mikudagur 25. februar 2009síða 15

Nr. 39 - 25. februar 2009 15 Í eina tíð hevur verið kjakast dúgliga um hvussu Føroya Fiski­ mannafelag skal rekast. Hvør fakfelagspolitikk­ urin hjá felagnum skal vera og í seinastuni hevur onkur roynt at sáða iva um kósina hjá núverandi leiðslu felagsins S øgan hjá fakfeløgum er helst tann flottasta í heims­ søguni. Hon er søgan hjá teim­ um, sum bara høvdu sína arbeiðsmegi at selja, til ein støðugt meira industrialiseraðan heim, sum ógvuliga kategoriskt hevði býtt seg upp í kapital­ áhugamál og fakfelagsáhuga­ mál, har megin hjá arbeiðarum, fiskimonnum o.ø. var savnað í stríðnum fyri bestu materiellu úrtøkuni úr egnum verki, um­ framt øll tey sjálvsøgdu rætt­ indi, sum tíðin, í menningini av vælferðarsamfelagnum, síðani hevur havt við sær. V ar ongin politisk tjóðaskap­ arrørsla var ongin sjálvs­ virðing og ongin framsókn. Var útlendski monopolhandilin ikki avtikin, var ongin vinna og vóru fakfeløgini ikki, vóru Føroyar eitt klassasamfelag, sum hevði liðað seg úr spóna­ lagnum av sjálvsøgdu og vaks­ andi tvístøðuni hjá ymisku áhugamálunum – veikari og sterkari. Í 2011 vera tað hundrað ár síðani gøtumenn tóku stig til at skipa Føroya Fiskimanna­ felag. Hetta var ongin tilvild. Hvussu samfelagspolitiskt hesir menn vóru tilvitaðir, vita vit ikki, men sanføringin um, at felagsskapurin var besta amboðið, fyri at røkka frægastu úrslitum, tá tað galt rættvísa býtið, av tí sum fiskað varð, mundi vera drívmegin. S íðani hava nógvir mans dugnað felagnum, undir ógvuliga skiftandi umstøðum hjá føroyskari fiskivinnu og føroyskum fiskimonnum. Stór virðing hevur staðið um felagið, tess stjórnir og tess formenn. Í mannaeygum hevur tað líkst einum ótakandi skansa. H esi sløku hundrað árini eru ivaleyst mong mistøkini gjørd, og á sama hátt sum aðrastaðni, eru helst mangar bakbitsroyndir gjørdar móti felagsins áhugamálum. Klassiskir kílar, sum hentir idiotar hjá mótpartinum hava roynt at sindrað felagið við. Hesum ágangi hevur felagið megnað at staðið ímóti. Sam­ anumtikið hevur tó støðug menning verið. Í eina tíð hevur aftur verið roynt at søkja at vunnu rætt­ indum felagsins. Tað er ikki ókent, heldur er tað gerandis­ dagur, at fakfeløg koma undir trýst, vanliga megnar saman­ haldið at ripa okið av sær, men hesaferð tykist tað, sum partar av felagnum eru farnir at skelva í knøunum av tí trýsti, sum reið­ araáhugamál hava lagt á tað. M enn tosa í ramasta álvara um at skipa eitt nýtt fiskimannafelag, í hesum føri í Norðoyggjum, fyri at samráða seg til verri sáttmálar enn teir nú hava. Hetta mann vera heimsmet í fákunnu og undir­ brotligheit, og gera hesir menn álvara av sínum hugsanum og ætlanum, gerst tað størsta afturstig hjá føroyskari fakfelagsrørslu í hundrað ár. T að ringasta er, at destruktiva hugsanin tykist hava flutt seg inn í stjórn felagsins, har menn í ramasta álvara ætla at ganga ímóti áhugamálum og vunnu rættindum fiskimanna. T að er ongin loyna, at undir­ ritaði stuðlaði øðrum valevni til formansvalið í Fiskimannafelagnum seinast, og onkuntíð havi eg ivast í, um retorikkurin hjá Jan hevur tænt felagsins áhugamálum, men ongin ivi skal vera um, at fakfelagspolitiska kósin hjá núverandi formanni er snóra­ bein. Hann heldur fast um vunnin rættindi ígjøgnum hundrað ár, og tað skal hann gera, og hartil eigur stjórnin at standa honum treystliga við lið. Nú ræður um, ikki at hátta sær sum skinklandi rossleypar. S tutttíðaráhugamálini hjá før­ oyskum ella kanska útlend­ skum investorum skulu undir ongum umstøðum hótta saman­ haldið og harvið sterku støðuna hjá Føroya Fiskimannafelag. Dámar monnum betri roykin í bakarínum hjá úrvaldum reið­ arum, enn tí, í teirra egna felags­ skapi, eiga teir við sjógv á baki at forláta sínar ábyrgdarsessir í felag okkara, áðrenn hóttafall kemur á skansan. N ú skal røkka og ikki støkka. Nú ræður um saman at standa. Tíðargreinin: eitt íkast til føroyska orðaskiftið Sosialurin hevur tíðargrein í blaðnum týsdag og hósdag. Hevur tú hug at gera títt íkast til føroyska kjakið í 2009? Send eina grein til post@sosialurin.fo - Kravið er, at greinin er á leið 6000 tekn og skrivað í essay stíli Fiskimenn - Nú skal røkka og ikki støkka Tíðargreinin tíðargreinin Mortan G. Berjastein