hósdagur 1. november 2001síða 6

10 Nr. 211 - 1. november 2001 Nr. 211 - 1. november 2001 11 Tíðindi uttan úr heimi Tony Blair, forsætisráðharri skal nú royna at fáa bretar at taka undir við áhaldandi álopum á Afghanistan. Stríðið í Afghanistan minnir um stríðið í Kosovo á sinni. Eisini tá minkaði undirtøkan, tí einki sást til nakað úrslit hóast álop í vikuvís. Ein meiningakanning í bretska blaðnum Guardian vísir, at ein meiriluti av bretum vil hava amerikan- arar at gevast við bumbu- álopunum í Afghanistan. Hetta er sama gongd, sum kanningar í fleiri øðrum londum hava víst. – Har er einki eftir at bumba. Tað, sum vit nú gera, er at útvega okkum fleiri yvirgangsmenn, sigur fyrrverandi bretski verju- málaráðharrin, Peter Kil- foyle. Tony Blair, sum hevur staðið undir liðini á George W. Bush, forseta í stríðnum ímóti altjóða yvirgangi, hevur longu gjørt av at royna at venda gongdini og at vekja stríðshugin hjá bretum aftur. – Tað er umráðandi, at vit ikki gloyma, hví vit gera, sum vit gera, segði Blair í gjár. Varðveita samanhaldið Kanningin í Guardian vísir, at 62 prosent halda tað vera rætt at nýta hermegi ímóti yvirganginum. Fyri einum mánað síðani søgdu 74 prosent av teimum spurdu tað sama. Men meirilutin er fyri at steðga bumbingun- um. 54 prosent siga, at bumbuálopini eiga at steðga nú. Í Bretlandi eins og aðra- staðni eru fólk vorðin ávirkað av sjónvarpsmynd- um, sum vísa, at amerik- anskar bumbur hava rakt eitt sjúkrahús, tvær goymslur hjá Reyða Krossi og fleiri íbúðarhús. Sam- stundis hava fólk fingið varhugan av, at tílíkt kann gera tað trupult hjá USA og Bretlandi at varðveita sam- anhaldið ímóti yvirgangin- um. Tony Blair hevur líka frá fyrsta degi lagt stóran dent á samanhaldið millum lond úr øllum heiminum, og hann ætlar sær í hvussu er at varðveita samanhaldið millum bretar ímóti yvir- gangi og fyri krígnum í Afghanistan. Men tað kann gerast trupult, tí hansara egnu ráð- harrar hava ikki økt undir- tøkuna fyri framhaldi bumbuálopum. Geoff Hoon, verjumálaráðharri hevur sagt, at Taliban fer í hvussu er at standa ímóti álopunum til nýggjárs, og Jack Straw, uttanríkisráð- harri hevur sagt, at bardag- in ímóti bin Laden og Tali- ban kann fara at standa við í óásetta tíð. (Fartekst) Stríðshugurin í Bretlandi minkar Russisku kanningarliðini hava funnið teir svørtu kassarnar í kavbátinum. Men størri áhuga hevur tað vakt, at kanningarliðini eisini hava funnið eina løgna rivu í aðrari síðuni á kavbátinum. Russisku bløðini Isvestija og Rossis- kaja Gazeta skrivaðu í gjár, at rivan er løtt at fáa eyga á, og at hon er nakað aftan fyri bakkan. Russiski herflotin hevur ikki viljað gjørt nakrar við- merkingar til tíðindini um rivuna, men keldur siga við tey bæði bløðini, at rivan er neyvan komin, tá »Kursk« bar við botnin. Lagt verður afturat, at rivan kann vera úrslitið av einum saman- stoyti millum kavbátin og eitt annað far. Blaðið Isvestija skrivar, at »Kursk« kann hava fing- ið rivuna av stabilisatorun- um á einum fremmandum kavbáti. Blaðið vísir sam- stundis á, at eitt hol er sag- að ígjøgnum skrokkin tætt við rivuna, og tað prógvar, at hesin parturin av kavbát- inum varð kannaður, tá kavarar vóru niðri hjá »Kursk« seinasta heyst. Russiski herflotin hevur fyrr sagt, at tað kunnu vera tríggjar frágreiðingar, hví kavbáturin sakk í Barents- havinum. Samanstoytur við annað far er ein av teimum trimum frágreiðingunum. (Fartekst) Løgin riva á »Kursk« C M Y K 11 10