fríggjadagur 27. februar 2009síða 30

30 [ Nr. 41 - 27. februar 2009 ] Hóast fíggjarligi karmurin bara loyvir, at ungir fótbóltsspælarar á ítróttarbreytini kunnu ganga á ítróttarskúla og miðnámsskúla samstundis, er handilsskúlin á Kambsdali opin fyri øðrum ítróttargreinum. – Men tað krevur fígging, sigur Páll Isholm, deildarstjóri. ÍTRÓTTARSKÚLI Hilmar Jan Hansen einslistir@kallnet.fo Tá eitt nýtt skúlaár byrjar í august, byrjar samstundis tann triði árgangurin av næmingum á serligu ítrótt­ arbreytini, sum Føroya Handilsskúli á Kambsdali nú hevur havt í tvey ár. Á ítróttarbreytini ber til hjá ungum og evnaríkum fót­ bóltsspælarum at ganga á ítróttarskúla og miðnáms­ skúla í senn. – Vit hava alla tíðina havt eitt ynski um, at ítróttar­ breytin kundi fevnt um aðrar ítróttargreinar eisini, men fíggjarligi karmurin loyvir tí ikki. So skulu vit fáa aðrar ítróttargreinar við, má í øllum førum meira fígging til, sigur Páll Isholm, deildarstjóri á Før­ oya Handilsskúla á Kambsdali. – Í aðrar mátar hevði einki verið til hindurs fyri tí, tí vit hava fysiskar karm­ ar í grannalagnum, eitt nú eina ítróttarhøll, umframt at her á leiðini eru fleiri ítrótt­ arfeløg av ymsum slag. Og tað hevði heldur ikki kravt stórvegis tillagingar, um onnur enn fótbóltsspælarar skuldu fylgt breytini, sum hon er skipað og løgd til rættis nú. At talan hetta triðja árið eisini bert verður um eitt til­ boð til fótbóltsspælarar, hevur tó ikki verið nøkur forðing fyri, at áhugin hevur verið stórur, tí tey bæði undanfarnu árini hevur næmingatalið ligið um 15­16, og Páll Isholm væntar, at talið verður upp­ aftur hægri enn tað næsta skúlaár. Eisini uttanlands Í hesum døgum verður søkt eftir næmingum til tær ymsu útbúgvingarnar, og fótbóltsspælarar kunnu tí søkja á ítróttarbreytina, sam­ stundis sum teir søkja á FHS, tvey ára HH­ ella trý ára HH­útbúgving á Kambs­ dali. Umsóknarfreistin er úti um góðar tvær vikur, tann 15. mars. Á ítróttarbreytini er høvi hjá ungu næmingunum at liva sum ítróttarfólk, so teirra gerandisdagur eitt nú er merktur av røttum livi­ hátti og miðvísari venjing. Talan er um tilsamans fýra tímar um vikuna, sum eru knýttir at ítróttarbreytini, har venjingarnar verða fyri­ skipaðar av venjarum við hægstu førleikum. Í ár er Sigfríður Clementsen høv­ uðsvenjari á ítróttarbreytini. – Tey ungu hava verið ófør at møtt upp, sjálvt um venjing stendur á skránni tíðliga vetrarmorgnar, og í allar mátar hevur ítróttar­ breytin riggað væl higartil. Tey bæði farnu skúlaárini hevur verið skipað fyri lestr­ arferð og venjingarlegu utt­ anlands, sigur Páll Isholm. – Í báðum førum hevur ítróttarbreytin vitjað danska felagið AaB, har næmingar­ nir hava búð saman við javn­ aldrum á AaB College í Aalborg, vant hvønn dag og annars verið við til venjingar og sæð dystir. Bæði árini hev­ ur talan verið um væleydn­ aðar ferðir, so hildið verður fram eftir hesum leisti eisini komandi skúlaár. Ítróttarbreytin á Kambsdali gevur bóltin upp triðju ferð Virkandi fótbólts­ landsliðsvenjarin, Jens Martin Knud­ sen, sær fram til vinardystin ímóti Íslandi, sum verður spældur í Kórinn­ høllini á Kópavogi sunnudagin 22. mars. Hann verður sjálvur annar, sum skal stýra landsliðnum ímóti grannunum fyri vestan FÓTBÓLTUR Hilmar Jan Hansen einslistir@kallnet.fo Hóast vinardysturin ímóti íslendingum er um ein mán­ að, so tykist greitt, at tað ikki fer at eydnast Fótbólts­ sambandinum at finna nýggjan landsliðsvenjara til ta tíð. Tí verða tað tveir før­ oyingar, sum koma at taka sær av at seta liðið og stjórna landsliðnum frá síðulinjuni henda dystin. Fyrr í vikuni segði for­ setin í Fótbóltssambandin­ um, Høgni í Stórustovu, at ikki var neyðugt at hava funnið avloysaran fyri Jógv­ an Martin Olsen undan vin­ ardystinum ímóti Íslandi í Kórinn­høllini á Kópavogi, og nú mestsum váttar for­ maðurin í landsliðsnevndini, Magnus á Stongum, at eing­ in venjari heldur verður sett­ ur áðrenn 22. mars. Í øllum førum segði hann við 3­2 í gjárkvøldið, at tað verður virkandi landsliðs­ venjarin, Jens Martin Knud­ sen, sum saman við einum øðrum føroyingi skal standa fyri fyrireikingunum til tann dystin. Jens Martin hevur sáttmála sum hjálpar­ venjari hetta landsliðsárið út, so tí er hann upplagda valið til at vera annar teirra, ið tekur henda dystin. Kennir íslendingar – Eg eri klárur og til dystin fús, og tað skal heldur ikki vera nakað dulsmál, at júst ein landsdystur ímóti Íslandi er ein serliga stuttlig og spennandi avbjóðing, sigur Jens Martin Knudsen, sum síðstu fýra mánaðirnar hevur verið í tí løgnu støðu, at hann hevur verið hjálpar­ venjari, men uttan at hava nakran venjara oman fyri seg. – Mín sáttmáli við Fót­ bóltssambandið er fram­ vegis galdandi, so tí arbeiði eg upp á besta máta við fyri­ reikingum og øðrum. Eg skal so gera mítt til, at nýggi landsliðsvenjarin ikki skal standa púrasta á berum, tá hann eina ferð kemur. Tá nú talan er um ein dyst ímóti júst Íslandi, er neyvan nakar betur førur fyri at gera fyrireikandi arbeiðið enn Jens Martin, sum sjálvur hevur verið bæði spælari og venjari í Íslandi fyri ikki so øgiliga langari tíð síðani. Tí hevur hann gott innlit í íslendskan fótbólt og kennir bæði spæl­ arar og venjarar har yviri. – Enn vita vit ikki, um íslendingar ætla at hava nakrar ella ongar av sínum útisetum við í dystinum ímóti okkum, men eg fylgi so væl við, sum tað letur seg gera. Men hetta er so ein dystur, ið hevur nokk so nógv at siga fyri okkum, og nú vit fingu ein frammaná frá teimum har yviri fyri einum ári síðani, vilja vit sjálvandi vísa, at vit eru betri enn 3­0 til Ísland, sum tá stóð á máltalvuni, sigur virkandi landsliðsvenjarin. Jens Martin: Eg eri klárur Jens Martin Knudsen kemur sum virkandi landsliðsvenjari sjálvur annar at hava ábyrgd av vinardystinum hjá Føroyum ímóti Íslandi um ein mánað. Her er hann avmyndaður saman við Jákupi Mikkelsen, sum tekur hetta árið aftrat sum málverji á landsliðnum Mynd: Hilmar Jan Hansen/Einslistir Adrian Ilie funnið gaggurnar framaftur Fyrrverandi rumenski landsliðsspælarin, Adrian Ilie, sum gavst at spæla fótbólt í 2006, hevur nú funnið gaggurnar framaftur og fer at spæla fyri Terek Grozny í næstbestu russisku deildini. 34 ára gamli Ilie gavst at spæla, tí knøini vóru farin at bila, men hevur nú hug at royna aftur. Adrian Ilie hevur spælt 55 landsdystir fyri Rumenia og skotið 13 mál. Tiger Woods útsligin í »come-back« dysti Heimsins bestu golfspælari, Tiger Woods, sum í longri tíð ikki hevur fingið spælt fyri einum skaða, var beinanvegin útsligin, tá hann í gjár gjørdi »come­back« í óalmennu HM­kappingini í holspæli. Eftir steðg í átta mánaðir mátti Woods lúta fyri Tim Clark úr Suðurafrika, sum er nummar 33 á heimsstyrkilistanum, so enn er eitt petti eftir, áðrenn »tigarin« er aftur á toppinum.