mánadagur 27. apríl 2009síða 17

17 [ Nr. 79 - 27. apríl 2009 ] Laudrup vil ikki tosa um landslið Eftir at Michael Laudrup fekk sekkin sum venjari í russiska felagnum Spartak Moskva, hava danskir miðlar hug at spyrja hann, um hann vil verða venjari hjá danska landsliðnum eftir Morten Olsen, men tað vil Laudrup als ikki tosa um. - Tað er ein óneyðugur spurningur í løtuni. Tað er ópassandi at tosa um tað, nú tað gongur so væl hjá landsliðnum, sigur Michael Laudrup, sum áður hevur verið hjálparvenjari hjá Morten Olsen á danska landsliðnum. Takklaði bóltin í mál frá miðjuni Sebastian Langkamp, sum spælir fyri týska felagið Karlsruhe, skoraði eitt óvanligt mál um vikuskiftið. Hann gjørdi eina glíðandi takkling á miðvøllinum, og onkursvegna fleyg bólturin avstað ímóti málinum hjá Leverkusen og endaði í netmeskunum. Hetta var einasta málið, sum kom í dystinum, so tað var vorðið sum sigursmál. Fyri fyrstu ferð nakrantíð megnaði 07 Vestur at vinna í landskappingini, tá ið botnliðið higartil gjørdi av við odda­ liðið Fótbóltur Jóannes Hansen joannes@sosialurin.fo At bólturin framvegis er rundur, og at einki er avgjørt fyrrenn alt er avgjørt og meiri av tí slagnum varð rudduliga undirstrikað, tá ið 07 Vestur í gjár setti trý stig inn á kontina, sum eftir trý tey fyrstu umførini var skralltóm. 07 Vestur er spild- urnýtt í fremstu deildini, og tí var hetta fyrsti sigurin nakrantíð hjá nýggja vága- liðnum í bestu deildini. Sigurin var sjálvandi kær- komin, og hann var eisini eyðsýndur, tí hann varð vunnin á B36, sum undan 4. umfari var einasta liðið við fullari úrtøku. Hegga Samuelsen hevði ábyrgdina á 07 Vestur beinkinum. Piotr Krakowski er í Pól- landi, og tað vóru vorðin sum tíðindi, hann hoyrdi klokkan 5 ígjár! Hesa ferð bar ikki til hjá árstalsfelagnum, sum longu í 1. hálvleiki noyddist at skifta vongverjan í høgru, Magnus Olsen, út, og sum hevði skadda Jákup á Borg á beinkinum, inntil tað rest- aði eitt korter. Tá ið lands- liðsspælarin varð settur á vøllin, var støðan 2-2, og tað kundi verið líkt til, at Mikkjal Thomassen ætlaði at vinna øll stigini. Soleiðis tørnaði tað tó ikki út. Heimaliðið hevði alla tíð- ina verið væl upplagt og ágrýtið, og tí var einki for- gjørt í, at tað fall 07 Vesturi til fyrimunar. Seinastu tíggju minuttirnar skoraði superveteranurin Jens Erik Rasmussen tvey mál. Tað fyrra við frísparki, sum úr høgru sigldi millum nógvar og framvið Tróndi Vatnham- ar í B36 málinum, og tað seinni við brotssparki, tá ið vanliga leiktíðin var farin. Ransin Djurhuus hevði havt gula kortið sjey ferðir á lofti, tá ið hann bríkslaði fyri síðstu ferð, og rómurin í 07 Vestur leguni var stórur. Hugburðurin hevði verið fínur, og tað hevði víst seg at loysa seg at vinna nær- dystirnar og vera fyrstur á returbóltunum. Høgri vongverjin, Ragnar Niclasen, sá longu í 9. minutti gult, og miðskeiðis í 1. hálvleiki varð hann útskiftur – ivaleyst tí venj- arin kalkuleraði við møgu- leikanum fyri einum gulum korti afturat. Heimaliðið slerdi tónan ann beinanvegin. Tór-Ingar Akselsen breyt ígjøgnum í vinstru og legði innfyri, og miðvallarin í høgru Hans Arni Ellefsen stýrdi bóltin í málið. Tá ið góður hálvur tími var farin, tóktist tað skula vera sum vanligt, tí eftir lítlari løtu skoraði B36 tvær ferðir: Í fyrra førinum var Sam Malson púra leysur, tá ið hann skoraði eftir frí- spæling frá Brima Koroma, og í seinna førinum átti Brima Koroma aftur sín stóra leiklut. Trygvi Ask- ham hálvbjargaði skotroynd frá honum, og innskifti Johan Ellingsgaard var fyrstur á returbóltinum. Undan steðginum javnaði 07 Vestur, og tað var ógvu- liga týdningarmikið. Mál- skjútti var Milan Pejcic, sum við nærra stólpa stútaði í málið eftir hornasparks- innlegg úr høgru. Í 2. hálvleiki var tað Tór- Ingar Akselsen, ið var mill- um mest eyðsýndu heima- menninar, sum vann frí- sparkið, sum bar leiðslu- málið við sær, og tá ið B36 hevði spent bogan í roynd at koma aftur í aftur, og 07 Vestur vann brotsspark, var tað, eftir at Hendrik Rubek- sen varð feldur. Eftir lúsingin í Gøtu fót- aði 07 Vestur sær, og í árs- talsfelagnum í høvuðsstað- num fingu teir enn eina ferð staðfest, at Sørvágur er torførur skansi at vinna á. 07 Vestur-B36 4-2 (2-2) Skrivaðu søgu í Sørvági So glapp hjá 07 Vestur, sum sunnudagin fekk sín fyrsta í Vodafone-deildini. Og tað gjørdi ikki dagin verri, at mótstøðuliðið var higartil ósigraða B36 Tað er hugaligt har vesturi 0 stig vestur hevur tað seinastu vikurnar fleiri ferðir verið tikið til. Nú er henda vendingin søga, og sjálvandi fegnast teir har vesturi um, at teir ímóti B36 prógvaðu fyri sær sjálvum og øllum øðrum, at tað ber til: - Hugburðurin var fín- ur, og tað kennist huga- ligt, at vit nú eru komnir á talvuna, staðfesti Jens Erik Rasmussen, sum síðstu løtuna skoraði tvey mál. Hann rósti sínum lið- feløgum fyri avrikið: - Vit eiga fleiri ungar spælarar, ið vístu, at tað er dugur í teimum. Tað var serliga týdningarmikið, tí longu í 1. hálvleiki noyddist ein av teimum eldru, Rúni Nolsøe, skadd- ur av vøllinum. Hann er ætlaður at vera ein av teimum, sum stuðlar teim- um yngru, men hesir vístu, at teir vóru førir fyri at stríðast og spæla fyri sigrinum, og tað gevur góðar vónir, nú vit skulu spæla á Argjum. Tað verð- ur ein ógvuliga spennandi avbjóðing. -jh Mugu vera eyðmjúkir Mikkjal Thomassen var sjálvandi ikki nøgdur, eftir at hann fyri fyrstu ferð sum B36 venjari hevði verið eygnavitni til, at liðið hjá honum hevði tapt ein landskapp- ingardyst. Men hjá venjaranum kendist tað ikki sum um, at fótbóltsheimurin var farin um koll orsaka av tapinum: - Vit eru ovurfegnir um stigini, sum vit hava vunnið. Felagið hevur valt at byggja upp á ungar spælarar, og tað stuðli eg leiðsluni í. Vit hava mist fleiri landsliðsspælarar, og í staðin hava vit fingið ungar spælarar á liðið. Tað fer ivaleyst at síggjast aftur í misjøvnum avrikum, og tað mugu vit læra av. B36 hevur áður havt trupulleikar í Sørvági, og nú mugu vit vísa eyðmýkt fyri næstu uppgávuni. Eisini hon verður ivaleysa stór, tí nú skulu vit spæla ímóti HB! -jh B36 07 Vestur