mánadagur 29. juni 2009síða 14

14 Nr. 121 - 29. juni 2009 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND magnus gunnarsson maggi@sosialurin.fo tlf 341800 fax 341801 80 ár Týsdagin 30. juni verður Solveig Paulina Steinhólm 80 ár. Dagurin verður hildin í Missiónshúsinum Tabor á Toftum millum 10 og 14. Øll eru hjartaliga væl komin. Dagurin 29. juni. Pætursøka. Tíðliga í fornkirkjuni varð 29. juni hildin til minnis um, at bæði Pætur og Paulus vórðu tiknir av døgum henda dag. (Axel Tórgarð: Dagar og nøvn í álmanakkanum, 2. broytta útgáva 2008) Tøkk Hjartaliga takka vit øllum, sum sýndu samkenslu, tá elskaði maður, pápi, verpápi og abbi okkara Erik Lund Eriksen andaðist og varð jarðaður. Takk fyri heilsanir, vitjanir, uppringingar, blómur, kransar og peningagávur til frítíðararbeiðið í Ebenezer. Takk fyri góð orð í kapellinum og í Ebenezer. Takk tit øll, sum hjálptu okkum so væl við jarðarferðini og ervinum. Guð signi tykkum øll. Gunnvør, Høgni, Maiken og Sverri Hárfríðkarar Hárfríðkarar. Fremra rað f.v.: Anna á Hædd Stampe, Hoyvík, Beinta Müller, Vestmanna, Heidi C. Nielsen, Argir, og Jóna Jacobsen, Klaksvík. Aftara rað f.v.: Marta Nolsøe Hansen, Tórshavn, Petra H. Juul Johannesen, Funningur, Petsy Norðberg, Strendur, Sólvá Ó. Johannesen, Fuglafjørður, og Súsanna D. Hentze, Tórshavn. Anny Maria Davidsen, Sandavágur, og Kitty Madsen, Kollafjørður, vanta á myndini. Myndir av hárfríðkarum og SIT-næmingum, sum hava tikið prógv á Tekniska Skúlanum í Tórshavn Myndir: Jens Kristian Vang Í morgin 30. juni verður Sol­ veig Steinhólm av Toftum 80 ár. Solveig er bóndadóttir av Regni á Toftum, dóttir til Kristian Jóhannus og Annu Malenu Højgaard. Pápin var sonur Dánjal Jákup, bónda á Regni, og Hansinu f. Petersen, ættað úr Salt­ nesi. Mamman var dóttir Líggjas Joensen við Gjógv­ ará og Kathrinu Toftegaard í Fuglafirði. Í bóndahúsunum á Regni var nógv at gera, so at ar­beiðsdagurin longu frá barni av gjørdist langur. Konu­fólkini gingu til neytar summarhálvuna yvir til Toftavatn, teirra millum í mong ár - eisini einsamøll - var Solveig. Sum ung genta arbeiddi hon mest í Oyrahandlinum á Toftum. Var á Føroya Fólkaháskúla eitt skeið, har hon í serligan mun fekk alsk til føroyska stavseting.  16. septembur 1956 gift­ ist Solveig við Sørin, f. Han­ sen, í Gerðinum á Nesi. Tey búsettust ytst á Toftum. Tey fingu 11 børn í 14 ár, so har var almikið at gera heima. Hesum arbeiði stóð Solveig fyri við góðari hjálp frá mann­inum, ið syrgdi fyri inntøku og innløgu til húsið. Har nógv eru koma nógv. Hetta er í serligan mun gald­ andi fyri heim teirra, sum altíð hevur staðið opið fyri fólki - øllum fólki.  Sangur hevur altíð fylgt nógv hjá Solveig. Frá tí at hon var smágenta til í dag hevur hon sungið í kóri. Fyrst hjá pápabeiggjanum Hans Jacob Højgaard so leingi hann hevði Tofta­ kórini. Seinni undir leiðslu av Kristin Højgaard og Mikael J. Heinesen. Síðan og samtíðis skipaði maðurin Sørin Tofta Streingjakóri við góðari hjálp frá Solveig, sum hevur sungið við øll árini líka til í dag. Kærast hevur henni verið at verið við í sangbólkinum »Tær 4« sum hevur sungið líka frá sjeytiárunum. Tær eru virknar enn.  Eftir at børnini vórð kom­ in undan, fór Solveig at ar­beiða á kontóri eina tíð og eitt skifti á Nyki. Fyri nøkrum árum síðani gjørd­ ist maðurin sjúkur og er nú á Ellisheiminum í Rúnavík. Men Solveig steðgar ikki upp enn. Hon ferðast nógv til børnini her heima og utt­ an­lands har nøkur av teim­ um búgva. Solveig eigur nú 35 barnabørn og 5 lang­ ommubørn.    Dagurin verður hildin í Thabor á Toftum í morgin kl. 10 – 14. Solveig Steinhólm 80 ár