fríggjadagur 6. mars 2009síða 22

22 tíðindi Nr. 46 - 6. mars 2009 Hugflogið spraklar av álvara í øðrvísi bindisniðunum, sum verða at síggja á framsýning, ið letur upp í Norður­ landahúsinum seinnapartin Snið Anna V. Ellingsgaard anna@sosialurin.fo DK:KNIT er heitið á fram­ sýningini av øðrvísi mod­ ernaðum bindisniðum, sum letur upp í Norðurlanda­ húsinum í dag klokkan 17. Tað er Designskolen í Kolding, ið hevur tikið stig til framsýningina, sum hev­ ur verið at sæð í Danmark seinastu tveir mánaðirnar. Við á framsýningini eru fyrrverandi næmingar á skúlanum og onnur, ið hava eitthvørt annað tilknýti til skúlan. Eitt fet víðari Her heima er sum kunnugt stórur áhugi fyri at binda og gera nýggj snið og mynstur úr teimum meira siðbundnu troyggjunum. Nýggja framsýningin tekur tó vanliga binding eitt ella fleiri fet víðari við bundnum lutum, sum bróta heilt upp úr nýggjum bæði í mun til snið og mynstur. Ein hin mest kendi danski sniðgevin innan binding er Iben Høj, og er hon eisini umboðað á framsýningini. Hon hevur starvast hjá altjóða sniðgevum so sum Donna Karan og Marni og hevur harumframt megnað at selt síni snið til so kend nøvn sum Marc Jacobs og Calvin Klein. Føroyar eru eisini umboðaðar á framsýningini á ymiskan hátt. Føroyski sniðgevin Katrina í Geil hevur útbúgving frá Designskolen i Kolding og er ein av teim 11 sniðgevunum, ið eru við á framsýningini. Hartil hevur ein onnur, Dorte Merete Lykke Jensen, føroyska ommu og sigur hon seg hava fingið áhuga fyri binding haðani. Einasti mannligi snið­ gevin á framsýningini, Hans Christian Madsen, sigur annars soleiðis um sín íblástur frá føroyskum bindisniðum: ”Í sambandi við mítt arbeiði sum klædnasniðgevi, hava eg djúpað meg í norðurlendskum listhand­ verki við serligum atliti til binditraditión og havi ser­ liga funnið nógvan íblástur í føroyskari binding" Framsýningin er at síggja í Norðurlandahúsinum í tíðarskeiðnum 6. mars til 14. apríl. Tað verður Katrina í Geil, sum letur fram­ sýningina upp saman við kuratorinum Helene Jensen, ið dagliga starvast á Design­ skolen í Kolding. Bindisnið við øðrvísi eygum AðAlstjóri til AlmAnnAmálAráðið Aðalstjórin verður ovasti ráðgevi hjá landsstýriskvinnuni í almannamálum og fer at hava ábyrgdina av dagligu leiðsluni, menningini og rakstrinum av Almannamálaráðnum. Økið fevnir um: almannamál, familjumál og bústaðarmál. Høvuðsuppgávur: · leiða og samskipa arbeiðið í ráðnum · Samskipa og fyrireika uppgávur í omanfyri nevndu málum · Fyrireika lógir, kunngerðir og reglugerðir innan virkisøkið · Eftirlit við stovnum undir Almannamálaráðnum · Aðrar viðkomandi uppgávur, sum hoyra virkisøkinum til Førleikakrøv Kravt verður, at umsøkjarin hevur kandidatútbúgving frá lærdum háskúla og leiðsluroyndir frá tí almenna ella privata arbeiðsmarknaðinum. Umráðandi er, at tann, ið verður settur, hevur góð evni at samstarva og samskifta, umframt at seta greið mál og skapa úrslit. Viðkomandi skal duga at síggja heildir uttan at missa burtur týdningarmiklar smálutir og skal kunna arbeiða við nógvum málum í senn. Viðkomandi skal duga væl at raðfesta, samskipa og útdelegera. Tann, ið verður settur, skal hava gott innlit í politisk viður­ skifti og vitan um tær treytir, ið eru galdandi í eini politiskari fyrisiting. Týdningarmikið er, at viðkomandi hevur vilja og hegni at ganga nýggjar leiðir. Setanarviðurskifti Starvið er tænastumannastarv, starvsheitið er aðalstjóri og er flokkað í 39. lønarflokki. Harumframt er ein mánaðarlig við bót uppá 4.763 kr. Viðbótin er ikki eftirlønargevandi. Setanarøkið fevnir um Almannamálaráðið, stovnar undir tí, løgmansskrivstovuna og hini stjórnarráðini. Tænastu­ staðurin er í løtuni Almannamálaráðið. nærri upplýsingar fáast við at venda sær til marjuna Hanusardóttir, løgmansstjóra, tlf. 55 10 30. Umsóknir við upplýsingum um útbúgving, royndir og møgulig viðmæli skulu stílast til løgmann, og sendast Løgmansskrivstovuni, Marjuni Hanusardóttir, løgmans­ stjóra, postsmoga 64, 110 Tórshavn, í seinasta lagi mána dagin 16. mars 2009 kl. 12. Allar umsóknir verða viðgjørdar í trúnaði. VIT DRAGA EINA LÍNU · VIT SETA SKYNSEMI Í HÁSÆTI · VIT VILJA VITA · VIT BRÓTA SLÓÐ sansir.fo lØGmAnSSKriVSTOVAn Prime minister’s Office Almannamálaráðið er eitt av stjórnarráðunum í miðfyrisitingini, sum veitir landsstýrinum ráð, tryggjar haldgott grundarlag og ger hugskot til veruleika. miðfyrisitingin er fremst í nýskapan, arbeiðslagi og samskifti. landsstýrismaðurin í almannamálum umsitur málsøkini almannamál, familjumál og bústaðarmál. Bindisniðini hjá kenda sniðgevanum Iben Høj vekja ans á framsýningini Sermerktu bindisniðini hjá Dorthe L.M. Jensen troyta nýggjar leiðir Við sínum sermerktu bundnu lutum tekur sniðgevin Line Dyrholm siðbundna binding fleiri fet víðari