fríggjadagur 22. mai 2009síða 34

34 [ Nr. 96 - 22. mai 2009 ] Fýra dystir í níggj­ unda umfari verða spældir sunnudag­ in og tann fimti mánadagin. Tá teir eru av, er fyrsti triðingurin av kapp­ ingini í Vodafone­ deildini avgreiddur FÓTBÓLTUR Hilmar Jan Hansen einslistir@kallnet.fo Hóast mong munnu halda, at tíðin er flogin avstað, nú fyrsti triðingurin av lands­ kappingini skjótt er lagdur aftur um bak, so er enn nógv eftir at spæla um. Und­ an dystunum í níggjunda umfari er framvegis høvi hjá øllum at fáa fullan posa, um væl hepnast í restini av kappingini, tí spælast skulu 19 dystir aftrat – og teoret­ iski møguleikin hjá øllum er at fáa 57 stig aftrat! Tá teir fýra dystirnir sunnudagin og tann eini mánadagin eru spældir, fara fleiri óivað at gera upp, hvussu hilnast hevur, tí tá hava øll spælt eina ferð ímóti øllum. Og hóast nógv kann henda, so gevur fyrsti triðingur av kappingini ofta eina rættiliga góða ábending á, hvussu tað fer at síggja út, tá alt er liðugt í heyst. HB-KÍ Hóast talan er um gamla klassikaran í Gundadali sunnudagin millum HB og KÍ, eru fortreytirnar undan dystinum sera ymiskar. HB er oddalið og KÍ botnlið, men hjá báðum ræður um at fáa stig. Eingin ivi er um, at her er HB stórfavorittur, og megnar KÍ at fáa enn ein javnleik, er tað mestsum at rokna fyri eitt bragd. EB/Streymur-ÍF Ikki hevur tað lagað seg hjá greipuvinnarunum, sum sunnudagin taka ímóti ÍF við Margáir. EB/Streymur er sjey stig frá toppinum, men hevur her dyst ímóti einum svongum ÍF­liði, sum tvær ferðir upp í slag hevur tapt heima. EB/ Streymur er favorittur, men heldur ikki meira enn tað, tí ÍF kann bíta frá sær. NSÍ-AB Talan hevur verið um eina sera góða byrjan hjá runavíkingum, men tað hevur ikki verið á heimavølli, at eydnan hevur verið við. Liðið hevur vunnið allar útidystirnar, men bert vunnið ein heimadyst. NSÍ man tó fara at leggja meira fyri, nú AB sunnudagin kemur á vitjan sum eitt slag av »underdog«, ið tó ikki skal forsmáast. B68-07 Vestur Toftamenn hava í síðstu dystunum víst styrki, og nógv bendir á, at B68 er við at fóta sær aftur í bestu mansdeildini. Ikki minst var sigurin á B36 sann­ førandi, so tí er B68 greiður favorittur, nú 07 Vestur, sum liggur niðan fyri niður­ flytingarstrikuna, vitjar. Heima eru vágamenn betri enn á útivølli, so tí er B68 greiður favorittur sunnu­ dagin. Víkingur-B36 Hóast dysturin millum Víking og B36 ikki er fyrr enn mánakvøldið, er lítið at ivast í, at bæði lið fara at fylgja sera væl við, hvat hendir í hinum dystunum. Víkingur sær út til at vera komið í gongd, meðan B36 er steðgað upp, so tí talar alt fyri einum heimasigri mánakvøldið. Fyrsti triðingurin skjótt avgreiddur AaB hevði heldur ikki eydnuna við sær hesa ferð, tí fyri sjeyndu ferð í 22 ár taptu norðurjútlendingarnir eina steypafinalu FÓTBÓLTUR Heri Simonsen heris@sosialurin.fo Tað er ikki eydnan hjá norðurjútska stórfelagnum, AaB, at koma í donsku steypafinaluna. Síðani 1987 hevur AaB verið í sjey steypafinalum, og hevur liðið tapt allar sjey finalur­ nar. Søguliga hevur liðið verið í 12 donskum steypafinalum, og bert tvær eru vunnar. Seinast AaB vann donsku steypakapp­ ingina, var afturi í 1970, tá teir vunnu 2­1 á Lyngby í finaluni. Verjumistak Tað kom bert eitt mál í steypafinaluni millum FC Keypmannahavn og AaB, sum var spældur í Parkini í gjár. Tað málið fall til FC Keypmannahavn, sum so­ statt á fjórða sinni kann rópa seg danskan steypavinnara. AaB tapti steypafinaluna orsaka av einum verjumis­ taki hjá Andreas Johanson, tá hálvur tími var farin av dystinum. Hann misti bóltin uttan fyri egnan brotsteig til Zdenek Pospech, sum gjørdi skjótt av. Hann fann uttan trupuleikar William Kvist, sum skjeyt eitt gott skot, ið sat innanfyri nærmastu stong til 1­0, og tann leiðslan helt sær til dystarenda. Andreas Johanson var sera vónbrotin aftaná dystin: – Vanliga geri eg ikki slík mistøk, tað átti eg at verið ov rutineraður til, og eri eg sera vónbrotin. Vit megnaðu tíverri ikki at gera skaðan góðan aftur í hinum endanum av vøllinum, segði hann. AaB stríddist AaB stríddist væl í dystinum, og liðið vísti ein góðan vilja, men kom ikki til nógvar málmøguleikar. Jamaikanski áleyparin, Luton Shelton hevði ein stóran málmøguleika í fyrra hálvleiki. Tað eydnaðist at lobba bóltin upp um FCK­ málverjan, Jesper Christ­ iansen, men ólukkutíð fyri AaB, so fór bólturin eisini upp um málið. Annars spældi AaB seg ikki til nógvar opnar málmøgu­ leikar. Nú má AaB vóna, at FCK gerst danskur meistari, tí tað er einasti háttur, at felagið kann sleppa við í Europa League, sum er nýggja kappingin, ið kemur ístaðin fyri UEFA Cup. Gerst FCK meistari, so sleppur AaB í Europa League, sum steypavinnari. AaB hevði annars eina sera góða Champions League og UEFA Cup kapping í hesum kapping­ arárinum, har teir spældu seg í 1/8 finaluna í UEFA Cup kappingini. FCK danskur steypavinnari Dystur/ár 2004 2003 2002 2001 2000 1999 v-j-t mál HB-KÍ 0-1 - 1-1 3-1 5-1 - 2-1 - 1-1 3-2 4-1 1-2 1-0 1-2 6-2-3 22-13 EB/S-ÍF 0-1 3-2 - - - - 1-1 2-2 7-0 - - - - - 2-2-1 13-6 NSÍ-AB - - 2-1 2-1 - - - - - - - - - - 2-0-0 4-1 B68-07 Vestur **) - - - - - - - - - 0-1 - 5-1 2-0 - 2-0-1 7-2 Víkingur *)-B36 1-2 - 0-1 0-3 1-2 - 1-2 - 0-3 1-4 2-2 3-1 1-0 2-1 3-1-7 3-9 *) Fram til og við 2007 eru hagtølini hjá GÍ nýtt **) Fram til og við 2008 eru hagtølini hjá FS Vágum nýtt 2008 2007 2006 2005 Soleiðis plagar at ganga Á talvuni sæst, hvussu tað hevur gingist, tá mótstøðuliðini sunnudagin og mánadagin hava dystast í tilsvarandi uppgerðum síðstu 10 árini. HB og KÍ hava spælt mangan klassikara sínamillum, men hesa ferð eru fortreytirnar sera nógv øðrvísi, enn tær plagdu at vera, tí liðini eru í hvør sínum enda á stigatalvuni Savnsmynd: Hilmar Jan Hansen/Einslistir Agger vil ikki rýma úr Liverpool Daniel Agger hevur gjørt nýggjan fýra ára sáttmála við Liverpool, og hóast stórfeløg í Spania og Italia vildu hava danska verjuspælaran, valdi hann at halda fram í Liverpool. – Tað hevði verið eitt mistak av mær, um eg rýmdi úr Liverpool. Vit byggja nakað stórt upp, og eg vil gjarna vera partur av tí, sigur Daniel Agger. Djemba-Djemba vil víðari Fyrrverandi Manchester United spælarin Eric Djemba­ Djemba hevur seinasta árið spælt fyri OB í Danmark. Har hevur tað gingið væl hjá Djemba­Djemba, og nú er spælarin til reiðar at flyta til eitt størri land at spæla. – Eg veit um áhuga frá fleiri feløgum, og um eitt felag frá einari sterkari europeiskari kapping kann semjast við OB, so eri eg til reiðar at skifta fyri at vísa mínar dygdir, sigur Djemba­Djemba.