týsdagur 2. oktober 2001síða 12

Nr. 189 - 2. oktober 2001 23 Liðini høvdu yvirvág í hvør sínum hálv- leiki, tá Royn og KÍ spældu javnt í fyrra uppflytingardystinu m til 2. deild. Úrslitið passaði betri KÍ, sum hevur heimavøll í seinna dystinum FÓTBÓLTUR Jákup Mørk 3. deildarliðið Royn gjørdi ein rættiligan vørr fyrru trý korterini av uppflyting- ardystinum ímóti 2. deildarliðnum hjá KÍ. Men eftir hálvleikssteðgin tóku klaksvíkingar sær um reiggj, og tá kundu teir fingið fleiri mál. Tað var nógvur vindur í Hvalba leygardagin. Vind- urin lá næstan upp á tvørs á vøllinum, og hann órógvaði spælið nógv. Liðini gjørdu tó støðuna óneyðuga trupla, tí alt ov ofta vóru bóltar sendir upp í loft, og so segði tað seg sjálvt, hvar bólturin endaði - onkra- staðni langt yviri í bønum, har menn gjørdu klárt til seyðasýning. Í fyrra hálvleiki var tað Royn, sum var omaná. Hesa løtuna kundi tú skjótt blanda, hvat var liðið úr 2. deild, og hvat var liðið úr 3. deild. Klaksvíkingar høvdu ilt við at byggja spælið upp, og tað var bara í løtum, at teir vóru vandamiklir. Royn hevði munin Hinvegin kláraði Royn fleiri ferðir at koma í vandamiklar støður. Allan Michelsen, sum spældi í álopinum saman við pápa sínum, Vilmund, var tvær ferðir í góðar støðu, men fekk einki mál burtur úr. Njálur Niclasen, sum sam- an við Jákup Midjord stýrdi miðvøllinum hjá Royn í fyrra hálvleiki, hevði skotroynd, og eisini Eyðstein Jacobsen skapti vanda í KÍ-verjuni. Í hinum endanum hevði KÍ tvær naskar royndir. Onnur var eftir fríspark frá Kristian Andreasen, sum Royn-málverjin bjargaði sera væl, og returbóltin vóru klaksvíkingar líka við at seta í netið. Hin var, tá Eyðun Klakstein sendi bóltin í málið, men hann varð dømdur at verða rang- staddur. Hetta vóru klaks- víkingar ikki samdir við. Einasta málið í fyrra hálvleiki kom eftir innlegg úr høgru síðu, miðskeiðis fyri málið tamdi Eyðun Gullok Svalbard, og tá hann síðani royndi seg móti málinum, endaði bólturin heilt úti við stólpan, og so var 1-0 til Royn. Í fyrra hálvleiki kundu fleiri mál komið, men tað var í øllum førum rættvíst, at Royn var frammanfyri. KÍ kom fyri seg Avrikið hjá KÍ var ikki vert einum 2. deildarliði í fyrra hálvleiki, men eftir steðgin tóku klaksvíkingar seg um reggj. Teir tóku alt meira yvir á miðvøllinum, og Royn kom ikki til somu møguleikar, sum í fyrra hálvleiki. Alt oftari var vandi á ferð í brotsteiginum hjá Royn. Leon Bjartalíð hevði skot á stongina, Eyðun Klakstein hevði góða frísparksroynd, og Kristian Andreasen brendi í góðari støðu. Tá slakir 10 minuttir vóru eftir at spæla bragdaði hjá KÍ. Innskifti Andreas Josephsen stakk til Kristian Andreasen, sum vann nær- dystin við hvalbing, og so sendi Kristian millum bein- ini á málverjanum og í málið til 1-1. Besta royndin hjá hval- bingum var, tá ein høgur bóltur brast í tvørstongina, men KÍ-málverjin hevði tamarhald á støðuni.. Samanumtikið var úr- slitið á góðari leið. Bæði liðini høvdu kjansir til fleiri mál, og tey høvdu leikliga yvirvág í hvør sínum hálvleiki. Úrslitið er tó betri fyri KÍ, sum hevur fingið útivallarmál, sum kann gera mun í endaliga úrslitinum. Seinni og avgerandi dyst- urin um plássið í 2. deild verður í Klaksvík komandi leygardag. Royn-KÍ 1-1 (1-0): Javnleikur passaði KÍ betur Bæði Hvidovre og B93 vóru í vikuskift- inum partur av málleysum javn- leikum DANMARK Jóannes Hansen Tað gongst framvegis strilt- ið hjá feløgunum hjá Óla Johannesen og Øssuri Hansen. Hvidovre og B93 liggja í tunga endanum á næstbestu deildini, og í síðstu viku varð alment kent, at bæði feløgini eru í álvarsomum fíggjarligum trupulleikum. Í blaðnum í dag stendur, at Óli Johannesen og hinir í Hvidovre skulu hava nýggj- an venjara. Vit hava skilt á lagnum, at Óli Johannesen og hinir spælararnir í Hvid- ovre hava verið fegnir yvir venjaran, og serliga hjá tvørámanninum í mið- verjuni man tað kennast dyggur smeitur, at Frank Skytte nú fer úr felagnum. Sunnudagin megnaði Hvidovre eitt gott úrslit. Teir vóru í Farum, har áhugin fyri at fáa teirra lið upp í bestu deildina er rættuliga stórur. 1.425 áskoðarar vóru møttir upp, og tað er eitt høgt tal í næst- bestu deildini. Heima- áskoðararnir vóru vón- brotnir, tí einki mál kom. Harvið er brotssparks- málið, sum Óli Johannesen skoraði næstsíðsta viku- skifti, framvegis seinasta málið, sum Hvidovre hevur fingið. Øssur Hansen og B93 vóru í Fredericia, har tað frammanfyri 311 áskoð- arum eisini endaði mál- leyst. Randers Freja og Atli Gregersen megnaðu eitt gott úrslit á heimavølli. Frem vitjaði, og tað endaði 1–1. Tað sóu 740 áskoðarar. Heldur ikki hesa ferð vóru nakrar føroy- ingar upp á spæl í bestu donsku deildini SUPERLIGA Jóannes Hansen Tveir av føroysku lands- liðsspælarunum, sum í annaðkvøld skulu til Slo- venia, umboða feløg í donsku superliguni. Men hvørki Christian Høgni Jacobsen í Esbjerg ella Johan B. Hansen í OB fingu í vikuskiftinum dyst- arvenjing á tí støðinum, sum hevði verið mest gagn- ligt fyri landsliðsspælarar. OB spældi á heimavølli ímóti Vejle. 3.588 áskoð- arar møttu upp, og teir fingu nakað fyri atgongu- gjaldið. OB vann 5–1. Fyri tveimum vikum síðum síð- ani sendi OB Vejle úr steypakappingini, og møguleikin at geva venj- aranum sekkin, sum var frammarlaga á dagsskránni fyri tveimum vikum síðani, er heilt kódnaður í Odense. Harafturímóti er lagið einki serligt í Vejle, har teir kenna seg nærkast alt meiri botninum. Niður á jørðina Esbjerg hevði vunnið fýra dystir upp í slag, tá teir komu til Gladsaxe. Tað hevur eisini gingið sjáld- sama væl hjá AB, síðani teir seldu fleiri lands- liðsspælarar. Heimaliðið, sum er í heilt tungum fíggjarligum sjógvi, var greitt omaná hesa ferð, og tað var ongantíð nakað ivamál um sigurin, sum gjørdist 2–0. AaB styrkti um sína støðu á næstfremsta pláss- inum, tá teir vunnu 3–2 í Viborg. Hetta var fimti útisigurin av fimm møgu- ligum hjá Aalborg. Brøndby er framvegis oddalið, men hesa ferð noyddust teir at smyrja seg við javnleiki. FCM megn- aði 1–1 á heimavølli ímóti oddaliðnum, sum framveg- is eigur fyrsta sigurin á ímóti FCM. FCK heppið Í Parkini hevði FCK vitjan av Lyngby. Skuldartyngdu gestirnir vóru væl fyri, og tað hevði avgjørt einki forgjørt verið í tí, um teir bæði eina og tvær ferðir vóru komnir á odda ímóti heimaliðnum, sum eftir UEFA Cup dystin í Jugo- slavia tóktist heilt illa upplagt og gjørdi eina rúgvu av mistøkum. Men tað kom bara eitt mál, og tað fekk heima- liðið. Ungi miðvallarin Christian Poulsen, sum hevur verið skaddur í fleiri vikur, var fyrstur á innleggi úr vinstru, og úr stuttari fjarstøðu og umvegis fótin á einum verjuspælara sendi hann í málið. Sum vit søgdu í leygar- dagsblaðnum, so er Todi Jónsson framvegis skaddur. Nú hevur superligan frí inntil annað vikuskifti, og tá rokna teir við og vóna, at Todi verður tøkur aftur. Eftir tepra sigurin er Lillestrøm best fyri í kappingini um norska meistara- skapin TIPPELIGA Jóannes Hansen Lagið var sera gott í Lille- strøm sunnukvøldið. Teir vóru komnir úr Molde við 2–1 sigri. Samstundis hevði Rosenborg bara megnað 1–1 ímóti Lyn. Tað hevur við sær, at Lillestrøm liggur best fyri í kappingini um norska meistaraheitið. Teir eru tvey stig aftanfyri Rosenborg, men teir hava spælt ein dyst færri, og teir eiga heimadyst á ímóti Rosenborg. Tí er ikki at undrast á, at mótstøðumenninir hjá Ják- upi Mikkelsen og hinum í Molde frammanfyri 7.604 áskoðarum vóru hjartans fegnir, tá teir í 94. minutti høvdu skorað til 2–1 og dómarin so at siga beinan- vegin bríkslaði av. Seinna málið fingu teir eftir fríssparksinnlegg. Bólturin fór nakrar ferðir aftur og fram í brotsteig- inum, áðrenn verjumað- urin, Arne Vidar Moen, smekkaði til. Bólturin tók í ein av verjuspælarunum og snýtti fullkomuliga Jákup Mikkelsen í Molde mál- inum. Tætt alla tíðina Tað hevði avgjørt ikki verið av leið, um Molde hevði fingið javnleik burturúr. Talan var alla tíðina um sera tætta uppgerð. Tað leikaði á frammanfyri bæði málini, og Jákup Mikkelsen hevði fleiri ferðir høvi at vísa gott málverjuspæl. Molde kom á odda í 37. minutti. Verjuspælarin Trond Strande skoraði eftir horna. Støðan helt sær inntil í 71. minutti. Tá stút- aði verjuspælarin Arild Sundgot langa frísparks- sending í bleytum boga upp um Jákup Mikkelsen. Ósigurin var eitt stórt vónbrot hjá Molde, men teir varðveita kortini fjórða plássið, og møguleikin fyri altjóða fótbólti komandi ár er avgjørt ikki burtur. Gott lag í Sogndal Tá landsdysturin í Slovenia er farin afturum leygar- kvøldið, fer Kurt Mørkøre yvir aftur til Sogndal, har hann framvegis er sátt- málabundin. Hvussu tað verður við fótbóltsfram- tíðini hjá stóra málskjúttan- um hjá KÍ er ikki avgjørt. Í samrøðu við Norðlýsið fríggjadagin segði Kurt, at tað hava verið følarar úr bæði Noregi og Svøríki. Tað er eisini kent, at fleiri at feløgunum í Føroyum fyrr í summar vístu Kurt Mørkøre stóran áhuga. Í Sogndal er lagið gott. Tað tykist vera greitt, at liðið eisini komandi ár fer at spæla í bestu deildini. Sunnudagin styrktu teir nógv um sína støðu, tá teir vunnu 3–2 á útivølli ímóti Tromsø. Håvard Flo skor- aði tvey av málunum hjá Sogndal. Tvær 0–loysnir hjá landsliðsspælarum FCK hepnan sigur á Lyngby Molde misti í síðstu løtu 23 22 Nr. 189 - 2. oktober 2001 Talan var meiri um stríð enn um flótandi fótbótlsspæl, tá tað í Klaksvík varð lagt lok á fótbóltsárið FÓTBÓLTUR Jóannes Hansen Klaksvíkingar tóktust við 2–1 sigri á heimavølli leyg- ardagin at skula spenna bein fyri vónunum hjá B68 at vinna bronsukrónurnar. Men so var tað, at Hans Fróði Hansen var upp á spæl. Akkurát sum ta ferð- ina, tá hann í landsdysti- num á Svangaskarði við stútara syrgdi fyri javnleiki. Fagnaðurin á málskorara- num var í hvussu so er tann sami. Tað var bara tann tíðin eftir, sum Niklas á Líðarenda (hann hevði eina sera torføra uppgávu) hevði lagt afturat. Í síðstu vónini um at fáa mál og harvið javnleik og bronsukrónur- nar tveitti B68 alt fólkið fram á vøllin. Hans Fróði Hansen var um reppið at royna ímóti málinum, men klaksvíkingar bjargaðu til hornaspark. Arnold Joen- sen fór út í vinstra hornið, hagani hann hevur skotið fleiri túsund hornaspørk fyri KÍ. Hesa ferð sendi hann í reyðu B68 blusuni aftur væl og nett innfyri, og við nærra stólpan stakk Hans Fróði Hansen høvdið fram og stýrdi bóltinum í handaru síðuna á málinum. 2–2 og B68 spælararnir lógu í stórari rúgvu á váli- num. Hans Fróði Hansen hevði setningin at taka sær av Kurt Mørkøre. Tað er altíð ein stór uppgáva, og teir báðir landsliðsspælararnir og gomlu liðfelagarnir í Sogndal høvdu eina rúgvu av nærdystum, og fleiri ferðir sá tað heilt vanda- mikið ella kanska drápuligt út. Niklas á Líðarenda tókt- ist ikki vera heilt álvuligur við støðuna. Tá hann bríkslaði, tí tað so at siga sá út til at vera áfast, møttu veteranarnir dómaranum við hvør sínum púra av- vápnandi brosi! Men tað var eftir ein samanbrest millum Kurt Mørkøre og Hans Fróða Hansen, at fyrsta málið kom. Dómarin metti, at B68 verjumaðurin uttarlaga í brotsteiginum í vinstru síðu hevði verið óregluligur og bríkslaði fyri brots- sparki. Toftamenninir hildu seg hava verið vitni til størri brotsspark enn í hesi støðuni, men Kurt Mørkøre var púra kaldur úr ellivu metrum, og harvið syrgdi hann fyri, at miðaltalið hjá honum í málskjótingini í landskappingini í ár fór upp um eitt. Tætt og harðligt Fróði Benjaminsen stað- festi sína støðu sum topp- skjútti hjá B68, tá hann javnaði til 1–1. Hann varð spældur leysur mitt fyri, men eitt lítið sindur til vinstu. Klaksvíkingar vildu vera við, at talan var um týðuliga rangstøðu, men tað góvu linjuverjin og dómarin teimum ikki rætt í, og Fróði var púra tryggur, tá hann setti framvið Mein- hardti Joensen, sum rættu- liga hevur spælt seg upp í KÍ málinum. Í 2. hálvleiki var talan um eina rúgvu av nærdystum, og ikki var tað frítt, at spæl- ararnir – púra óneyðugt og sera lítið rutinerað – høvdu hug at hevna seg. Hetta kostaði fyrst Allani Joensen hjá KÍ eina útvísing, og Marcello Marcellino hevði bara verið lítla løtu á vølli- num, tá hann sá reytt. Í tí sambandinum var talan so at siga um bardaga, og tað var at undrast á, at ikki upp- aftur fleiri spælarar ruku av vøllinum. Harley Bertholdsen legði úr stuttari fjarstøðu KÍ framum aftur (tá vóru klaksvíkingar undirmann- aðir), eftir at innleggið var komið úr vinstru, og hetta tóktist at verða sigursmálið – inntil Hans Fróði Hansen stútaði í málið, og ovur- fegni B68 hópurin fekk bronsumerkini frá Stein- birni Jacobsen, býráðsfor- manni í Klaksvík. Tomislav Sivic var fyri síðstu ferð á KÍ liðnum (teir saknaðu Atla Danielsen, sum mánakvøldið varð skaddur í unglingadysti), og tað er ivasamt, hvussu tað komandi ár verður við Alexander Djordjevic og Kurt Mørkøre. Hjá B68, sum hesa ferð hevði Jan Petersen sum avgjørdan aft- asta mann, spældu Jan C. Dam og Jákup Eli Olsen fyri síðstu ferð. Dysturin í tølum KÍ-B68 2-2 (1-1) 1-0: Kurt Mørkøre (br.) 9 1-1: Fróði Benjaminsen 35 2-1: Harley Bertholdsen 80 2-2: Hans Fróði Hansen 89 Dómari: Niklas á Líðar- enda (GÍ) KÍ: Meinhardt Joensen – Ove Nysted, Jan Andrea- sen, Allan Joensen – Harley Bertholdsen, Jan Joensen, Tomislav Sivic, Fríðin Ziskason, Hjalgrím Elttør – Alexander Djordjevic, Kurt Mørkøre B68: Kjartan Nesá – Hans Fróði Hansen, Jan Petersen, Messias Perreira – Marlon Jorge, Jan C. Dam, Fróði Benjaminsen, John Heri Dam, Jákup Eli Olsen – Arnold Joensen, Súni Fríði Johannesen Men veteranurin, ið sigur seg ongantíð hava fegnast so nógv um eina heiðurs- krónu, sum hann gjørdi leygardagin, ætlar ikki heilt at seta skógvarnar á hillina FÓTBÓLTSTOS Jóannes Hansen Jan C. Dam fer ikki aftur at umboða B68. Landskapp- ingardysturin í Klaksvík leygardagin var tann síðsti hjá honum fyri Tofta Ítróttarfelag: – Eg ætli mær ikki at skriva undir nakran sátt- mála fyri komandi ár. Eg rokni við, at eg fari at venja við 2. deildarliðnum hjá HB og at spæla við teimum. Um tað so fer at vísa seg, at teir á besta liðnum kanska fara at hava brúk fyri einum verjuspælara, og um teir so heita á meg, so vil eg ikki avvísa, at eg kann hjálpa til, men tað er ein sannroynd, at tað ikki verður, sum tað hevur verið higartil, sigur Jan C. Dam. Eftir dystin leygardagin fingu B68 spælarnir bronsukrónurnar hongdar um hálsin. At fáa heiðurs- merki er ikki nakað nýtt fyri Jan C. Dam. Hann hevur vunnið trý FM heiti við HB – í 1988, 1990 og í 1998, og hann hevur vunn- ið steypafinaluna seks ferð- ir við HB – í 1987, 1988, 1989, 1992, 1995 og í 1998. – Skal eg vera sannur, so havi eg ongantíð verið so fegin um eina gullkrónu, sum eg var um bronsukrón- una leygardagin. Meðan vit stríddust við at javna, so hugsaði eg aftur á 1994. Tá skoraði GÍ í síðstu løtu í Klaksvík. Harvið tóku teir gullkrónurnar frá okkum. Eg hugsaði, at tá gøtumenn kundu skora í síðstu løtu í Klaksvík, so kundu vit eis- ini, og tað eydnaðist. Men bronsumerkini kunnu ikki vera nógv at gleða seg yvir hjá einum spælara, sum hevur verið við til at vinna so nógvar gullkrónur, sum tú hevur vunnið? – Um tú hevði spurt meg í summarsteðginum, so hevði eg svarað, at eg hevði ikki havt nakra vón um at vinna nakað sum helst. Men síðani tá hava vit verið ógvuliga raskir, og eg haldi, at vit so hjartaliga høvdu uppiborið at vinna okkurt. Hví hevur talan verið um so ólíka fyrru og seinnu hálvu? – Eg havi hugsað allar dystirnar ígjøgnum. Ein av stóru mununum hevur verið, at vit síðani summar- steðgin hava havt tveir spælarar, sum hava verið so framúr væl upplagdir. Eg hugsi um Hans Fróða Han- sen í verjuni og um Fróða Benjaminsen á miðvølli- num. Næst eftir John Peter- sen haldi eg, at teir báðir eru bestu spælararnir í landinum. Men eg skal bera øllum á Toftum alt gott. Jann Ingi Petersen er ein fínur miðvallarspælari, sum eg heilt víst rokni við rættu- liga fer at koma fyri seg komandi ár. Hann hevur spælt fleiri góðar dystir í ár, men tað var spell, at so fá sóu hann spæla í Intertoto Cup dystinum í Lokeren. Tá var hann uttan iva besti maður á vøllinum. Jan C. Dam spældi fyrstu ferð á landsliðnum í august 1990, tá Ísland vann 3–2 á ovara vølli í Gundadali. Ta ferðina skoraði hann seinna føroyska málið upp á brots- spark. Tilsaman hevur Jan C. Dam spælt 39 landsdyst- ir. Hann hevur droymt um at spæla nummar fjøruti eisini, men hann ásannar, at nú sær tað svart út fyri tí. Ein tann besta og kanska tann besta dystin spældi Jan C. Dam, tá landsliðið 24. apríl í 1996 tapti 3–1 í Beo- grad. – Landsliðið fer leygar- dagin enn eina ferð niður á Balkan. Tað verður torført hjá teimum ímóti Slovenia, sum skal vinna dystin. Men eg vóni og rokni eisini eitt sindur við, at okkara menn fara at standa seg væl, heilsar Jan C. Dam, sum síðani 1986 hevur verið í fremstu røð í føroyskum fótbólti, tá hann ikki hevur roynt seg í Danmark. KÍ-B68 2-2 (1-1): B68 basti bronsuni í evstu løtu Klaksvíkingar fóru vónbrotnir av vøllinum, meðan toftamenn í bakgrundini síggjast fegnast um bronsumerkini Mynd: SjH Jan sigur farvæl á Toftum C M Y K 22