fríggjadagur 19. juni 2009síða 25

25 [ Nr. 115 - 19. juni 2009 ] Miðlahúsið sendir sterkt til Oyggjaleikirnar at gera tilfar til Rás2, Sosialin og Portalin Oyggjaleikir Eirikur í Jákupsstovu eij@sosialurin.fo Miðlahúsið hevur mannað sítt Oyggjaleikalið, og liðið er betri mannað enn nakran­ tíð áður. Átta mans fara til Álands at framleiða tilfar til Sosialin, Portalin og Rás2, og ætlanin er av álvara at spíla seg út. ­ Oyggjaleikirnir eru ein stórhending í føroyskum ítrótti, og tí vilja vit gera okkara til, at føroyingar sleppa at uppliva allar tær spennandi løturnar á Álandi, sigur Jákup Mørk, ítróttarredaktørur í Miðla­ húsinum. Rás2 fer við til sínar fyrstu Oyggjaleikir, og út ­ varpsrásin ætlar at senda frá Oyggjaleikunum frá tíð­ liga á morgni til út á kvøldið. – Vit vilja gjarna verða við, har tað hendir, og Oyggjaleikavikuna ætla vit at senda dagin langan úr Álandi. Vit vilja gera hesa stóru ítróttarvikuna til eitt felags upplivilsi fyri allar føroyingar, sigur Jonhard Hammer, stjóri á Rás2. Fleiri miðlar Samtakið kring Miðlahúsið eigur og rekur Sosialin og Rás2, umframt tíðindapartin á portal.fo. Og allir miðlar­ nir verða við á Álandi. Fólkini, sum fara at um ­ boða Miðlahúsið á Álandi, eru Jákup Mørk, Hilmar Jan Hansen, Eyðun Klak­ stein og Heri Simonsen, sum eru tíðindamenn. Álv­ ur Haraldsen, fotografur. Alvin Ellebye Andersen og Hjalmar Hvítklett verða tøknikar, umframt at Magni Høgnesen fer at taka kyk­ myndir. Á Rás2 verða beinleiðis frásagnir, reportasjur og samrøður frá morgni til kvøld. Portalurin verður dag førdur allan dagin við tíðindum og myndum. Kyk­ myndirnar hjá Portalinum fara at hava sjónvarps inn­ sløg. Og Sosialurin tekur samanum við greinum, myndum og samrøðum. Oyggjaleikirnir verða hildnir á Álandi í døgunum frá 27. juni til 4. juli. Um leið 120 føroysk ítróttar­ fólk í 10 ymiskum ítróttar­ greinum fara at kappast á Álandi. SAMBAND jákup Mørk jAkup@SoSiAluriN.fo tlf. 341800 ítróttur – Vit vilja gjarna verða við, har tað hendir Jonhard Hammer, stjóri á Rás2 Oyggjaleika­ liðið hjá Miðla­ húsinum úttikið Oyggjaleikaliðið hjá Miðlahúsinum er til reiðar at fara til Álands. Frá vinstru: Alvin Ellebye Andersen, Heri Simonsen, Jákup Mørk, Hjalmar Hvítklett, Eyðun Klakstein, Hilmar Jan Hansen og Álvur Haraldsen Mynd: Jens Kr. Vang Miðlahúsið á Oyggjaleikunum ■ Oyggjaleikirnir verða hildnir á Álandi frá 27. juni til 4. juli ■ Rás2 sendir allan dagin beinleiðis frásagnir, samrøður og reportasjur ■ Portalurin verður dagførdur allan dagin við tíðindum, myndum og ljóðbitum ■ Kykmyndir á Portalinum fara at hava sjónvarpsinnsløg frá kappingum ■ Sosialurin tekur samanum øll avrikini við greinum, samrøðum og myndum