mikudagur 29. apríl 2009síða 29

29 [ Nr. 81 - 29. apríl 2009 ] Líka so fegin, 35 ára gamla Rannvá Eiriksdóttir gjørdist, tá hon fann útav, at hon var tikin út til føroyska oyggja­ leikalandsliðið í byrsuskjóting, líka so vónbrotin er hon, nú kappingin hjá kvinnunum helst verður av ongum kortini, tí ov fáar tilmeldingar eru BYRSUSKJÓTING Hilmar Jan Hansen einslistir@kallnet.fo Treytirnar fyri, at ein kapp­ ing í byrsuskjóting kemur endaliga á skránna á Oyggja­ leikunum á Álandi er, at í minsta lagi seks skjúttar úr í minsta lagi fýra oyggja­ samfeløgum eru tilmeldað­ ir. Og í eina tíð hevur hetta júst verið talið á tilmeldaðu skjúttunum í kappingini hjá kvinnum í greinini, sum nevnist sporting. Hetta kom sera væl við hjá 35 ára gomlu Rannvá Eiriksdóttir, sum er ættað av Norðskála, men býr á Álandi. Upprunaliga var hon tikin út til kappingina hjá kvinnum í skeet, men tann kappingin er longu dottin niðurfyri. Síðani var sporting ein møguleiki, sum nú tíverri hongur í ein­ um klønum tráði. – Eg havi ikki skotið í meira enn eitt ár, men málið hevur alla tíðina verið at komið við á føroyska oyggjaleikalandsliðið, sum skuldi kappast júst her á Álandi. Men sum nú er, røkist einki fyri, at tað yvir­ høvur verður nøkur byrsukapping hjá okkum kvinnum, sigur Rannvá. – Nú vísir tað seg, at ein skjútti úr Caymanoyggj­ unum helst fer at taka til­ meldingina aftur, og so eru vit bara fimm skjúttar eftir, og tað er ein ov lítið. Vit royna allar at gera vart við okkum, so einki spyrst burt­ ur úr hesari frámeldingini, men tað sær ikki gott út í løtuni. Bitin av skjóting Nú Rannvá hevur kastað seg út yvir byrsuskjótingina, ber neyvan heldur til at rokna við øðrum, enn at hon hevur ein sera góðan lærumeistara og venjara, nú Lennart jú er oyggjaleika­ meistari og tí man duga tað nógva av tí, sum vert er at duga við einari byrsu. – Jú, hann dugir væl at læra frá sær og veit sjálvandi nógv. Men tað er galdandi fyri tey allarflestu, sum eg skjóti saman við, at tey eru øgiliga hjálpsom, og eg eri fullkomuliga bitin av skjót­ ingini, sigur Rannvá Eiriks­ dóttir, sum skjýtur við ein­ ari byrsu, hon hevur fingið frá pápa sínum. – Eg fekk byrsuna í august, og eftir at eg í januar fekk hana rættaða til, so hon passaði ordiliga til mín, havi eg drivið á við skjót­ ingini. Her er eisini ein onnur kvinna við, sum hev­ ur skotið í eini 10 ár, so tað eru ikki bara mannfólkini, sum eru við í hesi ítróttar­ greinini, hóast vit ikki eru nógvar kvinnur. Sum sagt, so røkist tíverri einki fyri, at tað verður til oyggjaleikaskjóting fyri hennara viðkomandi í summar, men hon væntar, at so fer hon bara at gera tað meira við aðrar kapp­ ingar, eitt nú í Finnlandi og Svøríki, sum álendsku skjúttarnir javnan fara til. Framstig ger hon alla tíðina, og nú rakar hon 20 av 25 leirdúgvum, tá tað gongst væl. Minnir um Føroyar Søgan um, hvussu Rannvá Eiriksdóttir yvirhøvur end­ aði á Álandi, er samstundis ein søga um bæði byrsu­ skjóting og oyggjaleikir, tí tað var á Rhodos fyri tveim­ um árum síðani, at hon møtti sjeikinum, Lennart Åkerblom, sum tá vann gull í skeet hjá monnum. – Eg møtti honum, áðrenn hann var farin í gongd við skjótikappingina á Rhodos, og restin er søga. Vit møtt­ ust har niðri, og í mars árið eftir flutti eg til Álands, greiðir Rannvá frá. Tey bæði búgva miðskeiðis á Álandi, einar 20 kilometrar uttan fyri høvuðsstaðin, Mariehamn. – Tað er nokk so nógv øðrvísi enn heima í Føroy­ um, tí tú sært ikki ordiliga grannahúsini, tí her eru jú trø allastaðni, so einastu hús tú sært, eru tey, sum standa fram við vegnum. Men annars líkist sam­ felagið nógv tí føroyska upp á tann mátan, at øll kenna øll, tí her eru smá viðurskifti. Vit kunnu so leggja aftrat, at henda fitta sólskinssøgan um, hvat einir oyggjaleikir kunnu føra til, fær eitt nýtt kapitul í summar, tá Rannvá og Lennart fara at giftast. Fergie vil skriva søgu Venjarin hjá Manchester United vónar, at hann og felagið kunnu skriva Champions League søgu í ár. Enn hevur nevnliga ikki eydnast hjá nøkrum liði at vinna kappingina tvey ár á rað, síðani hon varð umskipað til Champions League. – Summi vilja helst siga, at eg bjóði lagnuni av. Men á Old Trafford hava vit altíð sett okkum høg mál, og sjálvandi krevst hepni og at vit sleppa undan skaðum, staðfestir Ferguson, sum saman við sínum monnum tekur ímóti Arsenal í fyrru hálvfinaluni teirra millum í kvøld. Gerrard vil hava Agger Liðskiparin hjá Liverpool, Steven Gerrard, sigur seg skilja, um Daniel Agger velur at skifta til annað felag, men hann vónir, at danski verjuspælarin eisini í framtíðini verður við Liverpool. – Eg haldi øll skilja, at Daniel hevur ambitiónir og at hann vil spæla hvørja ferð. Men mín vón er, at hann verður hjá okkum og stríðist fyri sínum plássi. Hann er betri enn flestu aðrir verjuspælarar, tí hann er góður í álopsspælinum, málsøkin og sterkur í pasningsspælinum, sigur Steven Gerrard við danska blaðið Jyllands­Posten. Rannvá fær kanska einki skot á Álandi Í heyst vóru Rannvá og sjeikurin, Lennart Åkerblom, sum er oyggjaleikameistari í skeet, heima í Føroyum og vitjaðu. Tá vóru tey saman við føroysku skjúttunum við í árligu Veðrakappingini Rannvá Eiriksdóttir avmyndað í gjárkvøldið, tá kappingin »Vårskytte« var í felag hennara á Álandi. Hon var einasta kvinnan, sum var við, men gjørdist triðfremst av 15 skjúttum… Fjórð- ings- finalur í kvøld Tey fýra liðini til hálvfinalurnar í kappingini um Løgmanssteypið verða funnin í kvøld FÓTBÓlTUR Jákup Mørk jakup@sosialurin.fo At liðini ikki verða styrkismett, samstundis um onkrar sensatiónir longu hava verið at sæð í kappingini, hevur við sær, at tað nú bert eru seks Vodafone­lið eftir í kappingini. Á pappírinum er talan um greiðan favoritt við Margáir, har FC Hoyvík kemur á rimmar uppgávu móti verjandi steypavinn­ arunum, meðan í aðrar mátar tykjast uppgerðir­ nar víðopnar. TB hevur longu sent B36 úr kappingini, og teir skulu royna at endur­ taka tað kynstrið, nú AB kemur á vitjan. Í hinum báðum upp­ gerðunum eru tað Voda­ fone­lið, sum eru á vøll­ inum, og í báðum førum bendir pappírið á sera spennandi uppgerðir. Dystirnir í kvøld skulu avgerast. Stendur á jøvn­ um eftir vanliga leiktíð, verða 30 minuttir lagdir afturat, og um neyðugt verður avgjørt við brots­ sparkskapping. Dystur Dómari EB/S-FC Hoyvík Petur Reinert TB-AB Rúni Gaardbo 07 Vestur-ÍF Lars Müller Víkingur-HB Eiler Rasmussen