mánadagur 11. mai 2009síða 16

16 [ Nr. 88 - 11. mai 2009 ] KÍ verður nú revsað fyri at hava valt einastu skilagóðu loysnina. Nevnliga at steðga útreiðsluveitsluni Ítróttarklumman Jákup Mørk jakup@sosialurin.fo Stigatalvan í Vodafone-deildini eftir fyrstu seks umførini bendir á, at óhugsandi støðan kann gerast veruleiki. Nevnliga at fremsta føroyska fótbólts- deildin um eitt ár kann standa uttan umboð fyri norðoyggjar. Sjálvandi er einki lið friðað, og fáa klaksvíkingar ikki fleiri stig enn í minsta lagi tvey onnur lið í deildini, so er niðurflytingin veruleiki. Samstundis er veruleikin tó, at KÍ í løtuni verður revsað, tí teir hava gjørt av at steðga skilaleysu útreiðsluveitsluni, sum í alt ov nógv ár hevur sett sín dám á føroyskan fótbólt. Tað er eingin loyna, at fleiri av hinum feløgunum í Vodafone-deildini framvegis sigla sera tungan sjógv, og úr FSF hevur alment verið sagt frá, at trý lið í ár eru undir beinleiðis fíggjareftirlitið. Men tað stendur í sterkari andsøgn til hetta, at flestu feløgini framhaldandi mest sum ótálmað kunnu knýta dýrar spælarar at hópinum, og tað kundi bent á, at FSF antin ikki torir at revsa tey feløg, sum ikki makta sínar fíggjarligu skyldur, ella at FSF ikki hevur neyðugu amboðini til at halda í teymunum á leiðsl- um, sum í vónini um ein framtíðar vinning framvegis hava stór hol í niðara endanum av pengakassanum, har pengarnir sleppa at floyma úr. Tað hevur verið sagt fleiri ferðir, og vit kunnu gjarna gera enn eina endurtøku. Skal føroyskur fótbóltur mennast, er fyrst og fremst grundleggjandi neyðugt, at fótarbeiðið í ymsu feløgunum verður gjørt til lítar. Og tað verður tað ikki, so leingi sum feløg á hvørjum ári kunnu keypa seg til gull, heiðursmerki ella bara yvirliving. Væl at merkja, uttan at rokningin verður goldin. Tað er framvegis støðan hjá fleiri av føroysku fótbóltsfeløgunum, og tað er framvegis støðan, sum FSF sum savnandi og stýrandi organ í føroyskum fótbólti noyðist at fyrihalda seg til. Stýringin má styrkjast Fríðin Ziskason, nevndarformaður í Sp/f KÍ, sigur at felagið er endurreist fíggjarliga, soleiðis at tey eru til reiðar at taka tey stig, sum eru neyðug fyri at rætta ítróttarligu gongdini Fótbóltur Jákup Mørk jakup@sosialurin.fo Eftir fjórða tapið fyrstu seks dystirnar varð fundur í KÍ-hølunum sunnukvøldið. Á skránni var ítróttarliga gongdin,men Fríðin Ziska- son, nevndarformaður, vil ikki siga, at talan var um nakran kreppufund. - Vit høvdu eitt prát við spælararnar, har vit søgdu teimum, at vit framvegis hava fult álit á, at teir saman við venjarunum eru røttu menninir fyri at halda KÍ uppi millum tey bestu. Men tit hava bara tvey stig eftir seks dystir. Sigur stiga­ talvan ikki eina aðra søgu? - Tað ger hon sjálvandi, men hyggur tú at liðnum hjá okkum í ár, so eru vit ikki verri fyri nú, enn vit vóru í fjør. Teir fremmandu spælarar, sum vit høvdu , hava vit væl og virðiliga erstattað við okkara egnu spælarum, so á tí økinum hevur talan fyrst og fremst verið um fíggjarliga upp- rudding. - Og eg haldi meg kunna siga, at tann uppruddingin hevur eydnast. KÍ er í dag væl fyri fíggjarliga. Og tað skal eingin ivi vera um, at vit ikki ætla okkum at sita hendur í favn, tá flyting- arvindeygað letur upp tann 26. juni. Vit valdu tilvitað at rudda upp í spælara- hópinum, og avtalan var, at vit vildu nýta fyrstu 14 umførini til at geva øllum ein erligan møguleika at royna seg. Men sigla vit framvegis vandasjógv til ta tíð, so gera vit sjálvandi tað, sum er neyðugt, fyri at rætta kósina, sigur Fríðin Ziskason. KÍ er væl fyri Støðutalvan bendir á, at tyngdin í fótbóltin­ um er við at flyta frá útjaðaranum og nærri miðstaðarøkinum Fótbóltur Jákup Mørk jakup@sosialurin.fo Tveir teir fyrstu triðingarnir av fyrsta triðinginum av hesum kappingarárinum eru av. Tað eru nógv stig eftir at spæla um, og tískil kann nógv framvegis venda øðrvísi, tá ið kappingin verður liðug, enn tað nú ger. Kortini man lítið fara at vera at ivast í, at tey flestu, sum nú kappast í toppinum, eisini fara at vera við í tí kappingini, tá ið oktober fer at nærkast, og at tey, sum nú kenna strongd av botnspøkilsinum, eisini um fimm mánaðir fara at stríðast fyri at sleppa undan tveimum teimum aftastu plássunum. Søgan sigur, at upp- flytararnir ofta teljast mill- um niðurflytararnar. 07 Vestur er næstaftast og har- við fyribils kandidatur til niðurflyting. Hin uppflyt- arin, AB, hevur í seks teim- um fyrstu umførunum vunnið sjey stig. Hóast AB hesa ferð legði rygg til stórtap á útivølli ímóti nýggja oddaliðnum, HB, so hevur áræðið og framfýsnið verður so mikið stórt hjá ungu monnunum, at teir ivaleyst fara at vísa seg at verða drúgvir. Um tað eydnast AB at halda tørn, so kann tað væl fara at vísa seg, at høvuðs- staðurin í 2010 fyri fyrstu ferð verður umboðaður í bestu fótbóltsdeildini av fýra feløgum. FC Hoyvík vann leygardagin á útivølli ímóti oddaliðnum higartil, B68, og nú eru hoyvíkingar oddalið í 1. Deild! Eftir seks umfør eru KÍ og 07 Vestur á tveimum teimum aftastu plássunum. Soleiðis sum næstbesta deildin er samanskrúvað, so ber tað illa til at ímynda sær annað, enn at í hvussu so er eitt felag úr Suðuroy ella Sandoy næsta ár verður við í fremstu røð. Harvið verður ytsti fótbóltsútjaðarin umboðaður. Norðanfjørðs kann støðan gerast tann, at níggju feløg vera úr høvuðs- staðnum og úr Eysturoy, og at hvørki Klaksvík ella Vágar fara at spæla annað enn leygardagsfótbólt. Nú fáa vit at síggja, hvussu tað verður. Eftir 6. umfar er neyðugt hjá KÍ at brúka í hvussu so er tvey umfør fyri at sleppa av niðurflytingarplássi. Sunnu- dagin fer 07 Vestur at vitja í Klaksvík, og um tað heldur ikki ta ferðina fer at eydnast KÍ at vinna, so verður neyð- ugt við fleiri umførum bara fyri at sleppa av aftasta plássinum. Í hinum endanum fer NSÍ at vitja B36, HB fer til Fuglafirðar og EB/Streymur út á Argir. Tað boðar frá spenningi, og tað verður ikki minni spennandi, tá ið B68 fer at vitja Jógvan Martin Olsen í Gøtu, og harvið fer at spæla á útivølli fyri fimtu ferð í ár. Fyrru hálvfinalurnar í steypakappingini verða mikukvøldið. Tí verða allir dystirnir í 7. umfari spældir sunnudagin. Víkingur fer mikukvøldið inn um Varma- keldueið, og EB/Streymur fer at vitja á Argjum. Høvuðsstaðurin hóttir bygdirnar Fríðin Ziskason, nevndarformaður í KÍ, sigur seg framvegis sova heilt væl um næturnar Mynd: Norðlýsið Tórður kappast við Meinhardt Í vetur bendi alt á, at Tórður Thomsen, sum annars hevur vart málið hjá NSÍ, skuldi royna seg uttan fyri føroysku landoddarnar. Tað bar við sær, at NSÍ gjørdi avtalu við Meinhardt Joensen, men nú fær hesin kapping frá Tórða Thomsen. Runavíkingurin hevur í hesum umfarinum slept útlendska dreyminum, og tá spæliloyvið enn liggur hjá NSÍ, hevur hann gjørt nýggjan sáttmála við felagið. Kanska lívlangt bann Jan Ullrich, sum eitt skifti varð roknaður sum størsta talentið innan súkkluítróttina, og sum eisini hevur vunnið Tour de France, kann nú fáa lívlangt bann frá súkkluítróttini. Sambært blaðnum, Focus, er schweisiska antidoping-nevndin í ferð við at fyrireika rættarmál, har endamálið er at banna týska Ullrich frá øllum funktiónum innan súkklingina. Hesa ferð tí hann skal hava átti sín lút í sponsku dopinggøluni, Operacion Puerto.