fríggjadagur 19. juni 2009síða 26

Barbeque 14 Marinering Kjøt, fiskur og flogfenaður, sum skal á grillina, egnar seg framúr væl at marinera. Tað fær betri smakk, verður moyrari og saftigari. Tú kanst gera marinadu burutrúr víni, vínedikki, olju, sitrónsaft, Kikkoman, øl, jogurt, hvítleyki, hunangi og kryddi. Brúka ongantíð salt í marinaduni. Smærri kjøtstykki skulu liggja í nakrar tímar. Størri kunnu liggja í fleiri samdøgur. Er kjøtstykkið stórt, mást tú gníggja marinaduna væl inn í. Tað ber eisini til at spræna marinaduna inn í kjøtið við einari sprøjtu. Munur er á rættiligari marinadu, sum skal liggja í fleiri tímar, og smakkievni, sum bara liggur eina løtu. Umráðandi er, at marinadan dekkar kjøtið heilt. Til ber at leggja alt í ein plastposa, har tú pressar luftina úr og bindur væl fyri. Er marinadan tjúkk, mást tú skera nakrar djúpar rivur í kjøtið áðrenn marineringina. Frískar freistinga Marinada Her er hugskot til marinadu. Ikki er neyðugt at fylgja uppskriftini neyvt. Brúka tað, sum tú eigur inni, og smakka teg fram. 2 fet av hvíttleyki 1 kvist av timian 1 kvist av rosmarin 6 spsk. av olju 3 spsk. tomatkonsentrat 1 tsk. merian 1 tsk. timian 1 tsk. provencekrydd 1 spsk. av Kikkoman sojasós Pressa hvíttleykin. Skola, turka og hakka frísku kryddaríini. Blanda alt saman og marinera kjøtið í nakrar tímar. Pensla eisini við marinaduni, meðan kjøtið steikir. Grillaðir fiskapakkar Balla nakað av fiski, urtum og kryddaríum í eitt petti av grillstanióli. Legg á grillina í einar 5 minuttir ella til fiskurin er stoktur. Tú kanskt til dømis leggja tosk ella laks saman við strimlum av gularrót, purru, asparges og sitrón. Krydda við fiskakryddi, timian ella rosmarin. Smakka til við salti og pipari.