týsdagur 7. apríl 2009síða 25

25 vinnan Nr. 68 - 7. apríl 2009 Útflutningur setti met Tríggjar teir fyrstu mánaðirnar í ár útflutti Noreg fiskavørur fyri 10,7 milliardir noprskar krónur, og tað er tað mesta nakrantíð, skrivar NTB. Samanborið fyri somu mánaðir í fjør var vøksturin 1,4 milliard krónur ella 15 prosent. Útflutningurin í mars var 3,7 milliardir krónur, og tað var góðar 700 milliónir krónur meiri enn í mars í fjør. Útflutningsráðið sigur við NTB, at eftirspurningurin eftir laksi og sílum er stórur og munar væl í hagtølunum hesaferð, og tað sama verður sagt um sild og makrel. Harafturímóti eru stórir trupulleikar við toskinum. 10 søkt um hvalaveiðiloyvi Í Íslandi hava myndugleikarnir fingið umsóknir frá umleið tíggju einstaklingum, sum vilja hava loyvi at veiða sildreka í ár. Teir, sum hava søkt, skulu fyrst á eitt skeið, har teir fáa kunnleika um, hvussu farast skal fram, tá stórhvalur verður veiddur, og hvussu veiðiamboðini skulu brúkast. Talan er um eitt norskt skeið, men tað er ikki greitt, um veiðimenninir sleppa á skeið í Íslandi, ella um teir noyðast til Noregs á skeið, skrivar Vísir. Eftir verandi tilráðing sleppa íslendsku havabátarnir at veiða 110 sildrekar í hesum umfari.