hósdagur 26. februar 2009síða 7

7 tíðindi Nr. 40 - 26. februar 2009 Føroyingar hava sett fótin á bremsuna og hava meldað seg úr brúkaraveitsluni. Sostatt eru inntøkurnar hjá landskassanum av mvg og øðrum avgjøldum rapaðar niðureftir Landskassa­ inntøkur Áki Bertholdsen aki@sosialurin.fo Føroyingar liggja nú nógv fastari á pengunum, enn teir gjørdu fyri nøkrum fáum mánaðum síðani. Sostatt er keypihugurin eisini munandi minkaður seinastu tíðina og fólk eru fyri ein stóran part blivin nógv varnari at keypa til vanligt forbrúk. Av tí sama eru inntøkurnar hjá landskassanum av mvg og øðrum avgjøldum, eisini munandi minkaðar seinastu tíðina. Minkað 27% Jóannes Eidesgaard, lands­ stýrismaður í fíggjarmálum, staðfesti í Løgtinginum í gjár, at í januar í ár er inn­ tøkan hjá landskassanum av mvg og øðrum avgjøldum næstan 27% minni enn hon var í januar í fjør. Í Januar í 2008 var inn­ tøka landskassans av mvg og øðrum avgjøldum 150 milliónir krónur, men nýggj­ asta uppgerðin í fíggjar­ málaráðnum vísir, at í janu­ ar í ár var inntøkan fallin heilt niður á 110 milliónir. Sostatt er talan um eina minking upp á 40 milliónir, ella sløk 27%. Jóannes Eidesgaard sigur, at av hesi minkingini upp á 40 milliónir, stavar nógv tann størsti parturin frá van­ ligum forbrúki. Mvg inntøkan hjá lands­ kassanum av vanligum nýtsluvørum eru 30 millión­ ir lægri í januar í ár enn tær vóru í sama mánaði í fjør. ­ Tað er tekin um, at for­ brúkið onkusvegna er steðg­ að og at fólk ikki keypa so nógv longur, sigur landsstýr­ ismaðurin í fíggjarmálum. Annars er inntøkan av skrásetingargjøldum av bilum eisini munandi mink­ að í januar í ár aftur ímóti í januar í fjør. Skattainntøkan minkar ikki Annars staðfesti Jóannes Eidesgaard, at inntøkurnar hjá landskassanum av skatti vóru hægri í januar í ár, enn tær vóru í fjør. Inntøkan av vanligum skatti er bara minkað fýra milliónir januar í ár aftur ímóti í januar í fjør. Men inntøkan av partafel­ agsskatti er vaksin enn meiri, so tilsamans er inn­ tøkan hjá landskassanum av skatti hægri í januar í ár enn í januar í fjør. ­ Veruleikin er, at hugsa vit um inntøkur landskass­ ans av skatti, er januar í ár tann besti januar mánaði síð­ ani 2006, staðfestir landsstýr­ ismaðurin í fíggjarmálum. Tilsamans er inntøkan hjá landskassanum av skatti tilsamans góðar 105 milli­ ónir í januar 2009 og tað er altso eitt vet hægri enn í januar í fjør. Men her skal havast í huga, at tann ætlaði skatta­ lættin, sum skuldi koma í gildi á nýggjárinum, er strik­ aður. Hevði hann ikki verð­ ið tað, var inntøkan mun­ andi lægri. Tórbjørn Jacobsen, løg­ tingsmaður fyri Tjóðveldi, staðfestir, at hevði undan­ farna ABC samgonga ikki latið illa umstríddu skatta­ lættarnar, hevði inntøkan hjá landskassanum nú verið 400 milliónir meiri um árið, enn tær eru. Men Jóannes Eidesgaard mátti so eisini ásanna, at páhaldið um, at tað er bara at lækka skattin, so hækka inntøkurnar hjá landskassa­ num, heldur ikki altíð. Føroyingar hava sett seg tungt á pengarnar Ein al- mennur stovnur afturat fluttur til Suðuroyar Johan Dahl hevur flutt umsitingina av aliloyvum til Suðuroyar aLmenn umsiting Áki Bertholdsen aki@sosialurin.fo Nú er ein almennur stovn­ ur afturat fluttur til Suð­ uroyar. Tað hendir eftir at Johan Dahl nú um dagar­ nar gjørdi av at flyta umsitingina av liloyvum til Suðuroyar. Í seinastuni hevur ver­ ið søkt eftir einum alium­ sitara og tað starvið er akkurát nú sett. Tað er Kristina Vilhelm í Vági, sum er sett í starvið. Hon er lívfrøð­ ingur og hon byrjar í starvinum í næstu viku. Kristina Vilhelm hevur royndir úr alivinnuni, har hon hevur arbeitt við at gera innanhýsir virkisætl­ anir og úr Danmark hev­ ur hon eisini viðkomandi royndir, har hon hevur arbeitt við umhvørvisum­ siting. Talan er ikki um eitt fulltíðarstarv, men um eitt hálvtíðarstarv og helvtina av tíðini skal hon halda fram at arbeiða fyri Heilsufrøðiligu Starvsstovuna, har hon eisini arbeiðir nú, upplýs­ ir Johan Dahl, landsstýr­ ismaður. Tá ið brúkaraumboðið er flutt til Suðuroyar, er ætlanin at umsitarin av aliloyvum skal flyta inn í sama hús. Føroyingar eru blivnir nógv varnari at brúka pengar og tað merkir, at teir keypa verri enn so líka nógv nú av vanligum nýtsluvørum, sum teir gjørdu fyri nøkrum mánaðum síðani Tilvildarlig mynd Fýra danir deyðir av salmonella Teir seinastu mánaðirnar eru nógvir danir smittaðir av salmonella, og fýra eldri fólk eru deyð av smittuni. Hesar mánaðirnar hava 79 fólk verið hjá lækna eftir at hava etið kjøt við salmonellabakterium, og fýra teirra doyðu. Tað skrivar B.T. í dag. Tey fýra, sum doyðu, vóru eldri enn 75 og búðu á Sælandi. Statens Serum Institut sigur fyri blaðnum, at talan er um salmonellabakteriurnar U288 og U312. Sagt verður, at smittan er komin frá svínakjøti frá sláturhúsum í Jyllandi og Sælandi. Enn vilja myndugleikarnir ikki siga, hvørjum sláturhúsum smitan kom frá, ella hvørjum matvørum fólk skulu ansa eftir, skrivar B.T. Ingibjörg hugsar seg um Formaðurin í íslendska flokkinum Samfylkingin, Ingibjörg Sólrún Gísladóttir, fer seinni í vikuni at boða frá, hvussu verður við hennara politiska lívi í framtíðini. Ingibjörg Sólrún hevur havt farloyvi frá Altinginum tær seinastu vikurnar vegna sjúku, og hesa tíðina hava íslendsku fjølmiðlarnir kjakast dúgliga um, hvørt hon man ætla at halda fram í politikki ella ikki. Blaðið Vísir skrivaði í gjár, at Ingibjörg Sólrún ráðførir seg við Jóhönnu Sigurðardóttur, forsætisráðharra, sum eisini er floksfelagi hennara. Samfylkingin skal hava landsfund í næsta mánað.