týsdagur 7. mars 2000síða 8

15 tíðindablaðið sosialurin Nr. 46 - 7. mars 2000 14 tíðindablaðið sosialurin Nr. 46 - 7. mars 2000 JÁKUP MØRK Føroyar-Grønland 29-29 (17-16) Hóast føroyingar høvdu vunnið teir báðar fyrru dystirnar móti grønlending- unum, og hóast styrkismun- urin hevði verið rættuliga sjónligur í seinna dystinum, so var ikki sørt av spenningi undan triðja og seinasta dystinum landanna millum. Spenningurin komst av, at Jacob Larsen, sum dag- liga leikar við GOG í bestu donsku deildini, var komin upp til hendan dystin. Danskur hondbóltur er jú á einum væl hægri støði enn tann føroyski, so lítið var at ivast í, at hetta fór at verða ein munandi styrkur hjá grønlendingum. Hetta sást eisini á áskoð- arafjøldini, sum var væl størri enn til hinar báðar dystirnar, ella kanska var tað bara tað, at Vestmanna er ein rættulig hondbólts- bygd. Javnari enn áður Skjótt gekk eisini sjón fyri søgn, at talan veruliga var um ein leikara, sum styrkti um grønlendska liðið. Ser- liga í verjupartinum var stóri og sterki leikarin ein fongur, og tað vórðu eisini gestirnir, sum fingu tað bet- ri byrjanina hesu ferð. Føroyingarnir sleptu tó ongantíð takinum, men megnaðu alla tíðina at var- veita sambandi við mót- støðuliðið, og tá hálvleik- urin var á leið hálvrunnin, megnaðu okkara leikarar at vinna seg fram um mót- støðuliðið. Føroyska liðið var aftur eitt sindur umskipað í mun til leygardagin. Hesu ferð vóru Óla Kristian og Hans Áki ikki við í hópinum. Í málinum slapp Jens Skipa- gøta at royna seg frá byrjan av dystinum, og hóast hann ikki stóð eins væl og Jóhan og Óla Kristian hvødu gjørt í undanfarnu dystunum, so hevði hann tó nakrar bjarg- ingar. Í álopspartinum var aftur líkt til, at Føroyar í stóran mun máttu líta á avrikið hjá Inga Olsen, men hinvegin vóru eisini aðrir leikarar, sum gjørdu um seg. T.d. royndi Bjarni seg á miðjuni eina løtu í fyrra hálvleiki, og hóast honum enn væntar nakað, áðrenn hann kann sammetast við Inga, so er eyðsæð at vit her hava ein leikara, sum við tíðina kann mennast til henda leiklutin. Eftir at føroyingar megn- aðu at vinna seg fram um miðskeiðis í hálvleikinum, skiftust liðini bæði at skora, og munurin var bert eittans mál, tá farið varð til hálv- leiks. Javnaðu við seinasta skotinum Í seinna hálvleiki vórðu tað føroyingar, sum byrjaðu betur, og eitt skifti høvdu leikarar okkara vunnið sær eina trý máls stóra leiðslu. Eli Müller stóð nú í mál- inum, og hann prógvaði enn einaferð síni ótrúligu evni, tá tað ræður um at verja fyri brotskøstum. Tvær ferðir á rað fingu grønlendingar nevnliga tillutað brotskast, men í báðum førum bjarg- aði vestmenningurin. Miðskeiðis í seinna hálv- leiki fór tó at gangast betri hjá gestunum, og eftir lítlari løtu høvdu teir aftur tikið seg fram um føroyingarnir. Sámal og Bjarni, sum nú royndi seg á vinstra vongi, syrgdu tó fyri, at Føroyar aftur vóru eitt mál framman fyri, men grønlendingarnir mistu tó ikki á nakran hátt mótið, men royndu fram- haldandi at venda dystinum til egnan fyrimun. Føroyingar megnaðu tó at koma fram um bæði 28- 27 og 29-28. Hetta seinni tá bert fá sekund vóru eftir at leika. Grønlendingar fóru tó aftur í álop, og við trim- um sekundum eftir á klokk- uni, fingu teir tríggja metra kast, og fekk Rúni Poulsen í sama viðfangi reyða kortið at síggja, við tað at hann varð heldur harðligur, tá hann royndi at steðga sein- astu grønlendsku álops- royndini. Grønlendska liðið stillaði upp, soleiðis at Peter Si- kemsen, sum hesar tríggjar dagarnar hevði givið fleiri dømi upp á sítt góða avsett, skuldi skjóta. Royndin mis- eydnaðist, men dómararnir bríkslaðu enn einaferð fyri trimum metrum. Hesu ferð royndi Jacob Larsen seg, og uttan stórvegis hóvasták, langaði hann bóltin í før- oyska málið. Ónøgd við dømingina Sum vera man, so var róm- urin á grønlendsku leika- runum sera góður, nú tað loksins eydnaðist at fáa okkurt burtur úr dystinum, men eftir dystin skiltist á grønlendska venjaranum, at eftir hansara tykki áttu teir at vunnið dystin. Í prátið við Útvarpið gav hann nevnliga til kennar, at dómararnir í øllum førum ikki høvdu verið ímóti før- oyingunum seinastu løtuna av dystinum, og heilt skeivt man venjarin ikki hava í hesum. Seinastu minuttirnar hendi tað nevnliga fleiri ferðir, at dømingin bar brá av at vera til fyrimuns fyri Javnt í triðja umfarinum Triði og seinasti dysturin millum Føroyar og Grønland endaði við javnleiki, men tað var ikki fyrr enn í seinastu sekundunum av dystinum, at Jacob Larsen, sum bert leikti við henda dystin, kundi tryggja Grønlandi javnleikin føroyingar. Nú skal eg ikki siga, at dómararnir vóru partískir við vilja, men í øllum førum vóru nakrir av seinastu dómunum løgnir. Spell at hetta at enda kom at seta dám á dystin, tí talan var annars um ein sera góð- an og undirhaldandi dyst, sum í mun til teir báðar undanfarnu var spennandi frá fyrsta til seinasta bríksl. Stóri munurin í mun til teir báðar undanfarnu dyst- irnar var helst tann, at grøn- lendska liðið nú hevði Ja- cob Larsen afturat sær. Í verjupartinum var hann sera drúgvur, hóast Ingi enn einaferð kundi gerast topp- skjútti hjá føroyska liðnum, og í álopspartinum merkti hetta eisini, at grønlending- ar gjørdust nógv hvassari. Sjálvur skeyt hann seks av grønlendsku málunum, men serliga Peter Sikemsen dugdi at gera sær dælt av, at føroyingarnir ansaðu so- mikið væl eftir GOG leika- ranum, og maðurin við stór- a avsettinum skeyt ikki færri enn 12 mál hesu ferð. Hóskandi mótstøða Triði dysturin prógvaði, at talan var um hóskandi byr- jan á altjóða farleiðini, tá HSF gjørdi av, at Grønland skuldi verða fyrsta landið, sum A-landslið okkara skuldi royna seg ímóti. Serliga í dystinum leyg- ardagin, vóru tekin um, at grønlendska var heldr veikt til okkara menn, men spur- ningurin er helst, hvussu okkara menn høvdu staðið seg, um vit noyddust at vera tríggjar týðandi leikarar fyri uttan. Samanumtikið má sigast, at talan var um eitt væl- eydnað tiltak, og vónandi kann hetta gerast byrjanin til eitt nýtt tíðarskeið í før- oyskari hondbóltssøgu. Dysturin í tølum Málskjúttar: Føroyar: Ingi Olsen 12 (1), Bjarni Wardum 5, Sámal Joensen 4, Heini Joensen 4, Áki Olsen 3 (1), Martin Hummeland 1 Grønland: Peter Sikemsen 12 (2), Jacob Larsen 6, Hans P. Poulsen 4, Hans Knudsen 3, Rasmus Larsen 2, Finn Nielsen 1, Kim Hovgaard 1 Brotskøst: Føroyar 4, Grønland 4 Útvísingar: Føroyar 3, Grønland 5 Diskvalifikatión: Føroyar 1 (beinleiðis reytt) Dómarar úr Stjørnuni: Geir Wardum og Carsten Andersen Í triðja dystinum megnaðu grønlendingar í nógv størri mun at verja fyri føroyingunum, men tað var ikki fyrr enn í seinastu sekundunum, at teir tryggjaðu sær javnleikin Mynd: Álvur Haraldsen Bjarni Wardum royndi seg eisini sum vongspælari í triðja dystinum, og fekk hann fleiri mál burtur úr hesum Mynd: Álvur Haraldsen JÁKUP MØRK Eli Müller, VÍF Var tann føroyski málverjin, sum fekk fægstar minuttir á vøllinum, men megnaði kortini í seinasta dystinum at prógva, at hann avgjørt telist millum bestu málver- jarnir í landinum. Harum- framt hevur hann ein ótrú- ligan eginleika til at bjarga brotskøstum, og hesum prógvaði hann enn eina ferð Jóhan Danielsen, StÍF Prógvaði í fyrsta dystinum, at hann helst er fremsti hondbóltsmálverji okkara. Snøgt sagt varð hann í tí dystinum munurin á liðu- num. At hann eisini er tann málverjin, sum Palli Joen- sen hevur besta álitið á, sæst eisini aftur í, at hann var einasti málverjin, sum var í hópinum allar dystirnar. Jens Skipagøta, H71 Vardi málið eina løtu í dystinum leygardagin, men tá vildi einki rigga hjá honum. Byrjaði kortini í dystinum sunnudagin, og hevði tá nakrar bjargingar, hóast hann heldur ikki tá leikti upp til sítt besta. Hann hevur tó fleiri ferðir fyrr prógvað, at hann eigur at vera ein náttúrligur partur av landsliðnum Óla Kristian Djurhuus, KÍF Vardi føroyska málið meg- inpartin av leygardagsdyst- inum, og átti sín part av ær- uni fyri, at tað eydnaðist at steingja føroyska málið í 15 minuttir. Eftir at Jens hevði loyst hann av eina løtu, kom hann aftur á vøllin, men tá var sum um rútman var brotin, og kom hann tí ong- antíð upp á heilt sama støði aftur. Sámal Joensen, VÍF Var rættuliga óstøðugur í spæli sínum. Fríggjadagin var hann so at siga ógjør- ligur at steðga, og fekk mál burtur úr øllum. Leygardag- in vildi ikki eins væl til, meðan sunnudagurin tó var á eini leið. Royndi seg eisini sum høgra bakk, uttan at hetta tóktist at nerva tað stóra. Er við stødd síni ein týðandi liður í føroyska ver- juspælinum. Áki Olsen, Neistin Ein hevði kanska væntað sær fleiri mál frá hansara høgru hond í hesum lands- dystum, men hinvegin eigur avrik hansara ikki at und- irmetast, tí í fleiri førum var tað hann, sum stóð fyri upp- spælinum til føroysku skot- royndirnar. Serliga í fyrsta dystinum var hann eisini drúgvur í verjupartinum, har hann vanliga ikki hevur sína stóru styrki Petur Martin Poulsen, KÍF Royndi seg á heldur óvanda plássinum sum vinstri vongur, og spæl hansara var eisini merkt av hesum. Royndist tó drúgvur í ver- jupartinum, har hann hevði gott tak á mótstøðumanni sínum. Kann uttan iva menna seg nógv á pláss- inum, soleiðis at hann eisini í framtíðini verður fastur fúsur á landsliðnum Rúni Poulsen, Kyndil Var við í fyrsta dystinum, og stóð seg væl í verjuspæl- inum, har hann tó hevði tru- pulleikar av stóra mótstøðu- manninum. Flutti seg skil- agott í álopssælinum, men skotroyndir hansara vóru ikki nóg neyvar. Fekk reytt kort í seinasta dystinum, men hevði seinasta grøn- lendska skotið ikki givið mál, høvdu tey flestu helst takkað honum fyri, at hann steðgaði álopsroyndini. Bárður Brimvík, H71 Var sum einasti strikuspæl- arin við í øllum trimum dystunum, og royndist hann hampuliga væl í bæði álops- og verjupartinum. Hevur støddina við sær, og megn- aði tískil eisini at berjast við vælvaksna Rasmus Larsen. Brendi fleiri góðar møgu- leikar í fyrsta dystinum, men var nógv neyvari í teimum báðum seinnu. Janus Einar Sørensen, Kyndil Prógvaði at hann helst er besti strikuspælari okkara í løtuni. Loftar so at siga øll- um bóltum í álopspartinum, og roynist eisini sera drúgv- ur í verjupartinum. Varð tik- in úr U18 hópinum, og hev- ur longu prógvað, at ven- jarin sá rætt, tá hann tók hesa avgerð. Fer uttan iva at teljast millum teirra, sum føroyska liðið skal byggjast á í framtíðini. Ingi Olsen, VÍF Liðskiparin á føroyska lið- num, var klárt besti leikarin í teimum trimum dystunum. Var sera sjónligur í álops- partinum, har hann fyri tað mesta royndi seg sum mið- spælara, og var toppskjútti í øllum dystunum. Var eisini ein týðandi liður í føroyska verjuspælinum, har hann við kvikleika sínum fekk pilkað nógvar bóltar frá grønlendsku leikarunum. Heini Joensen, Neistin Byrjaði við buldur og brak, tá hann skeyt trý tey fyrstu føroysku málini, og var í øllum dystunum ein stór hóttan, orsakað av stóru skotstyrkini. Hevur tó hug at gera spælið ov torført við hvørt, og serliga í fyrsta dystinum kostaði hetta nøk- ur kontramál. Líður tó und- ir, at føroyska liðið hevur ov fáar lámar, og fær tí ov lítið av hvíld undir dysti- num. Ein ljós framtíð 15 mans sluppu at vísa síni kynstut í teimum trimum landsdystunum, og ein- gin ivi er um, at Ingi Olsen var leikarin, sum skaraði fram um hinar 14. Hin- vegin er eingin av leikarunum, sum fær dumpikarakter fyri avrikið, og verður lági miðalaldurin havdur í huga, kann staðfestast, at føroyskur hondbóltur gongur eini ljósari framtíð á møti. Martin Hummeland, VÍF Slap at royna seg í teimum báðum seinnu dystunum, og við skjótleika sínum megn- aði hann fleiri ferðir at hótta mótstøðuliðið. Er kanska í so smæðin í álopspartinum, men eingin ivi er um, at hetta kemur saman við vaksandi royndunum. Hev- ur tó ikki enn megnað at sett seg á plássið sum høgri vongur Bjarni Wardum, Kyndil Einasti Wardum-maðurin á landsliðnum prógvaði í øll- um trimum dystunum, at hann kann spæla á so at siga øllum plássum. Sýndi dirvi og vilja at bróta ígjøgnum, hóast hann kanska var held- ur ótolin til tíðir. Hevur bæði bóltførleika og yvirlit til at gerast arvtakarin til miðplássi, tá Ingi Olsen einaferð ger av seta skógv- arnar á hillina. Hans Áki Dahl Christiansen, Kyndil Var ikki við í seinasta dyst- inum, men hevði longu tá sýnt, at hann iegur at vera fastur fúsur á A-landsliði okkara. Ein kundi kanska hugsað sær, at hann gjørdi meira av í álopspartinum, men í verjupartinum lá hansara lutur so avgjørt ikki eftir. Varð í fleiri førum fyr- sti maður at støðga mót- støðuálopunum, men verður kanska í so altráður við hvørt. Onkuntíð høvdu grønlendingar hug til at vera heldur harðligir við Inga Olsen, sum helst varð besti føroyski leikarin í teimum trimum dystunum Mynd: Álvur Haraldsen Væl nøgdur Hóast úrslitini kanska kundu verið betur, var grønlendski venjarin, Bo Roy, væl nøgdur við dystirnar JÁKUP MØRK Eftir triðja og seinasta landsdystin á hesum sinn- i, hittu vit Grønlendska landsliðsvenjaran, Bo Roy, og spurdu vit hann, hvat hann helt um teir tríggjar dystirnar. Samanumtikið helt hann, at grønlendska liðið hevði havt stóra gleði av hesum dystum, men hann helt ikki, at spælið í tei- mumbáðum fyrstu dyst- unum hevði verið nøkt- andi. Hann legði tó afturat, at breiddin á liðnum ikki var nóg góð, og at tað tískil kendist sera strígg- ið, at tríggir av bestu leik- arunum ikki vóru tøkir. Seinasta dystin var Ja- cob Larsen tó at síggja á liðnum, og hetta helt ven- jarin eisini bøtti munandi um grønlendska spælið. Gott lið Annars segði Bo Roy, at føroyska liðið var betri, enn hann hevði væntað. - Fyrr vóru føroyingar nakrir lítlir og kvikir leik- arar, sum leiktu skjótan hondbólt, men leikararnir, sum tit nú hava, hava so sanniliga fingið eitt sind- ur av havragreyti, ella hvat tit so eta her uppi, helt venjarin fyri, og legði samstundis afturat, at hann serliga hevði bitið merki í Inga Olsen, Heina Joensen, Sámal Joensen og Bárð Brimvík. - Tað týdningarmesta hjá okkum var tó, at vit aftur fingu høvi at sam- last, segði grønlendski venjarin, sum at enda yn- skti føroyska liðnum góð- a eydnu framyvir, eins og hann vónaði, at hetta ikki vórðu seinastu dystirnir landanna millum. Sosialurin - 311820 3arin STEYP OG HEIÐURSTEKIN Nógv nýtt heimkomið Vit hava stórsta úrvalið innan steyp og heiðurstekin í Føroyum. Vit skulu eisini gera vart við at vit hava stórar møguleikar innan gravering av steypum og heiðursmerkjum. T.d. kunnu vit gravera búmerki hjá tykkum og annars alt tað vanliga. Vit síggjast í 3-aranum SMS • Tel. 31 98 20 - 31 06 06 Fax 31 49 55 E-mail: tryarin@post.olivant.fo NB. Vit gravera eisini navnaskeltir v.m. til el-talvur, hurðar o.a.