fríggjadagur 27. mars 2009síða 34

34 Nr. 61 - 27. mars 2009 tíðindi Fíggjarmálaráðharrin, Jóannes Eidesgaard, er vónbrotin av útsøgnini hjá Magna Laksafoss, sum skýrir landsstýrismannin í fíggjarmálum fyri at nápa politiskar loysnir frá øðrum, og lýsir Javnaðarflokkin at vera ráðaleysan og máttleysan. Ikki gott fyri samgonguna, sigur Jóannes Eidesgaard Politikkur Eilen Anthoniussen eilen@sosialurin.fo - Hetta er ikki serliga moti- verandi fyri samgonguna. Eg eri sera vónbrotin av útsøgnini hjá Magna Laksa- foss. Hevði hann um ikki annað verið reellur. Hann veit væl, at viðurskiftini ikki eru soleiðis, sum hann sigur, sigur landsstýrismað- urin í fíggjarmálum, Jóannes Eidesgaard. Jóannes Eidesgaard sigur, at tað kom ikki sørt óvæntað á hann, at verða álopin av tingmanninum hjá Sam- bandsflokkinum, sum Javn- aðarflokkurin situr í sam- gongu við. - Tað er givið, at vit hava stórar avbjóðingar fyri framman, og tær mugu vit tora at diskutera. Vit hava nógvar útreiðslur á fíggjar- lógini, sum eru gamlar loysnir, ið kosta, og vit skulu fáa skil á búskapinum, áðrenn vit seta okkum sum mál at fáa yvirskot á fíggjar- lógini, sigur fíggjarmálaráð- harrin. Hann leggur afturat, at ein partur av arbeiðnum hjá núverandi fíggjarmálaráð- harra, er at rudda upp eftir Magna Laksafoss. At fáa greiði á málum, ið hann ikki sjálvur megnaði at fáa, tá hann sjálvur sat sum fíggjarmálaráðharri. - Eg eri ikki vanur við slík álop í eini samgongu, og tað er sjálvsagt, at eitt slíkt álop ikki tænir eini samgongu best. Sum løg- tingsmaður má hann sjálv- sagt kunna siga sína mein- ing, men so skuldi hann hildið seg til veruleikan. Vit hava stórar avbjóðingar fyri framman, og tað er neyðugt at standa saman nú, sigur Jóannes Eidesgaard, lands- stýrismaður í fíggjar- málum. Sambandsflokkurin tekur frástøðu Kaj Leo Johannesen kunn- gjørdi í lesarabrævi í gjár- kvøldið, at hann og Sam- bandsflokkurin taka frá- støðu frá útsøgnini hjá Magna Laksafoss. Hann sigur við Sosialin í dag, at hann samstarvið heldur fram við góða stevinum, og at mann í einum flokki má virða hvønn annan. Hvørt útsøgnin fær avleiðingar fyri Magna Laksafoss, vil Kaj Leo Johannessen ikki gera viðmerkingar til. Hann vísir til tíðindaskriv, har hann kunngerð at hann og Sambandsflokkurin taka frástøðu frá útsøgnini hjá Magna Laksafoss. Hvat er skeivt? Magni Laksafoss stendur inni fyri hvørt orð, hann sig- ur í greinini við ákoyringun- um á fyrrverandi løgmann. Tað er kortini eitt, ið undrar hann. - Eg eri staddur í Stock- holm í løtuni, men havi skilt at løgmaður eftir fund við flokkin tekur frástøðu frá tí, eg sigi í greinini. Eg má tí spyrja nær hesin fund- urin hevur verið í flokkinum, har hann og Sambands- flokkurin hava tikið avgerð um at taka frástøðu frá mín- um sjónarmiðum. Tí eingin annar kennir til hasa niður- støðuna, hann kemur við. Og harafturat kundi eg hugsað mær at fingið at vitað hvat er galið við míni útsøgn. Hetta hevur verið diskuterað bæði í flokkinum og í fíggjarnevndini. Hetta er sannleikin, sigur Magni Laksafoss. Fyrrverandi landsstýris- maðurin í fíggjarmálum er kortini ikki serliga vónbrot- in av frástøðuni hjá løg- manni. - Eg hevði ikki tær stóru vónirnar. Men alt passar, sum eg skrivi í greinini. Vit í Sambandsflokkinum kunnu ikki liva við óskil- inum í fíggjarmálaráðnum, sigur Magni Laksafoss. Jóannes Eidesgaard Kaj Leo Johannesen Magni Laksafoss Samgongu­ stevið viknar www.dekkmaster.fo info@dekkmaster.fo telefon 227 000 Original-look felgur til BMW 3-røðina við 225/40-18 dekkum. Felgurnar verða latnar við boltum og BMW-búmerkjum. 18” BMW M-Tek Við 225/40-18 dekkum Fyri settið 9.990,- Original-look felgur til BMW 3- røðina við 225/40-18 dekkum. Felgurnar verða latnar við boltum og BMW-búmerkjum. 18” BMW New 3 Við 225/40-18 dekkum Fyri settið 9.990,- ...tá ið prísurin eisini er avgerandi!