týsdagur 23. juni 2009síða 37

Stóra summarkappingin hjá Sosialinum Send inn og vinn nógvar flottar vinningar Summarkappingin '09 VINN FERÐASEÐLAR Tel 34 10 00 atlantic.fo Melda teg til Club Atlantic og og fá sertilboð sendandi við telduposti Øll, sum tekna seg, eru við í lutakasti hvønn mánað um eina ferð aftur og fram á rutunetinum hjá Atlantic Airways. Melda til á: www.atlantic.fo Søgan sigur, at Stavanger Dómkirkja varð bygd í 1125, tá Sigurd Jorsala­ farari gjørdi Stavanger til bispasæti. Tað var Reinald biskuppur av Win­chester, ið hevði ábyrgdina av byggingini. Kirkjan er bygd í anglonor­ mannisk­um stíli, allarhelst av enskum handverkarum. Skjúts­ eingilin hjá kirkjuni er St Svithun, og annar armurin av honum skal vera ein av upprunaligu halgilutunum hjá kirkjuni. Í 1272 herjaði ein eldur katedralin og eftir hetta, varð eitt nýtt kór bygt í gotiskum stíli. Stavanger Dómkirkja er einasti norski katedralur frá miðøld, sum hevur varðveitt sína upprunaligu útsjónd og verið nýtt loypandi. Kirkjan er samstundis hin elsta í Noregi og hevur frá tí hon varð bygd í 1125 og fram til reformatiónina verið sæti hjá biskuppum í katólsku kirkjuni. Eftir at hava verið stýrd út Bergen nøkur ár, gjørdist kirkjan sæti fyri leiðaru í Lutheriansku kirkjuni í 1539. Í 1682 varð bispasæti flutt til Kristianshavn, men kirkjan gjørdist aftur dómkirkja hjá Norsku kirkjuni í 1925. Dómkirkjan liggur mitt fyri í Stavanger við Breiavatnet fyri sunnan og torginum og Vaagen fyri norðan. Býurin er vaksin upp kring kirkjuna, sum í dag verður roknað sum miðdepilin í Stavanger. Eitt av mest vitjaðu støðunum, sum ikki er náttúruskapt, er helst oljumuseumið. Hetta er eitt av mest kendu museuum í Noregi, og greiðir eitt nú frá norsku oljusøguni. Museumið er sermerkt, bæði í útsjónd og í innihaldi. Til ber at síggja oljuboripallar frá teimum fyrstu primitivu til teir allarnýggjastu og mest modernaðu. Talan er í nógvum førum um flótandi hotell, sum eru samanbundin við framleiðslupallar. Modell vísa, hvussu pallarnir eru festir í havbotnin við ílabandi, modell eru av oljuskipum. Ein av mest sigandi lutunum á framsýningini er ein lítil partur av einum beini av Alexander L. Kielland, boriplatformurin, sum í mars 1980 koppaði í illveðri. Tað ber illa til at ímynda sær megina, sum hevur skrætt tumma tjúkka stálið, men vanlukkan varð veruleiki fyri hetta flótandi hotellið – eitt sonevnt flotel – og tað kostaði 123 fólkum lívið. 212 fólk vóru umborð á pallforminum, og av teimum bjargaðust bert 89. Vit venda aftur til oljumuseumið í Stavanger í einum komandi blaði. Stavanger Dómkirkja Oljumuseumið Vika 25: Leiðin til London 8 síður við spenn­ andi tilfari um summar