mánadagur 6. apríl 2009síða 3

apríl 2009 3 lýsingartilfar Summarfrí í Danmark Eitt hitt besta staðið hjá børnum at nema sær kunnleika um havið, og tað sum livir í sjónum er »Fiskeri og Søfarts­ museet« í Esbjerg Fyri tey sum ynska, at ein familjuferia í Danmark ikki bara skal vera summar og sól, gaman, spæl og stuttleiki, men eisini eitt uppihald, har tey yngstu veruliga kunnu læra nakað, so er sjósavnið í Esbjerg – »Fiskeri og Søfartsmuseet« avgjørt neyðugt at seta á skránna í sambandi við Danmarkar­túrin. Opið alt árið Við strondina, nakað norðan fyri fiskivinnuhavnina í Esbjerg, býðst høvi at vitja »Fiskeri og Søfartsmuseet«. Savnið er umgyrt av skógi, strond og havi, og so liggja nógvar upplivingar og bíða – bæði í og uttan fyri savnið. Sjósavnið í Esbjerg er opið alt árið. Tað er bara stongt jólaaftan, fyrsta jóladag, nýggjársaftan og nýggjársdag. Upp- og aftur­ latingar­tíðirnar eru millum klokkan 10 og 17. Í hægstu feriutíð – í juli og august – er tó opið millum klokkan 10 og 18. Skulu børnini hava ta serligu upplivingina at vera hjástødd, tá kóparnir vera fóðraðir, so er neyðugt at vera upp á pláss í sjósavninum klokkan 11, og klokkan 14.30. Ymiskar deildir Fyri at gera upplivingina – og frálæruna – betur skipaða, so hevur sjósavnið í Esbjerg ymiskar framsýningar á ymisk­ um økjum kring bygningin. Millum serstøku deildirnar er t. d. Sælarium, har kóparnir halda til. Eitt stórt akvarium er eisini ein sjálvsagdur partur av sjósavninum, og har ber til at síggja alskyns fiskasløg og skeljadjór. Sjósavnið gloymir heldur ikki sterku røturnar hjá Esbjergar býi í fiskivinnuni. Sjósavnið í Esbjerg er eisini eitt landsdekk­ andi sersavn fyri donsku fiski­ vinnuna, og fevnir tað eisini um søguligar fiskivinnugreinir, líka frá sildarokinum í mið­øld­ ini í Oyrasundi til royndirnar at hava eina burðardygga veiðu í Norðsjónum. Tann støðuga fiski­vinnuframsýningin lýsir danska fiskiskapin, við serligum denti á tíðarskeiðið 1880-1940, har menningin gekk frá stórum jollum til útróðrar­ bátar, sum royndu á opnum havi. Til ber at síggja skipa- og bátamodel, reiðskap, før og umhvørvi, sum lýsa korini hjá danskari fiskivinnu. Ribe, Fanø og Esbjerg Ein onnur framsýning er á sjósavninum, sum nevnist »Vadehav og Verdenshav«. Framsýningin lýsir sjósøguna frá víkingaøld til dagin í dag. Høvuðsevnini eru sjósøgan hjá Ribe, Fanø og Esbjerg. Í víkinga­ øldini og í miðøldini var Ribe ein hin týdningarmesti havnin í Danmark, men umfarssjúkur, kríggj við Svøríki, og at eina­ veldiskongarnir bara satsaðu upp á Keypmannahavn, gjørdi at Ribe misti hesa støðu. Í 18. og 19. øld áttu Fanø ein hin størsta seglskipsflotan í Danmark. Næstan øll á Fanø livdu av sjóvinnuni, og tóku fleiri lut í langfararasiglingini. Havnin í Esbjerg var gjørd í 19. øld sum ein viðbót fyri tær havnirnar, sum Danmark misti í krígnum ímóti Preusia í 1864. Nógv gott og spennandi fæst at vita á Fiskeri og Søfarts­ museet. ____________________________ Heri Simonsen heris@sosialurin.fo ____________________________ Har kóparnir vera fóðraðir tranevej 108 hulsig dk - 9990 skagen t: +45 9848 7222 f: +45 9848 7115 skagenstrand.dk ...sommer pa Skagen Strand! Hvad med at nyde sommeren på toppen af Danmark, og bo i en dejlig feriebolig på Skagen Strand? Vi har de fl este solskinstimer i Danmark, og Skagen er altid en sand fornøjelse. Vi ligger tæt på en af Danmarks bedste badestrande, og er du ikke til hav, så har vi et dejligt badeland - med fri entré naturligvis! Priseksem- pel. Ankomst fredag 26/6 i feriebolig med plads op til 5 personer. Ugeophold fra Kr. 6.450,-