fríggjadagur 27. februar 2009síða 21

Nr. 19 • 27. februar 2009 21 Mortan í Hamrabyrgi ummælir vín úr Rús drekka­ sølu Landsins. Skoðsmálini eru latin í mun til samsvar millum prís og góðsku. vín ummælið mortan@hamrabyrgi.com Boschendal, Western Cape, Chenin Blanc 2007 Uppruni: Turt hvítvín úr Suðurafrika Ummæli: Gulgrønur glógvandi litur. Frískligur angi við brá av grønum súreplum, lime, melón og fersku. Leskiligur og turrur smakkur við tónum av grø- num steinfruktum og ikki sørt tropiskt eftirbragd av ananas. Men eisini ein keðiligur beiskur eftirsmakkur og tey 14 prosen- tini brenna nakað í gómanum. Røkkur ikki til meira enn tríg- gjar. Kostnaður: Kr. 83,50 Skoðsmál: Mezzacorona, DOC Tren- tino, Pinot Grigio 2007 Uppruni: Turt hvítvín úr Italia Ummæli: Bleikur glógvandi gulur litur. Lættur og elegan- tur angi av grønum súreplum og okkurt appilsin-kent. Lætt, leskiligt, fruktakent og turt vín við subtilum tóna av onkrum royktum. Neyvt og reint. Rími- ligur prísur. Fullkomna vínið til ein Cesar Salat, Salade Niçoise ella ein góðan ost (ikki ov ræstur). Kostnaður: Kr. 86,00 Skoðsmál: Espiritu de Chile, Cabernet-Carmenère Uppruni: Turt reyðvín úr Kili Ummæli: Djúpur kirsuber- reyður litur. Kraftmikil angi av sólber og sjokolátu og so eitt ordans gúpp av sprellivandi bromberum og lakres. Smakku- rin er sum so oftani í posavíni nakað bleytur og saftkendur, men Carmenère-drúvan heldur í oyruni á hesum víni , at tað ikki smokkar saman. Væl úr hondum greitt til rímiliga prísin. Fýra stórar. Kostnaður: Kr. 213,00 (3L=4 fløskur) Skoðsmál: Gran Familia, DOC Rioja Uppruni: Turt reyðvín úr Spania Ummæli: Kirsuberreyður litur. Her bresta saman tónar av berfrukt, krydd og so vanilja frá fatlagring. Smakkurin somu- leiðis illa samansjóðaður. Her hendir ov nógv í senn, sum tíverri ikki spælir saman. Frísk myrk berfrukt, heit kryddarí og ein næstan vamlisligur vanil- jutóni. Óharmoniskt. Kostnaður: Kr. 75,00 Skoðsmál: Hvat vín hóskar at drekka afturvið salatum? Hendan spurning fái eg ikki so oftani. Vit knýta vanliga vín til ein góðan búff, men tað kann sanniliga vera leskiligt við løttum elegantum hvítvíni afturvið spennandi salat. Mest týdningamikla fyrivarni í mun til at velja vín er dres- singin. Er nógv edika, sinnop ella hunang í dressingina kann tað køva fruktina í vínið. Italsku hvítvíns-sløgini av Pi- not Grigio-drúvuni har norðuri í Trentino-Alto Adige hepnast serliga væl sum salat-vín. Tey kunna vera løtt og gerandislig, men í summum førum dansan- di elegant og kortini eiga magn í sær, sum matchar flestu olju/ ediku-dressingar. Kommunulæknin hjá mær, ið er íðin fjalla-klintrari, plagar at ferðast til Dolomitturnar í Trentino-Alto Adige lands- partinum. Hann fortelur altíð hugaheitur um hesi sjáldsama vøkru fjøll og dalar. Og hann gloymir ongantíð at siga frá mat- og vín-upplivingarnar. Fríska grønmetið, spennandi ostarnir og so ikki minst leski- liga Pinot Grigio-hvítvínið. Pinot Grigio-drúvan kenna vit eisini í Fraklandi (Alsace) sum Pinot Gris og í Týsklandi sum Grauburgunder. Salat-vín