mikudagur 13. mai 2009síða 12

12 tíðindi Nr. 90 - 13. mai 2009 Tá Smyril hóskvøldið fór til Suðuroyar, stóðu 50 bilar eftir á bryggjuni í Havn SamferðSla Dagfinn Olsen dagfinn@sosialurin.fo Tað hendir meir enn so, serliga tá høgtíðir eru, at Smyril er ov lítil. Hós­ kvøldið stóðu 50 bilar eftir á bryggjuni, tá Smyril fór til Suðuroyar. Fólk, ið vóru við, hava harmast um, at eftir teirra tykki var ov illa stúvað, og eina hillin til bilar fekst ikki niður, tí bingjur og farma­ bilar tóku ov nógv pláss. Men hóast hendingin er óheppin, og ikki eindømi, so er ikki nógv at gera við hetta. ­ Hatta er ikki fyrstu ferð, og neyvan síðstu ferð heldur, men tað er soleiðis, at frakt og farmur hevur fyrsta rætt. Tað stendur skrivað, og hesum treytum mugu vit arbeiða undir, sigur Conrad Gaard Joen­ sen, rakstrarleiðari á Strand­ ferðsluni, sum beinanvegin kannaði málið, tá vit fregn­ aðust. ­ Tað er so, at manningin beyð sær til at koyra bilarnar umborð í fríggjamorgun, og fáa teir suður, um fólkini komu suður hóskvøld. Og manningin koyrdi eini 20 bilar umborð í fríggja­ morgunin, og hetta er bert ein eyka tænasta, sigur Con­ rad G. Joensen. ­ Tað hendir, at fólk standa í bíðirøð í langa tíð, men mugu síggja farmabilar fara framum, og so sleppa tey at enda ikki við. Sama er galdandi á leiðini um Skopunarfjørð. Men hesum treytunum arbeiða vit undir, og skulu broytingar gerast, so má Vinnumálráðið uppí, sigur rakstrarleiðarin, sum leggur afturat, at tey á SSL hava arbeitt við ymsum ætlanum viðvíkjandi farmi, men at onki enn er ítøki­ ligt. Vagn Foldbo nýggjur skúlastjóri settur í Fugla­ fjarðar skúla Helena Dam á Neystabø, landsstýriskvinna, hevur sett Vagn Foldbo sum skúlastjóra í Fuglafjarðar skúla. Vagn er 39 ára gamal og hevur starvast bæði sum lærari og leiðari í fólkaskúlanum. Hann varð settur í starv sum lærari í Eiðis skúla í august 1996 og var í hes­ um starvi í tvey ár, tá hann varð settur sum skúlaleiðari í sama skúla. Vagn var fyristilærari í Eiðis skúla til 2004, tá hann fór í leiðarastarv sum aðalskrivari hjá Heimamissiónini. Skúla­ árið 2008/09 hevur Vagn verið lærari í Hornslet skúla í Jyllandi. Vagn hevur lærara­ útbúgving og hevur nomið sær eftirútbúgving í leiðslu. Hann hevur tik­ ið útbúgving í persónlig­ ari leiðslumenning, sum Mentamálaráðið hevur skipað fyri og diplom­ leiðaraútbúgving á Før­ oya Handilsskúla um­ framt onnur styttri skeið innan leiðslu. Eisini er Vagn í holt við master­ útbúgving á Århus Uni­ versiteti, har hann lesur ”master í etik og værdier i organisationer”. Harumframt hevur Vagn verið limur í nevnd­ ini í Skúlaleiðarafelag Føroya og seinni skrivari hjá felagnum. Vagn Foldbo tekur við starvinum 1. august 2009. Sluppu ikki við Smyrli Umborð á Smyrli hóskvøldið Í Grønlandi heldur Hans Enoksen fast um, at hann er landsstýrisformans­ evni hjá Siumut, nú val stendur fyri durum, men Aleqa Hammond, fyrrverandi fíggjar­ málaráðharri, sigur, at hon hevur betri hegni til at tryggja, at politikkurin hjá landsstýrinum kann halda fram Grønland Árni Joensen: arni@sosialurin.fo Hetta er ikki fyrstu ferð, at Aleqa Hammond bjóðar Hans Enoksen av. Á lands­ fundinum hjá Siumut í fjør stillaði hon upp ímóti Hans Enoksen sum floksfor­ manni, men tapti valið. Hetta er heldur ikki fyrstu ferð, at stríð ella kapping er um sessin sum formaður í landsstýrinum, tí undan valinum fyri fýra árum síð­ ani kunngjørdi Lars Emil Johansen, at hann ætlaði sær formanssessin. Men so varð ikki. Hans Enoksen sigur við grønlendska kringvarpið KNR, at í teimum broyting­ artíðum, sum Grønland er í, noyðist landsins leiðslan javnan at taka avgerðir, sum ikki fella í góða jørð allastaðni. Tí skilir hann væl, at onkur hevur hug at finnast at sær. Eisini floks­ felagar. Hann ásannar, at tað eru bólkar og ymsar áskoðanir í Siumut, men at tað er ikki annað enn í øð­ rum flokkum. ­Og so er tað okkara styrki, at so nógvir førleika­ sterkir limir taka lut í orða­ skiftinum, sigur Hans Enok­ sen, sum samstundis kann vísa á, at floksleiðslan í Siu­ mut hevur ikki sett spurnar­ tekin við hansara formans­ starv. Veljararnir vilja tað Hóast hon fekk umleið 200 atkvøður færri enn Hans Enoksen á formansvalinum í Siumut í fjør, heldur Aleqa Hammond ikki, at allar súður eru syftar, og hon er sannførd um, at hon er bet­ ur egnað enn formaðurin til at standa á odda fyri eina­ rum miðvísum politikki. Í hesum sambandi vísir hon til eina meiningakanning herfyri, sum vísti, at fleiri veljarar vilja hava hana til formann í landsstýrinum. Í fjør fór Aleqa Hammond úr starvinum sum lands­ stýrismaður í fíggjarmálum, tí hon fekk ikki undirtøku fyri sínum búskaparpoli­ tikki. Í dag sigur hon, at tíð­ in hevur víst, at hon hevði rætt tá, og at tað hevur sannført hana um, hvussu umráðandi tað er hjá einum landsstýri at halda ta settu kósina. Eins og Hans Enok­ sen heldur hon tað vera eina styrki fyri flokkin, at fleiri eru um boðið. ­Tað vísir styrki, at flokk­ urin hevur fleiri, sum eru til reiðar at taka róðrið, um høvið býðst. Vit eru samd um tey grundleggjandi mál­ ini, men eg havi valt at bjóða meg fram, tí ein mein­ ingakanning hevur víst, at fólk vilja hava meg, sigur hon við KNR. Aleqa Hammond bjóðar Hans Enoksen av Hans Enoksen heldur seg hava røkt formansstarvið í landsstýri­ num so mikið væl, at hann eigur at halda fram (Mynd: KNR) Hóast hon tapti formansvalið í Siumut í fjør, bjóðar Aleqa Hammond formanninum av eina ferð enn (Mynd: KNR) Ósemja um fiskaútflutning Nýggja stjórnin í Íslandi hevur sett sær fyri at fremja tiltøk, sum skulu forða fyri, at ov nógvur fiskur fer óviðgjørdur av landinum. Málið hjá stjórnini er, at fiskur, sum verður veiddur undir Íslandi, skal virkast í Íslandi, tí tað fer at geva fleiri arbeiðspláss. Jón Bjarnason, fiskimálaráðharri, dugir ikki at siga, hvørji tiltøk verða sett í verk, tí tað hevur stjórnin ikki avgjørt enn, sigur hann. Sævar Gunnarsson, sum er formaður í íslendska sjómannasambandinum, er ímóti tiltøkum, sum skulu avmarka møguleikarnar at selja fiskin uttanlands, tí tað merkir minni úrtøka til fiskimenninar, sigur hann við Morgunblaðið.