fríggjadagur 6. februar 2009síða 6

6 sosialurin 6. februar 2009 Lestrarblaðið Helmsdal v – Okkara fremsta uppgáva er at gera næmingin til ein kvalifiseraðan heimsborgara, sum kann taka eina víðari útbúgving hvar í heiminum, tað skuldi verið, sigur Mikkjal Helmsdal, rektari Føroya Studentaskúli og HF-Skeið er eitt fjølbroytt skúlatilboð, ið bæði vendir sær til næmingin, sum júst er komin úr fólkaskúlan- um, og til tann meira búna og málrættaða næmingin. – Tað, sum víkir frá hjá okkum í mun til aðrar, er tann almennandi útbúgvingin. At geva almenna vitan í samfelagslig og mentanar- lig viðurskifti í breiðum saman- hangi, sum ger at næmingurin kann virka sum aktivur borgari í samfelagnum, sigur Mikkjal Helmsdal. – Meðan hinir miðnámsskúlar- nir miðja eftir at geva førleikar innan eitt ávíst vinnuøki, er okkara fremsta uppgáva at gera næm- ingin til ein upplýstan verðins- borgara, vísir Mikkjal Helmsdal á. Geva næminginum avbjóðing Teir næmingar, sum vanliga søkja inn á studentaskúlan, eru serliga kreativir næmingar, næm- ingar sum hava áhuga innan náttúruøvísind og fyri máli. Serliga eru tað eisini nógv, sum hava áhuga í samfelagsfaki, ið velja studentsútbúgvingina. – Yvirhøvur er tað næmingar, sum halda at vitan er spennandi, og sum halda tað er spennandi at víðka um sín horisont. Tey, sum vilja verða avbjóðaði, fram um nakað annað, eru tey, ið velja at fara í studentaskúla, sigur Mikkjal Helmsdal. Tann aktivi borgarin Meðan hinir miðnámsskúlarnir miðja eftir at geva førleikar innan eitt ávíst vinnuøki, miðjar studenta- skúlin eftir, at næmingurin eftir lokna útbúgving kann virka sum aktivur borgari í samfelagnum. – Tað er ein almennandi bún- ing, sum næmingurin upplivir í studentaskúlanum. Vit miðja eftir at geva almenna vitan í sam- felagslig og mentunarlig viðurskifti í breiddini. Tað, at tú fær innlit í almenna vitan, heimsbókmentir og heimsmentan ger, at tú verður ein kvalifiseraður verðinsborgari, sum kann taka eina víðari útbúgving hvar í heiminum tað skuldi verið, greiðir Mikkjal Helmsdal frá. Universitet og yrkisútbúgvingar Av teimum næmingum, ið leita sær víðari til hægri lesnað eftir miðnámsútbúgving, er megin- parturin næmingar við students- prógvi. – Eg haldi at tey, sum hava verið á student, serliga leita víðari til hægri lesnað, men eisini til tað, mann kallar yrkisútbúgvingar, eitt nú sum lærari og sjúkrarøktar- frøðingur, vísir Mikkjal Helmsdal á. Eisini tilboð til búna næmingin Meðan studentsútbúgvingin tekur trý ár, er HF-Skeiðið eitt tvey-ára tilboð til tann meira búna og tilvitaða næmingin. Serliga er tað til tey, sum eru 18 ár og eldri, ið fara í HF-Skeiðið. – HF-Skeðið er ein útbúgving, sum vendir sær meira til tey, sum eru eitt sindur búnari, og sum vita hvat tey ætla sær. Nógv av teim- um hava eina millumlanga útbúgving í hugnaum, sum eru at fáa í Føroyum. Tað er ikki so typiskt at HF- næmngar leita sær víðari á universitet, men tað hendir seg tó meir enn so. Eisini velja næmingar HF-skeiðið, tí tann útbúgvingin er eitt sindur styttri enn studentsútbúgvingin, sigur Mikkjal Helmsdal. Sjálvt um HF-skeiðið vendur sær meira til tann búna og tilvitaða næmingin, eru tað eisini tey, sum eru ung og ambitiøs, og sum vilja taka eina útbúgving upp á tvey ár, sum søkja inn á HF-Skeiðið. - Men tað er vanliga ikki nakað, vit kunnu anbefala teimum ungu at gera, sigur Mikkjal Helmsdal. Livandi og kreativt umhvørvi Í Studentaskúlanum og HF- Skeiðinum eru nógvar ymiskar typur av næmingum. Tað setur eisini sín dám á umhvørvið á skúlanum. – Vit hava eitt øgiliga livandi og kreativt umhvørvi. Tað kemst eisini av, at vit hava eitt øgiliga breitt fakligt útboð, so sum mynd- list, tónleik, sjónleik og film, umframt øll tey vanligu fakini. Hetta er við til at seta sín dám á stemningin og atmosferuna á skúlanum, staðfestir Mikkjal Helmsdal. Helmsdal: – Vit skapa heimsborgaran Lagt til rættis: Rógvi Nybo rogvi@sosialurin.fo og Eirikur í Jákupsstovu eij@sosialurin.fo »Vit gera næmingin til ein upplýstan verðinsborgara« Mikkjal Helmsdal