týsdagur 2. oktober 2001síða 2

2 Nr. 189 - 2. oktober 2001 Nr. 189 - 2. oktober 2001 3 Signar í Homrum, sum var oddamaður í rockbólkinum Kjølar, býr nú í Svøríki, har hann er deildarleiðari í stórari handilsketu. Hóast stundir ikki eru til at spæla í bólki, skrivar Signar framvegis sangir, og hann arbeiðir við tónleiki á heima- telduni TÓNLEIKUR Pop.fo Signar í Homrum var í fleiri ár ein av teimum mest sjónligu sangarunum í før- oyskum rocktónleiki. Hann spældi í Kjølum, sum gjørdi nógv vart við seg - bæði á konsertum og á fløgu. Seinastu árin hevur ikki nógv verið at hoyrt frá Signari, og tað er ein orsøk til tað. Signar er búsitandi í Svøríki, har hann hevur ikki somu stundir til tón- leikin, sum hann plagdi at hava. Hvat gert tú í Svøríki? Eg arbeiði í einum stór- marknaði, sum er partur av samtakinum KF. Hetta svarar til FDB í Danmark. Føroyska keypsamtøkan er líknandi hugskot, har lim- irnir eiga samtakið. Mítt starv á stórmarknaðinum er at verða deildarleiðari fyri kundatænastu, kassaskipan, pengahandfaringini. Vit umseta fyri góðar 300 mió. um árið og royna tí at finna so góða skipan fyri kort- gjaldi sum møguligt fyri at sleppa undan reiðum pen- ingi. Tá man hugsar um at vit hava okkurt um 60% kontant gjald, so kostar reiður peningur okkum nógv, bæði í trygd og ar- beiði nógv, sigur Signar í Homrum. Hvussu leingi ætlar tú at búgva í Svøríki? – Fyribils hava eg og Eydna sagt tvey ár afturat, tí á várið 2003 skulu vit flyta í nýggjan stórmarkn- að. Handilin hjá okkum í dag er upp á umleið 8.000 fermetrar, og tann nýggi verður umleið 15.000 fer- metrar, so tað ætli eg mær í hvussu so er at verða við til. Ikki minst lærdómurin í at byggja nakað upp frá einari tómari høll til eina vælvirk- andi eind er spennandi upp- gáva. Hugsar um solofløgu Hvat gert tú við tónleik? – Eg havi verið við í tveimum bólkum, men tí- verri røkkur ikki tíðin til, so tað at spæla í bólki er á bara til hugna í løtuni. Men eg siti heima og spæli, geri sangir og tekstir, og eg eri farin at arbeiða eitt sindur við tónleiki á teldu. Harum- framt havi eg kannað eitt sindur, um tað hevði verið gjørtligt at selt onkran sang til okkurt plátufelag. Tað hevði verið stuttligt at roynt okkurt sovorðið. Hvørjar ætlanir hevur tú við tónleiki? – Seinni í heyst kundi eg hugsa mær at farið upp í onkran bólk, men tað er eitt sindur óvist júst nú. So er eisini planurin at geva fløgu út sjálvur, men har havi eg ikki gjørt av, nær tað fer at verða. Hugskotið aftanfyri fløguna havi eg klárt, og eg havi skrivað eini tvey løg, sum eg ætli mær at brúka til tað fløguna. So skal eg bara hava eini tíggju afturat... Fylgir tú við í føroyskum tónleiki? – Ja, at eg fylgi við í tíð- indum, heimasíðum og ikki minst Pop.fo. Men eg havi verið rættiliga vánaligur at keypa føroyskar fløgur, so eg veit ikki rættiliga, hvørj- ir bólkar eru frammi beint nú. Nú All That Rain leitar eftir nýggjum sangara og gittarleikara, sær tað ikki út sum um tað er nakar konsertbólkur í gongd, og tað er spell, haldi eg. – Sjálvur haldi eg, at tað at spæla til dans er vorðið sum nakað »tú ikki gert«, men tað sum tónleikarar ikki hugsa um er, at tað er har tú fært royndirnar at spæla leingi. Klárar tú at spæla til eitt brúdleyp í sjey ella átta tímar, so klárar tú tað mesta. Og tað sum ræð- ur um, er at spæla so nógv sum gjørligt, ta tíðina bólk- urin skal sjóðast saman. Kunnu vit vænta at síggja teg aftur á føroyskum palli? – Ja, tað vóni eg. Eg havi sum so ikki samband við nakran bólk í Føroyum, meira enn "gomlu Kjøl- arnar", men mær dámar væl at spæla tónleik, so okkurt fer ivaleyst at verða onkuntíð. Og skuldi okkurt serligt tiltak komið framvið, so er ikki óhugsandi at eg hevði havt hug til tað. Frá rocktónleiki til svenska handilsketu – Sjálvur haldi eg, at tað at spæla til dans er vorðið sum nakað »tú ikki gert«, men tað sum tónleikarar ikki hugsa um er, at tað er har tú fært royndirnar at spæla leingi. Klárar tú at spæla til eitt brúdleyp í sjey ella átta tímar, so klárar tú tað mesta, sigur Signar í Homrum C M Y K 3 2