týsdagur 26. mai 2009síða 34

Lýsingartilfar Nr. 97 • 25. mai 2009 2 Næst eftir París og London hevur Reykjavík í drúgt áramál verið roknaður sum fremsti mótabýurin í Europa. Í dag hevur búskaparkreppan hevur sent íslendsku keypiorkuna niður í helvt, og tí er fólkastrey- murin á gongugøtuni ella við stóru keypsmiðstøðirnar ikki tann sami, sum hann hevur verið. Men skuldi nakar verið í iva, so er úrvalið fram- vegis bæði breitt og gott. Fyrst og fremst er tað nevnliga kend útlendsk merki og íslendskar designaravørur, sum prýða hand- ilsgluggarnar. Hvat teimum útlendsku viðvíkur, so er ikki tann heilt stóri peningurin at spara - sammett við føroyska prísleguna. So tó at mvg-afturbering og umhugsni við kursinum kann spara nakað, so er úrvalið og mótin væl tað, sum er berandi elementið í hesum. Hinvegin kunnu mongu íslendsku design-vørurnar í dag keypast fyri ein sera rímiligan pening. Fittur partur av kostnaðinum fyri hesar er jú arbeiðsløn, og tá hendan stendur í stað, hóast ógvusligu kurslækkin- gina, hevur hetta sera lokkandi prísir við sær. Bæði innan klædnavørur og prýðislutir, sum eru tvey øki, har fleiri íslendskir sniðgevar hava gjørt ræt- tiliga nógv vart við seg seinnu árini. Tá keypast skal inn, eru tað fyrst og fremst trý mið, sum draga. Laugavegurin er stóra hand- ilsgøtan í Reykjavík. Er veðrið til vildar, er talan um framúr hugnaligar umstøður til tey keypandi. Og skulu beinini hvílast eru eisini nógv høvi til hetta. Bæði á sjálvum Laugarveg- num, men ikki minst á mongu café’unum, sum liggja á síðugøtum til høvuðsgøtuna. Og so ikki at gloyma hugnaliga matstovuumh- vørvið oman móti havnarlagnum, har handilsgøtan endar. Og so eru tað eisini tær báðar stóru handilsmiðstøðirnar í býnum. Kringlan, sum varð bygd í 1989, var í fleiri ár stóri stoltleikin hjá handilsfólkinum í býnum. Við tilsamans 107 handlum – matsto- vurnar íroknaðar – er talan eisini um keypsmiðstøð, sum rúmar tí mesta. Og við plaseringini nær miðbýnum ber væl til at spáka sær úr býnum og til miðstøðina. Hin stóra handilsmiðstøðin er Smáralind í Kópavági. Tó at Kópavágur er mest sum fastbygdur í Reykjavík, so er talan um dekan ov langan gongutúr hjá teimum flestu, men til ber at koyra við bæði taxa og bussum, og heldur ikki er nakar trupulleiki at finna fram í leigubili. Ikki minst tí velduga Føroya-tornið hjá Jákupi á Dul Jacobsen stendur beint undir liðini á Smáralind. Í vavi er Smáralind upp aftur meira rúgvusmikil enn Kringlan, og hartil eru bæði ein risastórur leikuhandil og størsta deildin hjá Rúmfata- lagurinn (Jysk sengetøj) eisini mest sum fastbygd í stóru miðstøðina. Búskapurin er ikki eins sterkur, sum hann hevur verið. Men íslendingar ganga framvegis í oddinum, tá um móta ræður Við 107 ymsum handlum ber væl til at nýta heilar dagar, um shopping-túrurin í Reykjavík gongur til Kringluna Ísland Jákup Mørk jakup@sosialurin.fo Smáralind í Kópavági er í dag størsta keyps- miðstøðin í Íslandi. Og tó at hon liggur nakað frá sjálvum miðbýnum, er bæði skjótt og ómaks- leyst at leita sær til Kópavág Framvegis fremstir í móta