fríggjadagur 22. mai 2009síða 27

Nr. 96 - 22. mai 2009 27 SAMBAND jákup Mørk jAkup@SoSiAluriN.fo tlf. 341800 ítróttur Eftir dystin í Klaksvík í gjár gav venjarin hjá EB/Streymi, Sig­ fríður Clementsen, ilt av sær í beinleiðis útvarpssamrøðu á Rás 2 og fanst at dómaranum í dyst­ inum í Klaksvík, Petur Reinert. Nú kann Sigfríður helst vænta sær eina ella aðra revsing frá Kapp­ ingarnevndini, sum hevur hoyrt tað, sum var sagt í samrøðuni eftir dystin FÓTBÓLTUR Hilmar Jan Hansen einslistir@kallnet.fo Tað kemur meiri enn so fyri, at menn kunnu vera heitir, tá teir beint eftir ein dyst skulu úttala seg, men tað er meira sjáldan, at ein venjari tekur munnin so full­ an, sum venjarin hjá EB/­ Streymi, Sigfríður Clement­ sen, gjørdi tað í beinleiðis útvarpssamrøðu á Rás 2 eftir 0­0 dystin ímóti KÍ í Klaksvík í gjár. – Eg føli eisini, at ein ávísur Petur Reinert er ófati­ liga óheppin í einum trim­ um støðum. Eg vil ikki siga fanansaktigur, men tað er tætt við, vóru orðini hjá Sig­ fríði Clementsen, sum løtu seinni segði soleiðis: – Nú segði eg ikki, at Petur Reinert hevði skyldina, men eg sigi bara tað, at í vissum støðum er eitt brotsspark eitt øgiliga týdningarmikið ting, og tað vísir seg, at hann torir ikki at døma tey, og tað er eitt sindur ergriligt. Bartal sum fordømi Hóast orðini óivað eru fall­ in í sinnismuni og í hitanum, sum kann vera til staðar, tá ein dystur úrslitaliga ikki hevur lagað seg eftir vild, bendir nógv á, at Sigfríður Clementsen nú kann vænta sær eina ella aðra revsing frá Kappingarnevndini. – Vit hava hoyrt tað, sum er blivið sagt, og mugu so taka støðu til, um tað fær avleiðingar, sigur formað­ urin í Kappingarnevndini, Sveinur Tróndarson, ið annars ikki vil gera aðrar viðmerkingar til málið. Bara tað, at Kappingar­ nevndin hevur fingið við, hvat er sagt, er næstan nóg mikið til at staðfesta, at mál­ ið verður tikið upp á fundi í Kappingarnevndini, tí for­ dømi er um, at revsing er givin, tá onkur hevur verið í so opinskáraður, at tað kann koma undir tað, ið kallast »Óhøviskur atburður/­mál­ burður í sambandi við dyst og venjing«. Tað kostaði Bartali Elia­ sen karantenu í tveir dystar­ dagar, at hann eftir dyst millum NSÍ og ÍF í Runavík tann 30. apríl í fjør úttalaði seg um dómaran í dystinum í samrøðu við Kringvarpið, so tí er ikki óhugsandi, at Sigfríður Clementsen nú eisini kann renna seg í eina karantenu í tveir dagar. Helst skjót avgerð Sambært eitt rundskriv frá Kappingarnevndini í 2007 er lagt upp til, at »leikarar, venjarar, leiðarar og onnur, sum í sambandi við dyst ella venjing, vísa óhøviskan atburð mótvegis leikarum, leiðarum, venjarum, dómar­ um, áskoðarum ella øðrum, skulu vanliga hava leikbann 1­3 dystir, um tað ikki er grundarlag fyri enn longri banni«. Um so er, at Kappingar­ nevndin kemur til ta nið­ urstøðu, at Sigfríður Clem­ entsen onkursvegna skal revsast fyri tað, hann segði eftir dystin í Klaksvík í gjár, er talan um eina revsing, sum er endalig og ikki kann kærast til Aganevndina. Nú tætt er millum dystir­ nar í føroysku kappingini, er hugsandi, at Kappingar­ nevndin tekur málið upp sum skjótast, helst í dag ella í morgin, og somuleiðis kemur við einum skjótum úrskurði. Nógv bendir á, at venjarin hjá EB/Streymi, Sigfríður Clementsen, kann vænta sær revsing, tí hann eftir dystin ímóti KÍ í Klaksvík í gjár úttalaði seg í so opinskárað um Petur Reinert, dómara Mynd: Hilmar Jan Hansen/Einslistir Sigfríður Clementsen kann fáa tveir dagar Men saman við 07 Vestur og ÍF tykist KÍ framvegis at vera favorittur til niðurflyting, meðan HB, sum sunnudagin fær vitjan av klaks­ víkingum, saman við NSÍ er FM favorittur FÓTBÓLTUR Jákup Mørk jakup@sosialurin.fo Tað er stutt millum umfør­ ini, og í løtuni dragnar mill­ um tey í toppinum og so hini. Átta umfør eru løgd afturum, og harvið hava 24 stig verið upp á spæl. Toppliðini eru HB við 19 og NSÍ við 17 stigum, og avrikini og úrslitini síðstu ferðirnar boða frá, at hesi bæði í løtuni eru bestu boðini upp á gull­ krónurnar. Felags fyri bæði er, at tey síðstu dagarnar hava vunnið tvær ferðir á útivølli. HB í Fuglafirði og Sørvági og NSÍ í Gundadali ímóti B36 og í Fuglafirði. Tvey onnur hava vunnið góða úrtøku bæði sunnu­ dagin og í gjár. Tey eru Víkingur og B68, sum í innanhýsis uppgerð sunnu­ dagin spældu 3­3, og sum í gjár bæði vunnu á úti­ vølli. Tað liðið, sum í løtuni hevur torførast við at liva upp til tað, sum tað framm­ anundan var og verður roknað við, er meistaralið­ ið í Sundalagnum. Í gjár var tað triðju ferð á rað, at EB/­Streymur fór av vøll­ inum við javnleiki – 0­0 á heimavølli ímóti B36, 1­1 á Argjum og nú 0­0 í Klaksvík. Burtur úr hesum trimum umførunum hevur HB vunnið sjey stig – ella fýra meiri enn EB/­Streym­ ur, sum má metast at vera undir ikki sørt av trýsti, tá ÍF sunnudagin fer at vitja við Margáir. Meðan EB/­Streymur kendi seg at hava tapt tvey stig í Klaksvík, fjaldu klaksvíkingar ikki yvir, at teir kendu seg at hava vunn­ ið eitt stig. Sunnudagin spælir KÍ á útivølli ímóti favorittunum í HB. Eingin roknar við øðrum enn fullari úrtøku til HB, og tað ger ikki uppgávuna torførari hjá KÍ, sum talv­ an sigur hevur triði bestu verjuna. Bara verjurnar hjá HB og EB/­Streymi hava verið betri enn unga KÍ­ verjan við Jákupi Mikkel­ sen millum stólparnar! Í átta teimum fyrstu umf­ ørunum hevur KÍ vunnið fýra stig – í fýra javnleikum. Í gjár helt onkur í »Triðja hálvleiki« á Rás 2, at hetta var góður sjálvsstýrispolit­ ikkur – stig fyri stig! Kapp­ ingin sum heild er trupul hjá KÍ. Merkisvert er tað, at klaksvíkingar hava megn­ að javnleik ímóti trimum av teimum ovastu, NSÍ, Vík­ ingi og EB/­Streymi, men tapt fyri ÍF og AB og bara megnað javnleik á heima­ vølli ímóti 07 Vestur, sum eru í tyngra endanum. Sunnudagin verður fyrsti triðingurin av hesum kapp­ ingarárinum av. Enn er langt á mál, men nógv skal venda øðrvísi, enn tað nú ger, um niðurflytararnir ikki skulu finnast millum KÍ, 07 Vestur og ÍF, og um HB ella NSÍ ikki verður meistari. Víkingur, EB/­ Streymur og B68 fara iva­ leyst at mótmæla seinnu útsøgnini, meðan teir í AB og kanska eisini B36 eru fegnir um hina! KÍ-verjan er triðbest EB/Streymur er enn eitt petti frá toppinum, meðan KÍ – hóast botnstøðu – hevur triðbestu verjuna í landinum Mynd: Sofus D. Johannesen