mánadagur 27. apríl 2009síða 16

16 [ Nr. 79 - 27. apríl 2009 ] Áland fyri framman Oyggjaleikirnir eru framvegis eitt tað besta høvið hjá føroyskum ítróttarfólkum at styrkismeta seg Ítróttarklumman Jákup Mørk jakup@sosialurin.fo Um knappar tveir mánaðir verður enn av útgáva av oyggja leikum sett. Summar røddir hava ført fram, at leikirnir ikki longu eru tað, sum skal til, um føroyskur ítróttur skal mennast. Og hyggur tú at fremstu ítróttarfólkum okkara, so er kanska rætt, at støðið á oyggjaleikum er lægri enn tað, sum tey dystast við í øðrum altjóða kapp ingum. Men sum lopfjøl og mátistokkur eru leikirnir fram­ vegis júst tað, sum størsti parturin av føroyskum ítrótti hevur tørv á. Fram um alt, so hava oyggjaleikir støðugt verið ein av heilt stóri motivatiónsfaktorunum hjá ítróttarfólkum okkara, og í so máta hava leikirnir støðugt verið við til at skapa framdrift og menning í føroysk um ítrótti. Og tað er soleiðis fyrst og fremst leikunum at takka, at vit í dag eiga ítróttarfólk, sum kanska ikki møta teimum risa­stóru avbjóðingunum á leikunum men ístaðin hava sett sær nýggj og størri mál. Og tá tað er sagt, so er tað framvegis gleðiligt, at fremstu einstaklingar okkara framvegis síggja tað sum stuttliga og spennandi avbjóðing at taka lut á leik unum. Kanska eisini tí leikirnir eisini í stóran mun innihalda menninskjansligar upplivingar, har vinar bond verða knýtt, og har tað – hóast stóra kapp­ ing ar elementið – eisini ræður um at skapa framburð og menning heldur enn at tað bara skal vinnast fyri ein og hvønn prís. Her heima verða seinastu úttøkunar á ymsu lands­ lið unum framdar í hesum døgum, og hjá teim um, sum skulu taka lut, fara næstu mánaðirnir í stóran mun at snúgva seg um fyrireiking til stóru av bjóðingina, soleiðis at toppurin verður raktur júst ta vikuna, sum leikirnir eru. Um gullregnið verður tað sama, sum tað var á Rhodos, er so ein annar spurn ingur. Men í metrum, sekundum og øðrum eind um er talan um mátistokkin, har fram­ ella aftur­ gongd hjá ymisku kappingargreinunum verður vektað. 12 bogaskjúttar, ein dómari og tveir hjálparar. Hetta verður fólkið úr Føroyum, ið verð ur at finna á boga skjóti­ vøllinum á Álandi Bogaskjóting Jákup Mørk jakup@sosialurin.fo Absalon Hansen, Hans Petur Højgaard, Eirikur í Jákups stovu, Jógvan Mag­ nus Andreasen, Annika Vang, Jastrid Jensen, Jóg­ van Niclasen, Albert Dam, Hans Asbjørn Eysturdal Mag nus Andreassen, Sigrid Vang og Rakul Dam skulu um boða Føroyar á Oyggja­ leikunum í summar. Hetta varð flaggdagin enda liga avgjørt, tá seinasta út tøku kappingin var á Toftum. Í recurvebólkinum var tað mesta nærum greitt framm an undan, tí eitt sind­ ur av muni var millum fýra teir bestu og hinar gjøgnum kappingarnar í høvdu verið frammanundan. Kappaðust um trý mál Hinvegin var stórur spenn­ ingur kring Comoundliðið, tí har vóru einir seks skjútt­ ar, ið kappaðust um trý pláss. Jógvan Niclasen var nær um tryggjaður fram­ man undan, men púra opið var kring hini plássini. Endin varð, at Albert Dam, Hans Asbjørn Eystur­ dal og Magnus Andreassen tóku hesi pláss, og til dømis Per Holm Andersen, ið hevur vunnið nógv heiður s­ merki fyri Føroyar, megnaði ikki at koma við á liðið. Útav næstan 2500 stigum, var Magnus Andreassen bara 12 stig frammanfyri Nikkel Petersen, ið var næst ur á listanum. So sigast kann, at framtíðin er rætti­ liga áhugaverd í boga skjót­ ing ini. Sigrid er aftur við Sigrid Vang kunngjørdi til seina s tu Oyggjaleikir, at tað vóru hennara seinastu og hevur leingi tosað um, at hon ikki fór við til oyggja­ leikirnar. Nú ætli eg mær at vera áskoð ari, og um brúk er fyri ein um hjálpara, so hjálpari hjá øllum tykkum, segði hon eftir kappingina skíris­ dag, men nú hevur hon drig ið í land. ­ Aja, eg komi bara við, segði hon leygardagin, tá enda ligt svar skuldi gevast. So tað er møguleiki fyri, at hon vinnur enn fleiri heiðurs merki. Tó verður Per Holm Ander sen á Oyggja leik u n­ u m, tí bogaskjótideildin hev ur avgjørt at nýta hann og hansara nógvu royndir, sum hjálpara á ferðini. Per Holm Andersen verður eisi­ ni liðleiðari á ferðini. Somuleiðis verður Tor­ finn Hansen við sum hjál p­ ari. Seinasta fólkið, ið verður við í ferðalagnum hjá boga­ skjúttunum er Schandorff Vang. Hann verður við sum dómari í kappingini, nú hann hevur valt at gevast við skjótingini á Oggja leik­ unum. Bogaskjúttarnir klárir til Oyggjaleikir Krzysztof mist takið Aarhur Fremad tapti aftur hetta vikuskiftið í 2. deild vestur, og nú mál felagið helst uppgeva dreymin um uppflyting. Aarhus Fremad byrjaði annars seinnu hálvu av kappingini væl, men nú er liðið hjá Krzystof Popczynski mest sum steðgað upp. Hesaferð spældi Fremad lokaldyst ímóti Skovbakken og tapti 2­1. Agger vil ikki leingja Sambært bretska blaðnum News of the World hevur danski verjuspælarin Daniel Agger havnað einum tilboði frá Liverpool um at leingja sáttmálan. Liverpool ætlaði at lata Agger 80 milliónir krónur fyri næstu fýra árini, men Agger hevur sagt nei takk. Áhaldandi slatursøgur hava sett Agger í samband við italsku felgøini AC Milan og Juventus. Hóast Sigrid Vang, eftir kappingina á Rodos boðaði frá, at tað vóru hennara seinastu oyggjaleiki, so hevur hon avgjørt at luttaka hesaferð eisini