hósdagur 2. apríl 2009síða 32

32 FÓTBÓLTUR 2009 Í nýggjari roynd at vinna sær fótafesti í fremstu fótbóltsrøðini hava vágamenn fingið kend fremmand fót­ bóltsnøvn vestur at hjálpa til Um tað hesa ferð fer at eydnast hjá vágamonnum at halda tørn um plássið í bestu deildini, fer tíðin at vísa. Setningurin er í fyrstu atløgu at sleppa undan niðurflytingini, og tað halda teir har vesturi, at tað eru góðir møguleikar fyri. Undirtøkan fyri felagnum er góð í allari oynni. Síðani 07 Vestur sá dagsins ljós, hava heimadystirnir verið spældir í Sørvági, sum hevur víst seg at vera sannur skansi. Í fjør vórðu allir fjúrt­ an landskappingardystirnir vunnir, og í steypakappingini spældu teir javnt bæði ímóti Víkingi og B36. Í fyrra førinum vunnu vágamenn brots sparkskappingina, og í seinna førinum taptu teir. Venjarin hevur í tjúgu ár verið í fremstu røð í føroyskum fótbólti. Piotr Krakowski kom til Føroya sum fínur miðvallarspælari, og fyri nett tjúgu árum síðani var hann við til at tryggja sandoyingum fyrsta og higartil einasta FM heitið. Nú er Piotr kanska tann royndasti av øll­ um teimum, sum eru við til at mynda føroyska fótbóltstindin. Aftrat sær hevur Piotr Hegga Sam­ uelsen, ið hevur spælt nógv við lið­ unum í Vágum. Flestu royndirnar hevur Tór­Ingar Akselsen, superveteranurin Jens Erik Rasmussen, málverjin Trygvi Askham, Kim Poulsen og Ingi Ole­ Jacobsen. Millum aðrar í besta fótbóltsaldur, men sum enn ikki hava havt møgu­ leika at fótað sær í bestu deildini, eru Hans Arni Ellefsen, Ragnar Niclassen, Gunnar Haraldsen, Jógvan Holm, Jóan Petur á Stongum og Sjúrður Ellefsen og so eru tað ungir spælarar sum eitt nú Holgar Djurhuus, Andrá Johansen og 16 ára gomlu Rógvi F. Nielsen og Eli F. Nielsen. Tveir ungir HB spælarar, Hendrik Rubeksen og Torkil Kollsker, royna eydnuna í Vágum, og so er tað út lendska íslettið, sum er týdningar­ mikið, nú roynt verður at fáa teir lokalu at fóta: álopsspælarin Ike og miðvallarin Milan Pejcic, sum báðir hava verið í NSÍ og brasiliumaðurin Ricardo, sum nú skal royna seg í 07 Vestur álopinum. Royndirnar at fáa brasilkar fótbóltsspælarar at blóma á føroyskum graslíki og í føroyska veðrinum hava ikki altíð verið so hepnar. Um tað hepnast væl við Ricardo, so verður hann verdugur av loysari fyri pólverjan Andrzej Stretowicz, sum seinastu árini hevur verið eyðsýndur málrevur, hóast hann hevur verið skaðaplágaður. Vágamenn trívast væl har vesturi. Nú fæst at síggja, um tað hesa ferð eydnast vágaliðnum at finna stevið í fremstu røð! 07 Vestur Postrúm 51 Postrúm 370 Miðvági STOVNAÐ 6. november 2007 FORMAÐUR Eivin Jacobsen MEISTARAR Ongantíð (Besta úrslit nr. 1 í 1. deild í 2008) STEYPAVINNARAR Ongantíð GREIPUVINNARAR Ongantíð Í BESTU DEILDINI (1 ár) 2009 Í Europa Ongantíð MÀLVERJAR: Trygvi Askham Birgir Joensen VERJA: Hans Arni Ellefsen Torkil Kollsker (Áður spælt við HB) Rógvi E. Nielsen Gunnar Haraldsen Ragnar Niklassen MIÐVØLLUR: Ingi O Jacobsen Jóan P á Stongun Milan Pejcic (NSÍ) Sjúrður Ellefsen Jógvan Holm Eli F Nielsen Holgar Djurhuus Ricardo Da Braga Tór-Ingar Akselsen (HB) ÁLOP: Jens E Rasmussen (HB, TB, Leiftur, B36) Kim Poulsen Hendrik Rubeksen (HB, B68, GÍ, AB) André Johansen TILGONGD: Torkil Kollsker, HB Milan Pejcic, NSÍ Hendrik Rubeksen, HB FRÁGONGD: Andrzej Stretowicz, Pólland Jovan Radomir Panic, Serbia Silva da Braga, givin Jón Nielsen, HB VENJARI: Piotr Krakowski HJÁLPARVENJARI: Jógvan Hendrik S. Samuelsen Hópurin hjá 07 VESTUR: Vágamenn trívast væl har vesturi