mánadagur 23. februar 2009síða 11

11 tíðindi Nr. 37 - 23. februar 2009 Ferðslukaos er rætta orðið Hans Enoksen hóttur eftir lívinum Ein 20 ára gamal maður hótti leygardagin við at myrða grønlendska landsstýrisformannin. Hans Enoksen var á veg til hús frá einari jarðarferð leygardagin, tá ein ungur maður tók í bringuna á honum og hótti hann eftir lívinum. Maðurin var ikki vápnaður. Løgreglan í Nuuk tók seinni mannin, sum varð varðhaldsfongslaður aftan á grundlógaravhoyring í gjár. Hans Enoksen sigur við grønlendska kringvarpið, at hann hevur fingið mangt oman yvir sín kropp, síðani hann fór upp í politikk, men at hetta er fyrstu ferð, at hann er hóttur eftir lívinum. Tann 20 ára gamli hótti eisini við at beina fyri landsstýrismanninum í fíggjarmálum, Per Bethelsen. USA endurskoða Kuba-politikkin Nógv bendir nú á, at USA fer at endurskoða sín politikk mótvegis grannanum Kuba. Richard Luger, sum er oddamaður hjá republikanarunum í uttanríkisnevndini hjá Senatinum, segði í gjár, at hann tekur undir við størri samstarvi og samhandli við Kuba. Eitt nú heldur hann, at Kuba eigur at sleppa at keypa matvørur úr USA upp á borg. USA setti handilstiltøk í verki ímóti Kuba í 1961, men Barrack Obama, forseti, hevur sagt, at tíðin er komin til at endurskoða støðuna. Tað hava verið so nógv brot á ferðslu­ lógina um vikuskiftið, at vit hava valt at brúka yvirskriftina: ferðslu­kaos Politi Rigmor Dam rigmor@sosialurin.fo Døgnrapportin á politi­ støðini leggur fyri fríggja­ dagin seinnapart, har ein last­bilur misti eina last av mold á vegin, tá hann fór av Hvítanesvegnum niðan á Ringvegin. Næsta málið er úti við Landa­vegin, har ein bilur bakkar inn í ein annan. Við­ komandi verður seinni funn­in, og tryggingin fær enn eitt mál at avgreiða. Í rundkoyringini í Kolla­ firði brýtur ein førari víki­ skylduna, tá hann rennur inn í ein bil inni í rund­ koyringini. Her verður politi­ið boðsent, og førarin fær í minsta lagi eitt klipp í kortið. Eisini hendu tveir skaðar á bilar í sambandi við parker­ing. Annar í Klaksvík, har tveir bilar koma ímóti hvørj­um øðrum, tá teir skulu avstað. Og í Føgrulíð í Havn uppdagar eigarin av einum bili, at onkur hevur rent á hann, meðan hann var perkeraður. Men við­ komandi er tíverri farin av staðnum. Eina løtu leygardagin vórðu ferðmátingar gjørdar í Vágatunlinum. Tríggir førar­ar vórðu tiknir, harav tann eini fær eina treytaða frá­døming av kortinum, tí hann koyrdi 125 km/t. Í Hovstunlinum fekk ein førari eisini klipp í kortið, tí hann yvirhálaði inni í tunli­ num. Um 2-tíðina leygarnáttina varð ein maður tikin fyri at koyra ávirkaður í Havn. Hann hevði heldur onki koyri­kort, tí tað var longu tikið. Á Hjalla var útsøla í gjár, og proppur kom í ferðsluna har. Tí mátti politiið niðan at loysa fløkjuna. Men bilarnir fingu heldur ikki altíð frið at standa. Í Vest­manna hevur onkur skrætt nummarplátur av bil­um, rukka og blaka tær frá sær. Og á Tvøroyri var eld­ur í einum bili. 11 mans funnu ikki songina Ikki færri enn 11 mans funnu ikki heim í songina sjálvir hetta viku­ skiftið. Bæði í Havn, í Eysturoynni og í Klaksvík mátti politi­ið fáa fullar mans til hús. Politi Rigmor Dam Rigmor@sosialurin.fo Um tað er tí at taxabilarnir eru vorðnir ov dýrir, ella tað bara er lættari at preia ein politibil, sigur søgan onki um. Ikki færri enn 11 mans vóru so dýrandi fullir hetta vikuskiftið, at teir funnu ikki heim í songina sjálv­ir. Tí mátti politiið fáa teir upp á beinini aftur og koyra teir til hús. Hetta var bæði í Havn, í Eysturoynni og í Klaks­vík. - Vit vilja helst ikki hava hesar fullu menni­ nar inn á støðina at sova. Tað brúka vit meira til teir, sum eisini eru óðir og harðligir. Tí royna vit altíð at fáa somikið av lív í teir, at vit kunnu koyra teir heim til sín sjálvs, sigur vakthavandi á politistøðini í Havn við Portalin. Hann fortelur eisini, at tað ofta hendir, at rúsaðu menninir liggja onkra­ staðni og sova, og hýru­ vognarnir skilliga ikki vilja hava teir upp í bilin. Tí verður politiið boð­ sent. Hvussu gongst við ætlanunum um at leingja barnsburðarfarloyvið upp í 1 ár, spyr tingkvinnan, Bergtóra H. Joensen, landsstýrismannin í vinnumálum Politikkur Rigmor Dam rigmor@sosialurin.fo Í fyrispurningi, sum Berg­ tóra H. Joensen, tingkvinna hjá Tjóðveldi, hevur sent Jóhan Dahl, lands­stýris­ manni í vinnumálum, til ting­fundin mikudagin, vísir hon til samgonguskjalið, har tað stendur, at: “Barsils­ skipanin skal framhaldandi betrast fyri foreldrini og gerast smidligari. Miðast skal ímóti, at hon verður longd upp í eitt ár”. Tingkvinnan greiðir í fyri­spurninginum frá, at barns­burðarfarloyvið bleiv longt við 8 vikum undir CHE-samgonguni. - Tað er at fegnast um – ætlanin var at halda áfram, so barnsburðarfarloyvið lok­sins gjørdist eitt ár. Vit hava tíverri ikki hoyrt eitt kis um hetta, síðani ABC skipaði samgongu, sigur hon. Eisini undrast hon á, at sam­gonguskjalið sigur, at barsil­skipanin framhaldandi skal betrast fyri foreldrini. - Ein kann spyrja, um hon ikki eisini skal betrast vegna børnini og teirra tørv. Vinnumálaráðharrin hev­ ur seinastu vikurnar verið á rund­f­erð í Føroyum við javn­støðu­nevndini. Berg­ tóra H. Joensen heldur, at tað hevði verið áhugavert at hoyrt, um hann á hesu rund­ferð hevur fingið nýggj­an íbástur til javn­ støðu­økið. Spurningarnir frá spyrjara­num eru hesir: - Hvussu gongst við æt­lan­unum um at leingja barns­burðarfarloyvið upp í 1 ár? - Og er nøkur ætlan um pápa­kvotu ella annað áhuga­vert sum fremur Ikki eitt kis um barsilsskipanina Perlulív hjá drykkju­ monnum – at verða koyrdur heim av løgregluni Døgnrapportin á politistøðini er á tremur við lógarbrotum á ferðsluøkinum um vikuskiftið Bergtóra H. Joensen vil vita, hvussu gongst við ætlanunum um at leingja barnsburðarfarloyvið upp í 1 ár, sum Landsstýrið hevur lovað í samgonguskjalinum