týsdagur 5. mai 2009síða 32

32 [ Nr. 85 - 5. mai 2009 ] Í nógva vindinum í Sarpugerði megnaði EB/Streymur betur at fóta sær enn Víkingur gjørdi, og tí vann EB/ Streymur við Levi Hanssen á odda trý týðandi stig, meðan Víkingar liggja syðri á talvuni enn teir ætla Fótbóltur Eirikur í Jákupsstovu eij@sosialurin.fo 171 sentimetur stutti Levi Hanssen gjørdist stóri mað­ ur in í Sarpugerði í gjár, tá EB/Streymur vann trý týdningarmikil stig, meðan Víkingar kunnu iðra seg, at teir ikki megnaðu at stríða EB/Streym út á Gøtuvík. Fyrsta málið fekk Levi Hanssen, tá fyrri hálvleikur var næstan hálvrunnin. Lið­ skip arin hjá EB/Streymi, Egil á Bø, setti ferð á mitt gjøgn um vøllin, har hann eftir ein óvanliga langan driblit úr fann Leif Niclasen, sum legði bóltin inn til Levi Hanssen, sum bæði tamdi og skeyt bóltin í málið við vinstra beini. Tá vanliga leiktíðin var farin staðfesti fyrrverandi skála maðurin og B36arin sig ur in, tá hann gjørdist leys ur og skallaði bóltin fram við Geza Turi í Víkingamálinum, og tí liggur EB/Streymur nú á fjórða plássi í Vodafone­ deildini Bæði máttu vinna Hóast talan var um tvey lið, ið lógu um miðjuna av deildini, so var talan um ein sera týdningarmiklan dyst, tí bæði liðini kundu við ein­ um sigri ota seg upp at toppi num, samstundis sum eitt tap í fyrstu atløgu merkti, at liðið var sett av í toppstríðnum. Tað var nokk her, at tað sást, at teir myrkabláu og svørtu, sum dysturin leið vóru greiðari yvir hesar treyt ir, enn hvat teir ljósa­ bláu og svørtu vóru. Tí tað var fyrst og fremst viljin, ið vísti seg at vera munurin, sum dysturin leið. Men soleiðis var ikki all­ an dystin, tí fyrstu 20 minutt irnar vóru Víkingar omaná. Víkingar byrjaðu best Í nógva vindinum, sum ofta kemur úr Gøtudali var tað tó Víkingur, ið fótaði sær best fyrstu løtuna. Teir høvdu tað mesta av spæli­ num, men gjørdust ongantíð veruliga vandamiklir. Helst av tí, at Sorin Angel, sum í gjár spældi í miðverjuni, og Egil á Bø vóru sera raskir at demma fyri Andreasi Lava Olsen, sum plagar at vera ein stór hóttan. Tó høvdu teir yvirtakið, og fingu nøkur skot úti frá, sum Gunnar á Steig – sum framvegis stendur í máli­ num fyri skadda René Tór­ garð, sum helst hevði verið fyrsta val, um hann var við – ikki fekk nakrar stórvegis trupulleikar við. Kanska merkti tað eisini dyst in, at Hans Jørgen Djur huus, sum er mest skor andi Víkingurin í ár, var óvildugur áskoðari til dystin. EB/Streymur lá rættiliga langt afturi á vøllinum, og bíðaði eftir møguleikum fyri snarálopum. Hesir skuldu eisini koma, og tað var eftir eitt tílíkt, at EB/ Streym ur fekk fyrra málið. EB/Streymur tók yvir Eftir málið var lítið veiggj í Víkingum, sum ikki líktust sær sjálvum. Teir fóru ofta bara hálvir inn í taklingarnar, og EB/Streymsleikarar vunnu flestu nærdystirnar, hóast heili fýra teirra megn­ aðu at fáa gul kort. Onkur vóru helst á markinum til reytt, men Dagfinn Olsen, metti ikki, at so var. So hvørt sum dysturin leið tók EB/Streymur meira yvir. Gudmundur Nielsen og Hans Pauli Samuelsen vísti seg at hava nógvar verju uppgávur á veingju­ num, so tað var mest bein­ leiðis gjøgnum miðjuna, at EB/Streymur kom til sínar møguleikar, sum Geza Turi ofta bara fekk boksað burt­ ur. Hinvegin hevði Víkingur nakrar deyðbóltar, sum teir kundu fingið nakrar møgu­ leikar burturúr, men kanón­ in hjá Súna Olsen, var ikki líka bein, sum hon ofta hevur verið. So hvørt sum dysturin leið gjørdust Víkingarnir meiri mótfalnir, og tað gjør­ dist ikki betri, tá Andreas Lava Olsen fór út við skaða í seinna hálvleiki. Í yvirtíðini var tað so, at Levi Hanssen staðfesti, at Víkingarnir fóru bardir úr Sarpugerði, og tí liggja teir framvegis í miðjuni av deild­ ini, meðan EB/Streym ur vann trý kærkomin stig, eftir tvey fylgjandi lak umfør. SAMBAND jákup Mørk jAkup@SoSiAluriN.fo tlf. 341800 ítróttur Víkingur-EB/Streymur 0-2 (0-1) 0-1: Levi Hanssen, 25. 0-2: Levi Hanssen, 90. Dómari: Dagfinn Olsen Víkingur: Geza Turi – Símun Louis Jacobsen (Magnus Skoralí¨, 65., Niclas Niclasen, Atli Gregersen, Hanus Jacobsen – Sølvi Vatnhamar, Súni Olsen, Sam Jacobsen – Finnur Justinussen, Andreas Lava Olsen (Martin Olsen, 74.), Sverri Jacobsen (Áslakur R. Petersen, 86.) Gult kort: Símun Louis Jacobsen, Niclas Niclasen, Hanus Jacobsen, Atli Gregersen EB/Streymur: Gunnar á Steig– Bárður Olsen, Egil á Bø, Sorin Anghel, Alex Jose dos Santos – Levi Hanssen, Marni Djurhuus, Brian Olsen – Gudmund Nielsen (Arnbjørn T. Hansen, 81.), Leif Niclasen, Hans Pauli Samuelsen Gult kort: Egil á Bø FAKTA um dystin Víkingur-EB/Streymur 0-2 (0-1): Levi Hanssen blásti Víkingar suðureftir EB/Streymur Víkingur Glaðasti maður í Gøtu Levi Hanssen noktaði ikki fyri, at hann í gjár var glaðasti maður í Gøtu. Men mest errin var hann tó av liðnum. ­ Tað var øgiliga týdn­ ingarmikið at vit vunnu í dag, og vit kempaðu øgi­ liga væl, segði Levi Hanssen við Rás2, sum sendi beinleiðis í gjár. Hóast alt er hann errin av málunum hann fekk. ­ Eg kippaði hann inn í besta Del Piero stíli, segði hann týðiliga fegin í gjár. Um seinna málið greiddi hann frá, at hann kendi seg merkiliga leys­ an, og var glaður fyri at skora upp á hornaspark, sum hann ikki upplivir ofta. Somuleiðis fegnast hann, at liðið aftur snodd ar til oddin. ­ Byrj anin hevur ikki ordiliga verið nøktandi, tað var so týdningarmikið at hanga í oddinum, so tað er eitt gott vikuskifti fyri EB/Streym, staðfesti hann á Rás2. -eij Kunnu takka okkum sjálvum Sølvi Vatnhamar var sera vónbrótin av avrikinum hjá Víkingum í gjár. ­ Vit koma ov seint í gongd. Fara inn í nær­ dystirnar, sum vit plaga, men finna ikki útav at avslutta, tá vit skulu, segði Sølvi Vatnhamar við Rás2, sum tó metir, at EB/Streymur var betra liðið. ­ Eftir fyrra málið kundu teir lossa bóltar, og tað gera teir so restina av fyrra hálvleiki, metti Sølvi Vatnhamar. Um seinna málið segði vík ingurin, at orsøkin til seinna málið var, at mað­ ur in, ið skuldi dekka Levi Hanssen var uppi á miðjuni. Hinvegin er hann sann­ førdur um, at vit ikki hava sæð tað besta av Víkingi, og at teir fara at koma sterkt aftur. -eij Myndatekstur: Levi Hanssen gjørdist við tveimum týðandi málum glaðasta maður í Sarpugerði í gjár Mynd: Álvur Haraldsen