? – Eg segði teimum, at tá vit eftir GÍ dystin settu Ion Geolgau aftur í venjara- sessin – eftir at spælararnir høvdu heitt á okkum og Ion var gingin við til at taka við aftur – so var tað undir somu treytum, sum vóru galdandi frammanundan. Fyrr í ár longdu vit sátt- málaskeiðið til og við 2003, og soleiðis verður tað. Vit, sum hava ábyrgd í felagnum, og venjarin hava onga ætlan um at broyta hetta, og so er tað líka mikið, hvat er og verður at frætta frá onkrum, sum verður sagdur at standa leiðsluni nær, sigur ein avgjørdur stjóri í Havnar Fótbólti. Úr Klaksvík frætta vit, at tað í síðstu viku vóru sam- ráðingar millum KÍ og Ion Geolgau. Tað var orsøkin til, at KÍ nevndin greiddi peningastuðlunum frá, hvussu landið lá. Leita eftir styrki Tað hevur verið skrivað og tosað nógv um vánaliga kappingarárið hjá HB, og bæði alment og privat hevur so at siga við luppi verið leitað eftir orsøkum. Tí skulu vit ikki gera burturúr hesum, men í HB eru teir farnir undir fyri- reikingarnar til komandi kappingarár: – Vit rokna við, at so at siga allir, sum hava verið við í ár, aftur fara at spæla komandi ár. Vit vóna, at teir, sum hava verið skadd- ir, fara at koma fyri seg aftur, og so ætla vit at styrkja um hópin. Gongdin hevur víst, at tað er neyðugt við berandi kreftum at hjálpa ungu og evnaríku monnunum, sum heilt víst eru mentir, sjálvt um úr- tøkan ikki hevur verið so góð í ár. Leita tit eftir spælarum í Føroyum ella uttanfyri landoddarnar? – Tað dugi eg ikki at siga. Saman við Ion hava vit roynt at hava útlend- ingar eina ferð. Tað eydn- aðist ikki væl, m. a. tí útlendingarnir vóru skadd- ir. Men tað er torført at fáa fatur á føroyskum spælar- um, sum kunnu lyfta spælið nógv upp, so um tað eydn- ast at finna fram til góðar útlendingar, sum avgjørt verða mettir at fara at styrkja um liðið hjá okkum, so taka vit fegnir av, eru orðini hjá Steinfinni Mitt- elstein. Og so vita klaksvíkingar, at teir tvey tey næstu árini kunnu gloyma alt um Ion Geolgau. Um tað verður Kurt Mørkøre, Oddbjørn Joensen, Tomislav Sivic ella onkur annar, sum skal standa fyri venjingini, verður ivaleyst meiri at frætta um – ivaleyst um ikki so langa tíð. Seinastu 70 minutt- irnar mátti ein skaddur Jákup á Borg fylgja dystinum móti HB av síðulinjuni FÓTBÓLTSTOS Jákup Mørk Jákup á Borg lat læru vera læru, tá hann fór á vøllin sunnudagin. Undan dyst- inum var greitt, at tað fór at verða trupult at fáa frí frá skúlagongdini, men álopsmaðurin legði vertin á skúlan, og kom so upp kortini. Talan gjørdist tó ikki um nakran drúgvan dyst fyri hanara viðkomandi, tí eftir bert 20 minuttum noyddist Jákup skaddur av vøllinum, og hetta var sjálvandi nakað, sum hann var vónbrotin um eftir dystin. - Hatta var nakað lort. Møguleiki er fyri, at eg noyðist at taka skúlan umaftur, tí eg kom upp, og longu eftir trimum minuttum varð eg so skaddur. Ræðuligt Spurdur, hvussu tað so kendist, at sita uttan fyri seinastu 70 minuttirnar, segði Jákup, at tað var ræðuligt. - Eg kann so longu nú lova, at eg ongan tíð í lív- inum fari at verða venjari. Slíkan spenning klári eg ikki at uppliva fleiri ferð- ir. Saman við hinum á lið- num skuldi Jákup so sjálvsagt brúka sunnu- kvøldið til at hátíðarhalda gullið. Spurdur, um hann so skuldi niður aftur til Danmarkar mánamorg- unin, segði hann, at tað visti hann ikki. - Nú má fyrst fara at kanna, um tað yvirhøvur loysir seg at fara niður. Um eg kortini skal taka skúlan umaftur, so tími eg ikki avstað. Tróndur Vatnhamar hevði eina heilt serliga upphiting til grannauppgerðina móti HB FÓTBÓLTSTOS Jákup Mørk Fyri tveimum árum síðani varð hann mest av øllum ein neyðloysn. Síðani hetta hevur Tróndur Vatnhamar tó ment seg, og í dag ivast eingin í, hvør eigur plássið millum stengurnar í B36- málinum. Sunnudagin slapp hann so eisini at rópa seg føroyameistara, og sjálvur helt málverjin, at nú mundi hann hava sannført um sítt virði. - At byrja við vóru fleiri, sum ikki tóku meg so seriøst, men í dag haldi eg, at tað er sligið fast við 12- tumma seymi, at eg eigi plássið í málinum. Upphitingin Dysturin sunndagin var kanska tann størsti, sum Tróndur hevur verið við til, og tá vit spurdu hann, hvussu hann løddi seg sjálvan til uppgávuna, av- dúkar málverjin, at hann kanska ikki er sum øll onnur. - Eg skal siga akkurát, sum er. Eg var í brúdleypi leygarkvøldið. Klokkan tvey fór eg so til songar, og har legði eg meg at hyggja at pornofilmum, so eg var púrasta klárur til dystin í dag, sigur hann flennandi. Spurdur, um sunukvøldið so eisini skuldi nýtast til filmar, svarar málverjin flennandi, at tað verður tað ikki. - Nei. Í kvøld er tað dam- an, sum stendur á skránni! Ræðuligt Hoyrir til . Eg haldi, at eg eri vorðin ov gamal til at taka mær av slíkum, sigur Allan Mynd: Álvur Haraldsen Ion fer ongan veg Jákup á Borg sigur, at hann longu nú kann lova, at hann ongan tíð fer at verða venjari Mynd: Álvur Haraldsen Ikki sum hini - At byrja við vóru fleiri, sum ikki tóku meg so seriøst, men í dag haldi eg, at tað er sligið fast við 12-tumma seymi, at eg eigi plássið í málinum. Mynd: Álvur Haraldsen 23