mánadagur 18. mai 2009síða 25

25 [ Nr. 93 - 18. mai 2009 ] Manchester United og Liverpool hava nú vunnið 18 meistaraheiti í part Fótbóltur Heri Simonsen heris@sosialurin.fo Í einum ógvuliga keðiligum dysti á heimavølli ímóti Arsenal á Old Trafford leik­ vøllinum í Manchester ley­ gardagin, eydnaðist tað Manchester United at vinna sítt triðja meistaraheiti á rað, og sítt átjanda meistara­ heiti í alt. Í mong ár hevur stóra við­ haldsfjøldin hjá Manchester United tráað eftir at javna talið av meistaraheitum hjá Liverpool. Tískil var frøin ovurstór, tá dysturin millum Manchester United og Arsenal var liðugur. Mál­ talvan vísti 0­0, og við sjey stigum frammanfyri Liver­ pool, var alt avgjørt. Dysturin var einki verdur sum undirhald, og um nakar fer at minnast henda dagin á Old Trafford, so verður tað fyri steypahandina aft­ aná dystin, har heimafjøldin kundi fegnast um, at meistaraheiti var vunnið á heimavølli. Síðani 1993 hevur tað bara hent tvær ferðir út av 11, at Man­ chester United hevur vunnið meistaraheitið í einum heimadysti á Old Trafford. Harða kappingin Eingin ivi er um, at Manchester United og Liverpool eru tey nógv best umtóktu ensku liðini, bæði í Onglandi og kring heimin. Í 1992 hevði Liverpool 18 meistaraheiti, og Man­ chester United hevði sjey. Tí hevði tað sera stóran týdning fyri Liverpool­við­ haldsfólk at steðga sigurs­ gongdini hjá Manchester United, fyri at kunna vera mest vinnandi liðið í Ong­ landi. Liverpool gav eisini Manchester United ein skarpan gang hetta kapp­ ingarárið, og vann Liver­ pool báðar dystirnar ímóti Manchester United í hesum kappingarárinum. 2­1 á Anfield Road og 4­1 á Old Trafford. Liverpool mundi fingið United úr fatninginum, aft­ aná 4­1 sigurin á útivølli. United tapti 2­0 ímóti Ful­ ham beint aftaná, og tá tevj­ aði Liverpool blóð. United kom fyri seg aftur við einum 3­2 sigri á heimavølli ímóti Aston Villa, tá tann blaðungi Fede­ ricio Maceda skeyt eitt sigursmál, sum heimafjøldin seint fer at gloyma. United byrjaði tá aftur at vinna sínar dystir, men Liverpool hevur pressað United við at vinna sínar dystir. Men ley­ gardagin var seinasti møgu­ leikin hjá Liverpool rokin. Liðini eru jøvn í meist­ araheitum, men Liverpool hevur enn betri hagtøl, tá tað kemur til at vinna euro­ peisku meistarakappingina, Champions League. Liver­ pool hevur vunnið kapp­ ingina fimm ferðir, meðan United hevur vunnið kapp­ ingina tríggjar ferðir. United fær tó høvið at vinna Champions League á fjórða sinni, tá teir spæla finalu ímóti FC Barcelona á olympiska leikvøllinum í Róm, mikukvøldið 27. mai. Tá talan er um sigrar í FA Cup steypakappingini, er talan um 11 sigrar til United, og sjey sigrar til Liverpool. Liverpool hevur hinvegin vunnið Liga Cup kappingina sjey ferðir, meðan United bert hevur vunnið ta kappingina tríggj­ ar ferðir. Ferguson og Giggs Ein skoti og ein walisi eru ímyndin av avrikslistanum hjá Manchester United, báðumegin aldarskiftið. Seinasta meistaraheitið, er nummar 11 hjá venjaranum, Sir Alex Ferguson, og somu­ leiðis meistaraheiti nummar 11 hjá Ryan Giggs. United hevði ikki meir enn fingið steypið í hond­ ina, so meldaði Alex Fergu­ son út, at hann ætlar at vinna tað fjórða meistara­ heiti á rað. Tað hevur einki enskt lið gjørt í søguni. Manchester United, Liver­ pool, Arsenal og Hudders­ field eru einastu feløgini, sum hava vunnið meistara­ heiti tríggjar ferðir á rað. 35 ára gamli Ryan Giggs tekur enn eitt tørn fyri Manchester United. Gamli vongurin er vorðin umskúl­ aður til at spæla meir sen­ tralt, og sigast má, at waliski bóltsnillingurin, sum vitjaði Føroyar við walisiska lands­ liðnum afturi í 1993, hevur fingið sín annan ungdóm, sum fótbóltspælari. Giggs eigur nú eisini metið, sum spælarin sum hevur spælt flest dystir fyri Manchester United. Starvsfelagarnir í ensku liguni valdu eisini Ryan Giggs til ársins spæl­ ara. Mong tulkaðu tað, sum eitt herðaklapp fyri eina ótrúliga yrkisleið. Nú bíðar Champions League finalan ímóti Barce­ lona, og sjálvt um United hevur vunnið bæði Premier League, Liga Cup og HM fyri felagslið, so verður Sir Alex Ferguson ikki nøgdur, um ikki europeiska meistaraheiti eisini kemur í hús. Skotin er harður og rættvísur, men eisini krevj­ andi. Sir Alex hevur nú vunnið 33 heiti við United, sum er eitt met, ið neyvan verður tikið. Aftur stórtap til Frem Frem var í gjár á vitjan í Roskilde, og gjørdist talan um ein 4­1 sigur til Roskilde. Støðan í hálvleikinum var 2­1 til Roskilde. Casper Grønn Larsen skoraði málið hjá Frem. Jeppe Kjær gjørdist stóra hetjan hjá Roskilde í dag. Hann skeyt eitt reint hattrick. Talan er um triðja stórtapið á rað hjá Frem. Í seinastu viku tapti Frem 0­3 ímóti AB, og næstsíðsta vikuskiftið tapti Frem 0­3 ímóti Herfølge. Frem liggur sum nummar 12 í næstbestu donsku fótbóltsdeildini við 28 stigum fyri 23 dystir. Ancelotti til Chelsea Sambært italska Gazzetta dello Sport verður Carlo Ancelotti tann 30. mai settur í starv sum nýggjur venjari hjá Chelsea. Ancelotti er í løtuni venjari hjá Milan, og sambært blaðnum er semja gjørd um, at italska ligan skal spælast liðugt, áðrenn nakað verður almannakunngjørt. Carlo Ancelotti, sum sjálvur spældi við Milan sum spælari, hevur verið venjari hjá Milan í sjey ár. Seinasta vónin hjá WBA brast West Bromwich má enn ein túr niður í næstbestu deildina Fótbóltur Heri Simonsen heris@sosialurin.fo Tað var tvingandi neyð­ ugt hjá Birmingham­lið­ num, West Bromwich Albion at vinna á Liverpool á heimavølli ígjár, fyri at kunna halda lív í seinastu vónini, fyri at yvirliva í Premier Lea­ gue. Men dýr mistøk í verjuni forkomu møgu­ leikanum. West Bromwich byrj­ aði annars dystin væl, men tá ein hálvur tími var farin av dystinum, byrjaði at ganga galið hjá West Bromwich. Í einari støðu, sum tyktist vandaleys megnaði West Bromwich­verjuspælar­ in, Shelton Martis at spæla sær av við bóltin. Steven Gerrard var sum ein heykur yvir honum. Liðskiparin hjá Liverpool setti beina kós ímóti mál­ inum, og hann skoraði hegnisliga við at lobba bóltin upp um málverjan hjá West Bromwich og í mál til 1­0. Kenna túrin Tá ein góður tími var farin av dystinum slapp Dirk Kuyt rættiliga ótarn­ aður at koma sær í eina góða støðu, har hann meddaði til, so bólturin sat í málinum við nærm­ astu stongina. Heimaliðið megnaði ikki at koma aftur í dyst­ in, og má West Brom­ wich enn ein túr niður í næstbestu deildina. Liðið úr The Midlands kennir túrin. Liðið flutti upp úr næstbestu deildini í fjør, og hava teir roynt túr­ in nakrar ferðir. Tríggjar ferðir í hesi øldini, er liðið sent niður aftur í næstbestu deildina The Champion­ ship. Liðið flutti upp í Premier League, bæði í 2002 og í 2004. Premier League vunnin tapt mál- dystir v - j - t mál mál munur stig 1 Man Utd 37 27 - 6 - 4 67 24 43 87 2 Liverpool 37 24 - 11 - 2 74 26 48 83 3 Chelsea 37 24 - 8 - 5 65 22 43 80 4 Arsenal 37 19 - 12 - 6 64 36 28 69 5 Everton 37 16 - 12 - 9 53 37 16 60 6 Aston Villa 37 16 - 11 - 10 53 48 5 59 7 Fulham 37 14 - 11 - 12 39 32 7 53 8 Tottenham 37 14 - 9 - 14 44 42 2 51 9 West Ham 37 13 - 9 - 15 40 44 -4 48 10 Man City 37 14 - 5 - 18 57 50 7 47 11 Stoke 37 12 - 9 - 16 37 51 -14 45 12 Wigan 37 11 - 9 - 17 33 45 -12 42 13 Bolton 37 11 - 8 - 18 41 52 -11 41 14 Blackburn 37 10 - 10 - 17 40 60 -20 40 15 Portsmouth 36 9 - 11 - 16 35 55 -20 38 16 Sunderland 36 9 - 9 - 18 31 48 -17 36 17 Hull 37 8 - 11 - 18 39 63 -24 35 18 Newcastle 37 7 - 13 - 17 40 58 -18 34 19 Middlesbr. 37 7 - 11 - 19 27 55 -28 32 20 WBA 37 8 - 7 - 22 36 67 -31 31 Premier League, úrslit Leygardagin Manchester United-Arsenal 0-0 Middlesbrough-Aston Villa 1-1 Newcastle-Fulham 0-1 Stoke City-Wigan 2-0 Tottenham-Manchester City 2-1 Bolton-Hull 1-1 Everton-West Ham 3-1 Sunnudagin WBA-Liverpool 0-2 Chelsea-Blackburn 2-0 Mánadagin Portsmouth-Sunderland Manchester United endurvann meistara- heitið Fyri 18. ferð er Manchester United enskur meistari. Talið er serstakt, tí við hesum er Liverpool ikki longur einsamalt á listanum yvir mest vinnandi liðini í enskari fótbóltssøgu Mynd: Polfoto/AP