hósdagur 12. mars 2009síða 15

Nr. 50 - 12. mars 2009 15 tíðindi 4 av teimum 7 starvsfólk­ unum á familjudeildini á Føroya Barnaheimi verða nú uppsøgd. Hetta er orsakað av tí umlegging, sum almanna­ stovan nú ætlar at gera. Stjórin á Almannastovuni hevur ført fram, at ongin tørvur er á einum samdøg­ urstilboði. Men so er ikki! Vit hava í hesum sam­ bandi nýtt høvið til at kanna eftir, um ella hvussu stórur tørvur er á eini sam­ døgurs familjudeild í Før­ oyum. Eftir at hava verið í samband við fleiri barnar­ verndartænastur og heilsu­ frøðingar kring alt landið, er niðurstøðan greið: Stór­ ur tørvur er á familjudeild­ ini! Ì løtuni eru familjur á veg av landinum, tí pláss ikki er á familjudeildini. Kann væl verða, at familju­ deildin ikki altíð hevur verið fullsett, men soleiðis er støðan ikki í dag. Servitanin hvørvur Familjudeildin á Føroya Barnaheimi sá dagsins ljós í 2002. Tað varð mett, at tørvur var á eini familju­ deild, sum kundi vera um familjurnar alt samdøgrið. Nógv orka var nýtt at byggja eina servitan upp – og tí var hetta eitt stórt frambrot innan familjuvið­ gerð í Føroyum. Familjur hava áður havt eitt dagtil­ boð, men hetta var ikki nøktandi, og tískil varð Familjudeildin á Føroya Barnaheimi sett á stovn. Starvsfólkini á Familju­ deildini hava eina stóra servitan innan økið og hava bygt upp eina kompe­ tansu skræddara seymaða til føroyska samfelagið. Stórur partur av hesum fer nú fyri skeytið! Eitt stórt afturstig fyri tær familjur, ið hava brúk fyri sertil­ boðum í Føroyum. Óvirðulig tilgongd Undiritaðu fakfeløg eru rættiliga skelkað av hand­ faringini av hesari til­ gongd. Vit hava áður ført fram, at starvsfólkini á familjudeildini hava fingið eitt tilboð um at fáa annað starv í Almannastovuni, men her er so onki ítøkiligt tilboð komið frá Almanna­ stovuni. Starvsfólkini hava eisini víst á ymiskar loysn­ ir, men hesar hava allar verið kveistraðar til viks. Starvsfólkini hava verið undir stórum trýsti seinastu tíðina. Fakfeløgini høvdu ein fund við landsstýriskvinn­ una í almannamálum, Rósu Samuelsen, mánadagin, har greitt varð frá okkara sjónarmiðjum. Men hesin fundurin broytti onki. Feløgini ynsktu, at freistin var útsett, soleiðis at øll viðurskiftini kundu verða viðgjørd á ein virðiligan hátt. Men heldur ikki hetta uppskotið varð eftirlíkað. Síðsta orðið í hesum máli er ikki sagt. Her eru so nógvir skeivleikar farnir fram, og vit undra okkum stórliga á hendan arbeiðs­ háttin. Tað verður veruliga “gamblað” við mannalagn­ um – og starvsfólk og fak­ feløg verða hildin fyri tað turra spott!! Vinarliga Starvsmannafelagið Felagið Føroyskir Sjúkrarøktarfrøðingar Føroya pedagogfelag Stórur tørvur er á samdøgurstilboði á familjudeildini Ein ungur drongur keddi seg so illa, at hann hevði tað mest sum til frítíðarítriv at sníkja seg inn til eina ávísa familju um náttina at stjala. Men til endans feldi eitt vakmyndatól hann Húsfriður Áki Bertholdsen aki@sosialurin.fo Tað var ein øgiliga foyur og skammfullur ungur drong­ ur, sum troppaði upp í Føroya Rætti nú ein dagin at standa til svars fyri sínar gerðir. Men tað var eisini eitt heilt óvanligt mál, sum varð útpenslað fyri dómaranum. Drongurin er ákærdur fyri tjóvarí og fyri at hava brotið húsfriðin hjá eini ávísari familju. Og tað var ikki hissini, hann hevði brotið stolið og brotið húsfriðin. Maðurin var ákærdur fyri at hava verið inni hjá somu familju einar fýra fimm ferðir mitt um náttina og stolið, ímeðan alt húsfólkið lá og svav. Harafturat er hann ákærdur fyri at hava roynt at sleppa sær inn í hesi somu hús minst 30 ferðir á náttartíð. Tvær ferðir hevur hann stolið eina farteldu, men annars var úrslitið smáligt, ein taska við ítróttarklæðum og ymsum til persónliga røkt og okkurt annað smáttarí. Pissaði á kontaktina At enda var tað eitt vak­ myndatól, sum feldi tjóvin. Í eini roynd at finna útav, hvør tað var, sum gekk inn til tey á náttartíð, høvdu fólk­ ini í húsunum fingið sær vakmyndatól og tey fingu sær eisini sjálvvirkandi ljós í gongina sum tendraði av sær sjálvum, tá ið onkur kom inn í gongina. Og tað var júst tað, sum hendi seinastu ferðina, drongurin kom óboðin á gátt á náttartíð. Ljósið tendraði og hann varð fang­ aður á eini mynd. Men tá ið ljósið tendraði, royndi hann, hvat hann kundi fyri at fáa tað at slókna. Hann hevði ongi amboð við sær, men hann var kortini ikki ráðaleysur, tí hann gjørdi ikki mætari enn at pissa á kontaktina. Og tað riggaði, tí ljósið slókn­ aði, men tá varð ov seint. Drongurin segði, at hann kendi tey, sum búðu í húsunum, tí talan var um ein gamlan floksfelaga. Men tað var bara einaferð, at floksfelagin var vaknaður, tá ið óbodni gesturin var komin á gátt á náttartíð. Keddi seg Allir partar vóru samdir um, at slík framferð var alt annað enn vanlig Men drongurin visti ikki at siga, hví hann hevði borið seg soleiðis at. Einasta forkláring, hann kundi koma í tankar um, var, at hann hevði kedd seg so óluksáliga illa, at hann fann upp á hvat sum helst, fyri at fáa okkurt at henda. ­ Ella var tað av berari býttheit, helt hann fyri. Drongurin er ongantíð revsaður fyrr og hann hevur eisini verið ein mynstur­ borgari síðani hetta her. Hann hevur nú fast ar­ beiði, sum hann trívist væl í og sum hann passar væl. Alt hetta førdi til, at hann sleppur undan at sita. Hann fekk sostatt 30 dagar treytaða fonguls­ revsing. Tað merkir, at hann sleppur undan at sita, ger hann onki annað revsivert hesi bæði næstu árini. Hann skal tó vera undir eftirliti frá kriminalfor­ sorgini og geva seg undir treytir frá stovninum og tað játtaði hann at gera. - Yvir 30 ferðir var ein ungur maður óboðin famvið hjá somu famulju mitt um náttina ímeðan tey øll lógu og svóvu. Hann hevði onga forkláring upp á hesa heilt óvanliga atburðin uttan tað, at hann keddi seg so synd- arliga illa at hann mátti finna upp á okkurt spennandi Sníkti seg 30 ferðir inn til fólk at stjala