hósdagur 2. apríl 2009síða 35

FÓTBÓLTUR 2009 35 Andrass Drangastein er við árunum blivin ein alsamt ídnari AB-ari. Gamli EB-spælarin og róðrarmaðurin úr Haldórsvík, er nú vorðin formaður í AB Formaðurin í Argja Bóltfelag, Andrass Drangastein er ættaður úr Haldórsvík, og konan, Mami er ætt­ að av Nesi í Hvalba. Seinastu 20 árini hava tey búð í Reynstúni, tætt við fótbóltsvøllin á Argjum. Nú er son urin, Jobin partur av 1. liðshóp­ inum hjá AB, og eru tey sostatt enn eitt dømi um tilflytarar, sum við áru­ num eru blivnir sannir argjafrensar. Andrass spældi sum ungur við EB, men á unglingaárum fór hann at rógva kapp, og valdi hann Hal­ dórs víkar Kappróðrarfelag framum fót bóltin. Bróðir Mami, Róðin Schrøt er var ein av grundstuðlunum hjá Royn í sínari tíð, so formans­ hjúnini í Reynstúni 3 eru væl kend við ítrótt. Dóttirin vakti áhugan Ein av fyrstu dystunum Andrass sá besta liðið hjá AB spæla var júst ímóti Royn, har svágurin Róðin var á liðnum: – Eg minnist talan var um ein dyst í steypakappingini. Dysturin var spældur har suðuri, og eg minn­ ist AB tapti 9­0 ella 10­0. Og eg tonkti við mær sjálvum, hvat hetta var fyri eitt lið, sigur Andrass flenn­ andi. AB var seinasta fjórðingin av 20. øld í triðbestu deildini og gjørdi ikki tær stóru skreytirnar á tí før oyska fótbóltspallinum. Sanni áhug in fyri AB byrjaði ikki hjá Andrassi, fyrr enn dótturin, Jutta fór at spæla fót­ bólt. – Eg ferðaðist runt landið við liðnum hjá henni, og eg bleiv bara meir og meir bitin av fót bólt inum og felagslívinum í AB. Andrass hevur annars á sinni verið nevnd ar limur í kappróðrar­ felag num í Hal dórsvík, og eftir tað lovaði hann, at hann skuldi ong­ antíð í nevnd aftur. Men hann bleiv alsamt meiri góður við AB, og tað førdi til, at hann kom uppí stuðla­ felagið hjá AB. Við tíðini fekk Andrass eitt gott samstarv við Tórálv Stenberg, sála, sum í mong ár var ímyndin av Argja Bóltfelag, og gjørdist teir góðir vinmenn og samstarvsfelagar innan AB. – Tá Tór álvur fór í gongd, var AB í botninum, og hann fekk felagið upp á ovastu rók, sigur Andrass um gamla vin mann sín. Stuðlafelagið bleiv stovn að í 2001, og tá satsaði nevndin veruliga at setta gongd á verk ætlanina um at fáa AB fram í fremstu røð. Hetta skuldi gerast við at fáa fleiri spæl­ arar og fleiri pengar til felagið. Fyrsta stóra stigið var tikið, tá AB kom upp í næstbestu deildina í 2003, og á heysti í 2006 varð tann stóri málsetningurin rokk in, tá felagið kom upp í bestu fót bólts­ deildina. Dýrur læripeningur Andrass minnist tað tiltikna miku­ kvøldið á heysti í 2006, tá upp flyt­ ingin upp í bestu mansdeildina var vunnin. Talan var um ein heimadyst ímóti FS Vágum. – Eg sigi sum er, at eg táraði av gleði hetta kvøldið, tað var ein ótrúlig rúgva av argjafólki, sum vóru møtt upp til hesa søguligu løtuna. Tá klemmaðu vit allir hvønn annan, vit sum høvdu stríðst fyri hesum, greiður Andrass kensluborin frá. AB bleiv eina góða, men dýra roynd ríkari við at spæla í bestu mansdeildini kappingarárið í 2007. Felagið hevur lært at satsa meir upp á spælarar, sum eru aldir upp í felagnum. Andrass vil ikki siga nak að ilt um liðið, sum royndi seg í 2007, men hann kennir á sær, at hópurin í 2009 hevur eitt størri hjart að fyri heimstaðnum, og at tað ger mun inni á vøllinum. Andrass er eisini fegin um, at teir hava skipað «FC Argir«, har ein nevnd er sett til, burturav at taka sær av voda fone­ liðnum. Og við drúgvu royndunum, sum venjaraparið Allan Mørkøre og John Petersen hava, trýr Andrass uppá, at tað fer at bera til at røkka, ið hvussu er 8. plássinum, og AB fer tá fyri fyrstu ferð í søgu felagsins at spæla tvey kappingarár á rað í bestu mansdeildini. Og tá er søga aftur skrivað á Argjum. Heri Simonsen heris@sosialurin.fo Víkarmaðurin er ein funnin frensur hjá AB Metingin Royndirnar eru ikki tær, sum viga mest á Argjum. Hvørki millum spæl ararnar ella venjararnar. Tí er væl hugsandi, at fyrstu umførini av lands kappingini fáa ovur honds stóran týdning fyri, hvussu samlaða avrikið vignast. Lítil ivi er tó um, at tað verður kring niður flytingar strikuna, at AB fer at stríðast Tað eru longu fleiri ár síðani, at Andrass Drangastein gjørdi av, at nevndararbeiði ikki var nakað fyri seg. Støður eru tó til fyri at broyta, og nú er víkarmaðurin tann, sum stjórnar argjafrensunum í royndini at seta klørnar fastar í føroyska fótbóltsoddin Mynd: Álvur Haraldsen