hósdagur 2. juli 2009síða 13

13 tíðindi Nr. 124 - 2. juli 2009 Tveir bretar, Patrick Winterton og Mick Berwick, eru í løtuni á veg úr Skotlandi til Føroyar í kajakk. Endamálið er at savna pening til bjargingarfelag Róður Rógvi Nybo Rogvi@sosialurin.fo Bretarnir Patrick Winterton og Mick Berwick eru í løtuni á veg úr Skotlandi til Føroya í kajakk. Teir løgdu frá landi í Stornoway tann 27. Juni, og vænta at verða í Suðuroy í morgin. Endamálið við ferðini er at savna pening til bretska bjargingarfelagið RNLI. Somu menninir gjørdu eisini eina roynd í fjør, men tá máttu teir gevast, áðrenn teir náddu fram. Nøkur hava roynt hetta bragdið, men enn hevur tað ikki eydnast nøkrum at rógva allan vegin úr Skotlandi til Føroya í kajakk. Í dag boðaðu teir frá, at teir eru við at koma undir Føroyar, og at teir vænta at koma inn á Suðuroy í morgin. Spurninguri, ið teir royna at svara við hesum langa róðri, er hvørt tað er gjørligt at taka tvær vanligar sjó­kajakkir og rógva tær gjøgn­um teir 410 kilo­metrarnar av ófyrigevandi Atlants­sjógvi til Føroya. Sankta Brendan gjørdi tað í 6.øld í einum lítlum árabáti, og Tim Severin endurtók tað bragdið í 1976. Karen og Dan Trotter máttu í 1995 gevast, bert 80 kilometrar frá málinum, og í fjør noyddust Patrick Winterton og Mick Berwick eisini at gevast. Longdin á teininum, kuldin og møguleikin fyri ógvusligum sjógvi eru orsøkin til at so fá hava roynt. Men nú bendir alt á, at tað fer at eydnast teimum. Bjargingarbáturin Roynd­in hjá Suðuroyar Norðara Bjargingarfelag fer at taka ímóti tá teir nærkast landi. Úr Skotlandi til Føroya í kajakk Fitt didda sett fitt met Í dag skrivar Vágaportalurin, at hann hevur fingið sendandi hesa fittu myndina av hesi fittu diddini sum hevur sett eitt so fitt met. Í gjár skuldu diddan og foreldrini koma í summarfrí í Føroyum, men floglíkindini vóru ikki av teimum bestu. So diddan reikaðu runt við foreldrunum, meðan bíðað hevur verið eftir líkindum, og innanfyri eitt samdøgur hevur hon verið í Danmark, Íslandi, Noregi og so Føroyum. Foreldur eru Myrna Simonsen og Regin Fjallsbak. Lisitatiónúrslit - fendarar á Krambatanga Mánadagin hevur verið lisitatión á Landsverki. 7 tilboð eru komin inn um at veita og heingja upp fendarar á Krambatanga í Trongisvági. Arbeiðið fevnir í høvuðsheitum um niðurtøku av 5 fendarum og veiting og uppheinging av 5 nýggjum fendarum. Arbeiðið skal vera liðugt í seinasta lagið 1. des. 2009. Innkomnu tilboðini eru: SeaStar 676.500kr., J&K Petersen  757.763 kr., J&K Petersen  846.241kr., Mest   906.920 kr., Tangavirkið   928.000 kr., H.J. Grevstur  947.234,05 kr. og Articon  947.500 kr.