mikudagur 27. mai 2009síða 30

30 Nr. 99 - 27. mai 2009 SAMBAND jákup mørk jakup@sosialurin.fo tlf. 341800 ítróttur Bráðfeingis loysn­ ina upp á málmans­ trupulleikan, nú Heðin Stenberg er skaddur, fann AB í Runavík. Leiguavtala er gjørd við NSÍ um, at AB fram til summarsteðgin skal hava Tórð Thom­sen sum aftasta skansa í steypa- og lands­ kapp­ingini, nú Heðin Stenberg er úti við skaða FÓTBÓLTUR Hilmar Jan Hansen einslistir@kallnet.fo Tá AB var og vitjaði í Runavík sunnudagin og vann 1-0 á NSÍ, var talan tó ikki um ein sigur uttan skeinur, tí ímóti dystarenda var málverjin, Heðin Sten­ berg, so óheppin í einum samanstoyti, at knæskelin fór úr lið. Hann var borin av vølli og beinanvegin koyrd­ur suður á Lands­ sjúkrahúsið. Av tí at AB hevði gjørt allar sínar skiftingar, mátti framherjin, Thomas Hans Rubeksen, fara í mál­mans­ troyggju og handskar, og hann vardi málið so mikið væl, at tað ikki eydnaðist NSÍ fáa mál, hóast 11 minuttir vóru lagdir aftrat, áðrenn dysturin var bríksl­ aður av. Tað var tó greitt, at Thom­ as Hans ikki var nøkur varandi loysn í málinum, og beinanvegin eftir dystin byrjaði arbeiðið at finna ein málmann, sum kundi verja málið fram til summar­ steðgin, tá Heðin Stenberg væntandi er klárur aftur. Nú er so greitt, at eins væl og skaðin hendi í Runavík, so var tað eisini har, hjálpin var at heinta, tí í gjárkvøldið kom ein loysn upp á pláss, so tað verður NSÍ-málverjin, Tórður Thomsen, ið skal vera aft­ asti skansi hjá argja­monnum næstu vikurnar. Hann var eisini í 2007 leigaður út til AB, men ta ferðina bara til tann eina dystin. Gott at koma í gongd Tórður Thomsen stendur sostatt í málinum í annað­ kvøld, tá AB í Streymnesi spælir seinnu hálvfinaluna í steypakappingini ímóti EB/Streymi, og annars verður talan um fimm dystir í Vodafonedeildini, til summarsteðgur er um ein lítlan mánað. Sum skilst, hevur NSÍ í leigusáttmálanum tryggjað sær møguleikan at taka Tórð aftur, um NSÍ skuldi komið í ta støðu, at felagið sjálvt fær brúk fyri honum. Tórður Thomsen er fegin um, at leiguavtalan er komin í lag, tí hon gevur honum møguleika at fáa ta dystarvenjing, hann ikki annars hevur havt so nógv av í ár. – Nú gleði eg meg til at koma í gongd, og tað er bara super, at eg komi í eldin beinanvegin ímóti EB/Streymi, tí tað er fyri at fáa slíkar dystir, at tú venur og spælir, sigur Tórður, sum vardi málið hjá NSÍ alt kappingarárið í fjør, men tó ikki skrivaði undir sáttmála um hetta kappingarárið, tí hann ætlaði sær av landinum at spæla. – Eg vildi ikki skriva undir við NSÍ, hóast eg hevði ein góðan sáttmála í boði, tí eg visti, at eg ikki fór at verða verandi. Men so kom heimskreppan og einki spurdist burturúr at fara uttanlands í hesum umfarinum. Í góðum formi Fyri kortum gjørdi Tórður so eina avtalu við NSÍ fyri restina av kappingarárinum, og hann hevur eisini alla tíðina gjørt so mikið nógv við tað, at hann heldur seg vera væl fyri og í góðum formi, nú avbjóðingin á Argjum brádliga tók seg upp. – Fyrrapartar havi eg vant saman við einum ungum málmanni og so havi eg vant styrkivenjing, umframt at eg um kvøldarnar aftur havi vant við NSÍ, so eg skuldi verið væl fyri, sigur málverjin, sum tó mátti binda frið í tríggjar vikur herfyri, tí hann hevði ein liðbandsskaða í knænum. – Nú havi eg so verið til fyrstu venjingina á Argjum, og tað sær bara heilt spennandi út. Teir hava enntá ein málmansvenjara til hvørja venjing, og tað dámar mær væl. Eg havi spælt saman við fleiri av spælarunum á ungdóms­ landsliðunum, so eg kenni meg ikki so fremmandan her heldur. Tórður hjálpir argjamonnum Svimjingin ivast um Oyggjaleikir Ítróttarliga avbjóð­ingin við Oyggjaleikum verður nú vigað móti kostnað­in­ um av at senda føroysku luttakar­ arnar avstað Svimjing Jákup Mørk jakup@sosialurin.fo Leygardagin var aðal­ fundur í Svimjisamband Føroya hildin í ÍSF- húsinum. Millum annað segði Jon Hestoy, formaðurí Svimjisambandinum, soleiðis um kostnaðin av Oyggjaleika­luttøkuni. - Tað er ein stórur trupulleiki at kostnað­ urin av Oyggjaleikum er so høgur. Um Før­ oyar ynskja at vit skulu luttaka á einum stórum felags ítróttatil­faki, sum Oyggjaleikir, so átti stuðulin at verið væl hægri. Tá vit í ár skulu gjalda út við 10.000 krónur fyri hvønn luttakara, so kann ein ikki lata verða við spyrja, hvat verður so kostnaðurin um fýra ár tá Oyggjaleikir verða á Bermuda. Svimjingin er noydd at taka spurn­ ingin upp um prísurin á luttøkuni í Oyggjaleik­ um er rími­ligur í mun til ítróttaliga støðið, segði Jon Hestoy. Oyggjaleikir, HM, EJM og EM á stutthylji fella øll sama ár og leggur stórar byrður á eitt sersamband sum Svimjisambandið. Formaðurin í Svimjisambandinum ivast í, um ítróttarligu avbjóðingarnar á Oyggjaleikalum standa mát við kostnaðin Tórður Thomsen vandi í gjárkvøldið við AB, og her trokast hann og framherjin, Thomas Hans Rubeksen, sum vardi AB-málið síðstu løtuna í Runavík sunnudagin, tá Heðin Stenberg var farin út við skaða Mynd: Hilmar Jan Hansen/ Einslistir