fríggjadagur 26. juni 2009síða 14

14 OYGGJALEIKABLAÐIÐ Sosialurin 26. juni 2009 20 ára gamli Ragnar Egilsson fer í komandi viku at taka lut á Oyggjaleikum fyri fjórðu ferð. Men hóast sín unga aldur er hann ikki við fyri at læra – nú skal hann gera seg galdandi Hann er nú 20 ára gamalur. Ragnar Egilsson. Havnardrongurin, sum við tíðini er vorðin ein av okkara fremstu borðtennisleikararum. Og dugnaligu evnini eru eyðsýnd. Í komandi viku fer hann at taka lut á Oyggjaleikum fyri fjórðu ferð, hóast sín unga aldur. Og hesaferð er hann álitið. Álitið í føroyska borð­tennis­ heiminum, sum skal standa fyri besta føroyska avrikinum. Ikki lærlingur longur Føroyska borðtennislandsliðið, sum í komandi viku skal dystast við aðrar oyggjarbúgvar, er sera óróynt. Ættarliðsskifti hevur verið, og nú skulu ungu menninir av álvara royna seg. Kjartan Eli Hentze, sum hevur verið drúgvur, er givin, og royndi Thomas Rasmussen hevur valt aðrar leiðir. Miðalaldurin er tí um 18 ár, og Ragnar Egilsson verður tískil mettur sum ein av teimum royndu hesaferð. Og hann er full­greiður yvir sína støðu. - Eg eri ikki við fyri at læra longur. Undanfarin ár havi eg luttikið í royndini at menna meg. Men hesaferð skal eg gera meg galdandi. Og tað er sanniliga mín vón, at eg fari at standa meg væl. Eg havi vant sera miðvíst seinastu tíðina, og eg eri til reiðar, sigur Ragnar Egilsson. Mótstøðan, sum føroyski borð­ tenni­shópurin skal royna at syfta í komandi viku, verður alt annað enn ein avgreiðsluspurningur. Ragnar Egilsson hevur sett nøsini upp móti einum heiðursmerki, men staðfestir samstundis, at tað verður sera torført. - Vit eru í øllum førum ikki favo­ rittar. Tað er fleiri nøvn, sum eg kenni aftur frá seinast, og millum annað spæla tveir í bestu svensku deildini. Tað skal ganga okkum sera væl, um vit skulu sita í flúgvaranum aftur til Føroya við heiðursmerkjum um hálsin. Tað er neyðugt, at vit sleppa undan óneyðugum mis­ tøkum og spæla betri, enn vit upp­ runaliga eiga. Eg meti tó, at vit hava góðar møguleikar í double-kapp­ ingini. Men tað er treytað av lutakastinum og øðrum, slær Ragnar Egilsson fast. Eru væl fyri Óroyndu føroysku borðtennis­leik­ ararnir eru sera væl fyri, nú Oyggja­ leikirnir eru á breddanum. Tey hava fyrireikað seg væl, og serliga hevur Ragnar Egilsson gjørt nógv burt­ urúr. - Sjálvsagt havi fyrireikingar verið eitt sindur øðrvísi enn til aðrar kapp­ingar, tí Oyggjaleikirnir hava sera stóran týdning fyri føroyskar borðtennisleikarar. Eg meti, at hetta eru bestu fyrireikingarnar, eg havi verið við til. Norski landsliðsvenjarin og sonur hansara, sum er yrkis­ leikari, hava verið og lagt okkum lag á, og millum annað hava vit verið á venjingarlegu í Grøn­landi. Vit hava vant óteljandi tímar um vikuna, so vit kunnu ikki seta fingurin á fyrireikingarnar, sigur Ragnar Egilsson. FAKTA Hesi eru við á borðtennis­ liðnum á Oyggjaleikum Ragnar Egilsson Rói Agnarsson Fróði Jensen Hallur Thorsteinsson Sheila Strøm Rakul Mikkjalsdóttir Marin í Dali Henriette Nielsen Ættarliðsskiftið hevur verið á borðtennisliðnum, sum skal umboða Føroyar á Oyggjaleikum. Burtur eru royndir spælarar sum Kjartan Eli Hentze og Thomas Rasmussen, sum áður hava verið við at tryggja føroysk heiðursmerki í borðtennis. Hesaferð er miðalaldurin um 18 ár, og tað hevur eisini við sær, at hesaferð skulu spælararnir fyrst og fremst hugsa um at menna seg. BORÐTENNIS Egilsson er nú útbúgvin uni@sosialurin.fo Uni Holm Johannesen Prince Edward Island Prince Edward Island er kanadisk oyggj, har tað búgva 140.000 fólk. Hetta gera oynna til aðra av teimum fólkaríkastu oyggjunum, sum taka lut á Oyggjaleikum. Oyggin fekk navnið eftir Edwardi prinsi, sum livdi frá 1767 til 1820 - hann var fjórði sonur hjá George 4. Og Victoriu drotning. Málið á Prince Edward Island er enskt, og høvuðsstaðurin er Charlottetown. Rhodos Við sínum sløku 120.000 íbúgvum telist Rhodos millum størru oyggjarnar, sum taka lut á Oyggjaleikum. Rhodos hoyrir til Grikkaland, og fyri tveimum árum síðani var júst Rhodos vertur fyri Oyggjaleikunum. Tá fingu føroyingar sítt besta úrslit nakrantíð. Størsti býur á Rhodos er Dodecanese, har tað gúvar góð 50.000 fólk. Á Oyggjaleikunum seinast vann Rhodos næstfelst heiðursmerki – tey gjørdust 59 í tali, fýra fleiri enn Føroyar vunnu. - Eg eri ikki við fyri at læra longur. Undanfarin ár havi eg luttikið í royndini at menna meg. Men hesaferð skal eg gera meg galdandi