fríggjadagur 27. februar 2009síða 16

16 tíðindi Nr. 41 - 27. februar 2009 Tá ið streymurin fór seinnapartin í gjár, riggaði skipanin, sum skuldi tryggja Landssjúkrahúsinum streym, ikki til fulnar. Hetta var so óheppið, sum tað kundi verið, men vit hava fleiri trygdarskipanir, so tað var ongin vandi á ferð, sigur leiðarin á tænastudeplinum StreymSlit Áki Bertholdsen aki@sosialurin.fo Seinnapartin í gjár hendi nak­ að, sum ikki eigur at henda: Landssjúkrahúsið misti ein part av streyminum. Streymurin hjá SEV fór seint seinnapartin í gjár, men Landssjúkrahúsið hev­ ur trygdarskipanir, sum eiga at taka yvir sjálvvirk­ andi, fyri at tryggja, at alt virkar, sum tað eigur. Men seinnapartin í gjár riggaði hendan sjálvvirkandi trygdarskipanin og tí kom Landssjúkrahúsið at liggja partvís í myrkri í einar 40 minuttir. Sló ikki til Jan á Argjaboða sigur, at tá ið streymurin fór, riggaði eitt battarí ikki sum sjálv­ virkandi skal kobla trygdar­ skipanina til. Hann sigur, at hetta var so óheppið, sum tað kundi verið, tí teir høvdu roynt skipanina fyrr um dagin og tá riggaði alt, sum tað skuldi. ­ Skipanin verður roynd við jøvnum millumbili, men hetta brekið hevur so tikið seg upp í teimum fáu tímunum, ið gingu frá tí, at skipanin var roynd og til streymurin hjá SEV fór. Leiðari á tænastudepl­ inum á Landssjúkrahúsin­ um, leggur dent á, at ongin sum helst vandi var á ferð, tí Landssjúkrahúsið hevur tvær trygdarskipanir, so at øll neyðug tól og útgerð framvegis virka, sum tey skulu, skuldi tann fyrra trygdarskipanin eisini svikið. Tað merkir at øll tól med­ isinsk tól, øll tól á intensivari deild og alt, sum verður brúkt til eygleiða sjúklingar, virkaðu sum tey skulu og somuleiðis virkaðu allar teldur. Á skurðstovunum hava týdningarmikil tól eisini sína trygdarskipan sum gev­ ur læknunum møguleika at enda eina skurðviðgerð í ringasta føri. Eftirmeta støðuna Tað merki, at á Landssjúkra­ húsinum mistu tey bara sjálvt ljósið, men annars virkaði allur neyðugur útbúnaður. Hinvegis ásannar Jan á Argjaboða, at tað er avmarkað, hvussu leingi tær síðstu trygdarskipanir­ nar virka, tí meiningin er, at tann fyrsta trygdarskipanin, sum er ein motorur, ið kann ganga óavmarkað, skal sláa til sjálvvirkandi. Men tað gjørdi hon so ikki í hesum føri og tískil lá Landssjúkrahúsið partvís í myrkri í einar 40 minuttir, tó at tær eyka trygdarskip­ anirnar gjørdu, at allur neyðugur útbúnaður virk­ aði, sum hann skuldi. Jan á Argjaboða sigur, at tær eyka trygdarskipanirnar halda í einar tveir tímar. Av tí, at brekið hendi eftir arbeiðstíð, var neyðugt at senda boð eftir tilkallivakt­ ini, sum altíð er tøk og tískil tók tað 40 minuttir, til tað eydnaðist teimum at seta motorin til við hond. Hevði brekið hent um dagin, hevði meiri fólk verið til arbeiðis á staðnum og so hevði tað neyvan tikið so langa tíð, sigur Jan á Argjaboða. Tænastuleiðarin stað­ festir, at hetta er eitt mál, tey taka í størsta álvara, hóast hetta var so óheppið, sum tað kundi vera og hann veit ikki, hvussu tey kundu tryggja seg ímóti slíkum, tekniskum breki. Longu í morgun fóru tey at eftirmeta støðuna fyri at vita, um tey skulu broyta mannagongdir viðvíkjandi regluligum eftirliti o.s.fr. Ein spurningur, sum tey hava til viðgerðar, er, hví tað tók 40 minuttir at seta motorin til við hond, tí tað heldur Jan á Argjaboða er í longra lagi. ­ Tá ið vit hava við tekn­ ikk at gera, kunnu vit aldrin siga aldrin og hetta var eitt so óheppið samanfall, sum hugsast kann og beint nú veit eg ikki, um vit kunnu tryggja okkum betri, sigur Jan á Argjaboða. Landssjúkrahúsið í myrkri í 40 minuttir Í gjár hendi tað, sum ikki eigur at henda: Trygdarskipanin á Landssjúkrahúsinum virkaði ikki til fulnar, tá ið streymurin fór, men so tóku aðrar trygdarskipanir yvir, so ongin vandi var á ferð Serbaleiðari fríkendur Fyrrverandi serbiski forsetin Milan Milutinovic varð í gjár fríkendur í altjóða krígsbrotsmannadómstólinum í Haag. Milutinovic, sum tók við sum forseti eftir Slobodan Milosevic í 1997, varð ákærdur fyri krígsbrotsverk ímóti albanska fólkinum í Kosovo seinast í nítiárunum. Men hann bleiv fríkendur, tí sambært dómarunum gjørdi hann ikki annað enn tað, sum hann fekk boð um at gera. Fimm aðrir serbar, sum komu fyri rættin í Haag í gjár, vórðu dømdir sekir og fingu millum 15 og 22 ára fongsul. Týskarar missa arbeiðið Arbeiðsloysið í Týsklandi veksur í hvørjum. Í síðsta mánaði vóru 8,3 prosent av týsku arbeiðarafjøldini arbeiðsleys, og nú er hetta talið 8,5 prosent, skrivar DPA. Tað merkir, at 63.000 týskarar hava mist arbeiðið tann seinasta mánaði, og sostatt eru 3,5 milliónir fólk í Týsklandi arbeiðsleys nú. Týska hagstovan sigur, at arbeiðsloysið er serliga stórt í byggivinnuni, men hagstovan roknar við, at vøksturin fer eisini at vísa seg í øðrum vinnugreinum seinni í ár.