týsdagur 31. mars 2009síða 28

28 Nr. 63 - 31. mars 2009 Liðið hjá Jón Róa Jacobsen og Atla Danielsen er tryggjað ímóti niðurflyting, nú bæði Køge og síðst FC Amager eru farin á húsagang. Tað hugar tó ikki venjaranum í Frem, tí hetta fer at merkja, at fleiri av dystunum ímóti endanum á kapping­ ini missa týdning FÓTBÓLTUR Hilmar Jan Hansen einslistir@kallnet.fo Hóast kappingin í næstbestu donsku fótbóltsdeildini ikki endar fyrr enn hálvan juni, og 39 stig enn eru at spæla um, tykist við sera stórari vissu greitt, at tey trý niðurflytaraliðini í 1. deild longu eru funnin. FC Amager, sum liggur triðniðast við 14 stigum, skuldi í dag boða danska sjó- og handilsrættinum frá húsaganginum, sum Todi Jónsson, stjóri í FC Amager, váttaði leygardagin. Upprunaliga skuldi rætturin fingið fráboðanina í gjár, men av tí at føroyski nevndarlimurin í FC Amager, Heini Zachariass- en, var burturstaddur, var formliga innlatingin av umbønini um húsagang útsett til í dag. Eisini næstniðasta felagið í donsku 1. deild, Køge, sum bara hevði fingið fýra stig, fór fyri skjótt tveimum mánaðum á húsagang, og niðasta liðið, sum er Lolland Falster Alliancen, hevur bara fingið tvey stig í sínum 15 dystum higartil. Frem er tryggjað Nøkur pláss oman fyri øll hesi er felagið hjá føroysku landsliðsspælarunum, Jón Róa Jacobsen og Atla Danielsen, Frem, sum við 19 stigum er trý pláss frá niðurflytingarstrikuni. Av tí at tveir av niður- lytarunum við 100 prosents vissu longu eru funnir, tí FC Amager og Køge verða tvangsflutt niður, samstund- is sum Lolland Falster Alliancen ikki sær út til at nytta nakað sum helst, kann næstan sigast mestsum við vissu, at Jón Rói og Atli ikki flyta niður. Flestu, sum stríðast ímóti at enda ov niðarlaga, vildu helst verið ovurfegin, men venjarin í Frem, Anders Theil, sigur við heimasíðuna bold.dk, at hann fer at sakna nakrar nervapirrandi dystir, og hann sigur tað vera ein miss fyri danskan fótbólt, at feløg fara á húsagang og fleiri av síðstu dystunum í einum kappingarári missa tann týdning, teir kundu fingið. Eisini vísir hann á, at við húsagangunum hjá FC Amager og Køge missir Frem tveir heimadystir í síðstu trimum umførunum. At tað eisini kostar Frem beinleiðis í krónum og oyrum, grundgevur hann millum annað við, at 2.500 áskoðarar vóru og hugdu, síðst Frem hevði vitjan av FC Amager. Besta billardliðið hjá Klaksvíkar Billardfelag, Kristian Sune Høgnesen og Sonhard Johannessen, vann leygardagin føroyameistaraheitið í billard fyri lið BILLARD Hilmar Jan Hansen einslistir@kallnet.fo Í allan vetur hevur verið sera jøvn kapping um, hvat av bestu liðunum í billard skuldi fara avstað við føroyameistaraheitinum. Bæði Mimir og Tvøroyrar Billardfelag hava givið Klaksvíkar Billardfelag góða kapping, men leyg- ardagin var alt avgjørt, og tá avtornaði, var sokallaða »veteranliðið« hjá Klaks- víkar Billardfelag tað stinnasta og vann gullið. Teir báðir, ið manna meistaraliðið, eru teir drivnu Kristian Sune Høgnesen og Sonhard Jo- hannessen, sum báðir hava verið partur av billardspæl- inum í Føroyum í mong ár, umframt at teir bæði saman og sum einstaklingar hava staðið seg framúr væl. Hetta føroyameistara- heitið hjá klaksvíkingunum er teirra triðja á rað, so sigast má, at teir síðstu árini hava sitið fastir á føroysku billardtrúnuni. Eygu og met Seinasti dysturin hjá Klaksvíkar Billardfelag var leygardagin ímóti Mimi, sum eisini hevur tveir veter- anar – Steinbjørn í Dali og Jan Müller – á liðnum, og her vunnu klaksvíkingarnir 6-2. Men størsta sigurin í seinasta umfarinum vunnu Max Rasmussen og Óli Joensen, sum spæla fyri Tvøroyrar Billardfelag, tá teir gjørdu eitt ordans hál og vunnu 8-0 á Havnar Klubba. Endaliga úrslitið gjørdist tí, at Klaksvíkar Billardfelag vann gull og føroyameist- araheiti við 50 stigum. Mimir vann silvur við 42 stigum og Tvøroyrar Bill- ardfelag bronsu við 38 stigum. Havnar Klubbi gjørdist nummar fýra og Klaksvíkar Billardfelag 2 gjørdist nummar fimm í liðkappingini. Besta spælið í kappingini átti annar av føroyameist- arunum, Kristian Sune Høgnesen. Tað var upp á 902 eygu, og somuleiðis átti hann besta einstaka spælið, sum var upp á góð 200 eygu. Steinbjørn í Dali úr Mimi tapti bara tveir dystir í allari kappingina, og tað rakk eisini til eitt met. Kappast víðari Hóast liðkappingin nú er av, er framvegis gongd í billardspælinum, tí um vikuskiftið verður kapp- ingin um føroyameistara- heitið fyri einstaklingar, og her er Klaksvíkar Billard- felag vertur. Kappast verður í spildurnýggju hølunum hjá felagnum, sum liggja miðskeiðis millum Klaks- víkar Klubba og KÍ- høllina. Sum vera man, verða fleiri av kendu andlitunum frá liðkappingini at síggja her eisini, har Kristian Sune skal verja sítt føroya- meistaraheiti. Ein av av- bjóðarunum er liðfelagin, Sonhard, og eisini verða Steinbjørn í Dali og Max Rasmussen roknaðir millum størstu avbjóðararnar. Av teimum er Steinbjørn tann einasti, sum enn ikki hevur vunnið føroyameist- araheitið fyri einstaklingar, men hann hevur spælt væl í liðkappingini og fer óivað – saman við hinum – at royna at koppa meistara- num, sum í liðkappingini vísti styrki við 25 eygum í miðal. Sonhard Johannessen og Kristian Sune Høgnesen vunnu gull í liðkappingini í billard. Hetta var eisini kærkomin gáva at fáa, nú teir júst eru fluttir inn í spildurnýggj billardhøli í gamla verkstaðs­ bygninginum hjá Einar Mortensen, sála, miðskeiðis millum Klaksvíkar Klubba og KÍ høllina Mynd: Jan Müller Hóast húsagangurin hjá FC Amager minkar munandi um niðurflytingarmøguleikan hjá Frem, so missir Frem tveir heimadystir í síðstu trimum umførunum, umframt fitt av áskoðarainntøkum FC Amager bjargar Frem frá niðurflyting Føroyameistaraheitið í billard til Klaksvíkar Endaliga billardstøðan Nr Felag Eygu Miðal Stig 1. Klaksvíkar Billardfelag 1 13.760 21,5 50 2. Mimir 10.458 16,3 42 3. Tvøroyrar Billardfelag 9.508 14,8 38 4. Havnar Klubbi 8.270 12,9 20 5. Klaksvíkar Billardfelag 2 6.116 9,5 10 SAMBAND jákup Mørk jAkup@SoSiAluriN.fo tlf. 341800 ítróttur