fríggjadagur 13. mars 2009síða 17

Nr. 21 • 13. mars 2009 Golden Kaan, Western Cape, Sauvignon Blanc 2007 Carmen, Valle del Mai- po, Chardonnay 2007 Maglietta Rossa, DOC Bar- bera d’Asti Superiore 2006 Montecastro, DO Ri- bera del Duero 2005 17 Mortan í Hamrabyrgi ummælir vín úr Rús drekka­ sølu Landsins. Skoðsmálini eru latin í mun til samsvar millum prís og góðsku. vín ummælið mortan@hamrabyrgi.com Uppruni: Turt hvítvín úr Suðurafrika Ummæli: Bleikur gulgrønur litur. Frískur angi av grønum sú- replum, nýslignum grasi og so eisini ein undirtóni av tropiskari frukt. Eyðkend suðurafrikansk Sauvignon Blanc, ið bæði hevur yndi og kraftmikla leskiliga frukt. Líkatil og frískligt uttan so nógv dikkedar. Kostnaður: Kr. 78,00 Skoðsmál: Uppruni: Turt hvítvín úr Kili Ummæli: Glógvandi gulur litur. Spenanndi mineralskur angi við brá av frískligum lime og grapefrukt og so meira tungar tónar av fersku og ana- nas. Smakkurin harmoniskur, har skilagóða fatlagrings-hand- verkið kemur undan kavi sum samansettir tónar av karamell og smør. Sera gott vín til ein sera rímiligan prís. Kostnaður: Kr. 74,00 Skoðsmál: Uppruni: Turt reyðvín úr Italia Ummæli: Glógvandi lillas- vartur litur. Angin er klassisk Barbera. Djúp bláber, villar blákollur og hvassur asfalt- broddur. Sera lekkkurt reyðvín, ið bæði er dansandi elegant, spennandi samansett og so samstundis chok-fult av myrkari frukt, frískari sýru og reinsandi beiskan brodd. Leski- lig kirsuber-frukt við søtleika og beiskleika. Framúr italskt reyðvín til ein óvanliga rímiligan prís. Kostnaður: Kr. 79,00 Skoðsmál: Uppruni: Turt reyðvín úr Spania Ummæli: Kolasvart marglæ- tisvín. Sterkur samansettur angi av myrkari berfrukt, flesk, pipari og kaneltónar frá nakað harðari fatlagring. Smakkurin kennist tjúkkur, ógvusligur og nakað ov sýrubleytur. Her eru mjúk sólbúgvin bromber og samansett krydd í álmanak- kavís. Her er uttan iva talan um fyrstafloks vín uppá nógvar mátar, men harða fatlagringin, “vantandi luft í tónamyndini” og høgi prísurin tekur sættu stjørnuna. Annars frálíkt vín, ið hóskar sera væl til sunnudags- oksaháryggin. Kostnaður: Kr. 231,50 Skoðsmál: Øll vín-øki í gamla Evropa hava sínar heilt serligu siðir at gera vín. Tað er oftast aldargomul mentan, ið er eyðkend við at svara til teir møguleikar, ið vóru á staðnum og so líðandi eru runnir saman við lokalu matmentanina, at alt tilsamans røkkur hægri eind. Viðhvørt stinga vín-úrmælingar so út í korti av nýggjum. Tað er ikki altíð at líka væl hepnast og oftani koma tveir ”skúlar” burturúr, har annar leggur seg eftir tí nýggja, villa og spennandi, meðan hin stendir fast og verjir borg. Reyðvíns-sløgini í dag, Barbera úr italska Piemonte og Montecastro úr spanska Ribero del Duero eru tvey góð dømi um hetta fyribrigdi. Kanska fyri 10-15 árum síðani fóru størri tal av bóndum í hesum økja at royna nýggjar leiðir í víngerð. Ávísir altjóða vín- ummælarir vóru farnir at geva einstøkum bóndum á hesum leiðum serliga góð skoðsmál. Tað vóru millum annað hesar ungu leyvurnar, ið vóru farnar at gera serliga sterkt og kraftmikið vín. Yvirbúnar drúvur við søtleika og kraft og harða parfumeraða fatlagring á nýggjum eikføtum. Og alkoholprosentir, ið vóru um tey 15 ella hægri. Ógvuslig konsentreraði vín uppá nógvar mátar. Og dýr at framleiða. Men tá ið slík vín fáa høgar ratings í altjóða ritum, fylgir marknaðurin oftani við. Ein eftirspurningur tekur seg fram eftir hesum kraft- vínum og fleiri bóndir fara at framleiða eftir hesum leisti. Tað er eingin loyna, at mín smakkur ikki er so samdur við hesum nýggja. Vantandi fruktsýra, yvirbúgvin frukt, hørð fatlagring og samanumtikið vánalig javnvág er tað sum oftani eyðkennir nýggja skúlan. Tó so, undantøk finnast. Og eg haldi at spanska Montecastro er á heilt góðari leið. Men ikki heilt í topp. Har átti at verið skrúvað niður fyri fatlagringini. 17 mánaðir á nýggjum fronskum, amerikanskum og eystur- evropeiskum eikføtum er meira enn hvat hetta vínið kann bera. Italska Maglietta er tó fullkomiliga Old-school Barbera. Tað finnast eisini vulgert hart fatlagraðar Barberur, men tað gerst bara ov nógv eftir mínum tykki. Fríska frukt við broddi og í javnvág, tað er toppvín! Nýtt og vilt ella gott gamalt