fríggjadagur 6. februar 2009síða 22

22 sosialurin 6. februar 2009 Lestrarblaðið Føroysk lesandi fara nú at fáa arbeiðstilboð úr Føroyum umvegis teldupost. Hetta fer at styrkja sambandið millum føroyska arbeiðsmarknaðin og tey, sum lesa uttanlands Fert tú uttanlands at lesa, hoyrir tú ikki eitt kis frá føroyska arbeiðs­ marknaðinum. Tú veist einki um hvørjar møguleikar tú hevur at fáa arbeiði, tá tú kemur aftur, og hvør tørvurin á føroyska arbeiðs­ marknaðinum er. Samstundis fært tú fleiri tilboð um at søkja arbeiði frá ymsum útlendskum fyritøkum, ið málrætt­ að leita eftir fólki at nøkta júst teirra tørv. Tað hevur tí verið ilt hjá føroyskum lesandi at síggja, hvat tey skulu koma heimaftur til. Men hetta fer nú at broytast. Yrkistænastan Á umsóknarblaðnum um ferða­ stuðul frá Stuðulsstovninum er nú komin ein nýggjur teigur. ”Eg ynski at fáa teldupostar frá Stuðulsstovninum, ið vinnulív, tað almenna ella áhugabólkar senda okkum” Og so skal veljast ja ella nei. Stuðulsstovnurin hevur samband við allar føroyingar, ið lesa uttan­ lands og sum søkja um ferða­ stuðul, og í tí sambandi hevur hann eisini allar teldupost­ adressurnar hjá føroyskum lesandi uttanlands. Føroyskar fyritøkur –bæði almennar og privatar, kunnu hereftir venda sær til Stuðuls­ stovnin og biðja hann senda teldupostar út til ein ávísan bólk av lesandi. Sosialurin kundi til dømis biðið Stuðulsstovnin sent øllum journalistlesandi mail um, at nú var starv leyst at søkja á Sosialinum – ella onnur viðkom­ andi boð, ið kundu verið áhugaverd og spennandi. Skipanin við yrkistænastuni verður ein fyrimunur bæði fyri tey lesandi og fyri vinnulívið. Við at velja ja, fært tú sostatt ein einastandandi møguleika at fylgja við í, um nakað forvitnisligt hendir her heima á júst tínum øki. ____________________________ Eydna Skaale eydnaskaale@hotmail.com Vit hava tørv á TÆR! Leingi hevur Stuðulsstovnurin verið tann einasti stovnurin, ið hevur goldið fyri skúlagjaldini hjá føroy­ ingum. Men soleiðis er ikki longur. Føroyingar hava nú rætt til at søkja bæði SU og SAAS, sum er skotski stuðulsstovnurin, um skúlagjald. Og í teimum førunum, tá teir taka við, hevur Stuðulsstovn­ urin ikki heimild at rinda. Fyri ikki at verða fangaður á skeiva beinin­ um, er tí týdningarmikið, at tú sum skjótast kannar, hvør skal rinda títt skúlagjald, og at tú sum skjótast sendir eina umsókn avstað. Við­ gerðartíðin er nevniliga long. Skotland stuðlar føroyingum í 2007 varð avgjørt, at allir føroyingar, sum lesa bachelor útbúgvingar í Skotlandi, skulu fáa kostnaðin rindaðan frá SAAS. Ávísar masterútbúgvingar verða eisini rindaðar av sama stovni, og tá kann Stuðulsstovnurin bert gjalda munin millum skúlagjaldið og tað útlendsku stuðulsstovnarnir gjalda. Ætlar tú tær at lesa Master í Skotlandi, er tí týdningar­ mikið at kanna um stuðul verður latin til júst tína útbúgving. Tað gert tú á heimasíðuni: www.saas. gov.uk/student_support/special_ circumstances/postgrad_list.htm. Um útbúgvingin er á listanum, skalt tú seta teg í samband við skúlan, tú ætlar tær á, og kanna, um hann er SAAS góðkendur. Letur SAAS ikki stuðul til tína útbúgving, skalt tú søkja Stuðuls­ stovnin. Kanna eisini: www.saas.gov.uk SU nýggja tænastu Frá á heysti í 2008 veitir SU eisini skúlagjald til lesandi á ávísum útbúgvingarstovnum uttanlands. Fyri at kanna um tín útbúgving er ein av hesum, far inn á www.su. dk og trýst á udlandsstipendium í vinstru síðu. Um tín útbúgving og útbúgvingarstað er á einum av teimum fýra listunum á heima­ síðuni (Universitetslisten, Kultur­ ministeriets liste, Undervisningsmi nisteriets liste og Samarbejds­ aftalelisten), skalt tú søkja SU um skúlagjaldið. Møguleiki er tó eisini at søkja, sjálvt um tín útbúgving ella útbúgvingarstovnur ikki er á listunum. Um SU ikki rindar ella bert rindar ein part av skúlagjaldinum kanst tú søkja Stuðulsstovnin um tann partin, ið ikki fæst frá SU. ____________________________ Eydna Skaale eydnaskaale@hotmail.com Meiri fæst at vita á: www.su.dk www.udlandsstipendium.dk www.ask.fo www.studul.fo Minst til… • Øll, ið ætla sær út um Norðurlond at lesa, skulu søkja um SU-góðkenning. • Um tú ætlar tær út um Norðurlond at lesa, so søk um SU-góðkenning av útbúgvingini ella útbúgvingunum skjótast gjørligt – helst her og nú!!! • Viðgerðartíðin er ofta ógvuliga long – upp til 4 mánaðir. • SU-góðkenningarskjalið finst á heimasíðunum www.su.dk, ww.ask.fo og www.studul.fo Hvør skal gjalda títt skúlagjald? Høgu skúlagjaldini uttanfyri norðurlond hava higartil verið goldin av Stuðuls­ stovninum – men nú er tað broytt. Bæði skotski stuðulsstovnurin SAAS og SU veita nú eisini føroyingum skúlagjald í ávísum førum, og tá kann Stuðulsstovnurin bert gjalda munin millum skúlagjaldið og tað útlendsku stuðulsstovnarnir gjalda. Tað er tí týdningarmikið at kanna hvør skal gjalda títt skúlagjald – og at søkja sum skjótast!