hósdagur 2. juli 2009síða 6

6 tíðindi Nr. 124 - 2. juli 2009 30 íslendingar hava seinastu góðu vikuna verið á einari heldur óvanligari vitjan í Føroyum. 20 teirra hava siglt við gummibáti úr Vestmannaoyggjunum um Hafnafjørð til Føroya. – Fyri at takka fyri tykkara vælvild, sum teir siga ÍSLENDINGAVITJAN Leo Poulsen leo@sosialurin.fo Avgerðin um at sigla úr Vestmannaoyggjunum til Føroya fall so knappliga. - Snorri Jónsson og eg sigldu í fjør ein túr runt um Ísland, ein ferð upp á 1400 fjóðringar. Vit sigldu í hvør sínum gummibáti, og vit tosaðu tá ofta um at gera eina slíka ferð til Føroya í ár, sigur Hilmar Kristjans­ son, sum er annar av stigtakarunum. Hesin tankin hekk við, og so ein novemberdag í fjør, yvir einum kaffimunni, tóku teir báðir so avgerðina um at sigla í gummibáti til Føroya. Ferðalagið vaks so líðandi úr teimum báðum og upp í 20 fólk, nú ferðin varð gjørd. - Vit sigldu úr Vest­manna­ oyggjunum yvir í Hafna­ fjørðin. Tað tók okkum einar tíggju tímar. Síðani svóu vit fýra tímar, áðrenn leiðin varð løgd móti Føroy­um, sigur Hilmar Kristjans­son. Men ferðin til Føroya gjørd­ist tó munandi meiri baldrut, enn tey høvdu rokn­ að við. Tey, tí tvey av teimum 20 vóru konufólk. - Tað var ikki nógvur vindur, men aldurnar vóru stórar, einar 5-6 metrar høgar. So hóast toppferðin hjá gummibátunum er heilar 50 míl, fingu vit ikki siglt meiri enn 15 í meðal, greiðir íslendingurin frá. Tað var eisini hetta sum gjørdi, at ferðin gjørdist mun­andi drúgvari enn mett. - Vit brúktu 19-20 tímar at koma í nærmasta land, sum var Eiði. Vit høvdu roknað við at brúkt munandi minni tíð, sigur Hilmar Kristjansson. Hugnaligt í Gøtu Leygardagurin gjørdist ein serligur dagur hjá íslend­ing­ unum. Og hjá fólki í Eystur kommunu. Tí hendan dagin varð skipað fyri móttøku og tiltaki á bryggjuni í Norðra­ gøtu, har heilsað varð upp á íslendsku gestirnar, røður vórðu fluttar fram og Eystur kórið førdi fram sangir. Íslendingarnir vóru ógvu­ liga fegnir um móttøk­una, og kunnu í heila tikið ikki siga ov nógv rósandi orð um kenda føroyska blíð­ skapin. - Vit vórðu viðfarnir sum kongar. Allastaðni, har vit komu kring um í oyggj­ unum. Og skrivar tú nakað, mást tú endiliga minnast til at nevna Martin Juul Jarn­ skor, siga teir seks íslend­ ingarnir, sum støkka inn á gólvið í Miðlahúsinum við tí eina endamáli at takka føroyingum, ikki bara fyri blíðskap á ferðini, men fyri at vera teir fyrstu, sum rættu íslendingum bróðurhond, tá alt skramblaði saman hjá grannunum fyri vestan. Teir báðir dagarnir í Gøtu gjørdust serliga minniligir fyri ferðalagið, ikki minst tí teir vórðu bjóðaðir at gista privat. Gøta er vinarbýur við Vestmannaoyggjarnar, og har eru fleiri, sum hava long og góð vinarbond, hvør við annan. Ikki minst Martin Juul Jarnskor, sum hevði ein stóran fingur við í spælinum, at skipað varð fyri tiltøk­un­ um leygardag­in. Leygarkvøldið bjóðaði Eystur kommuna so til ein døgurðabita í Gøtubráð, sum er eldrasambýlið í Norðragøtu. Ferðast kring oyggjarnar Íslendingarnir hava annars ferðast kring oyggjarnar hesar dagarnar teir hava verið í Føroyum. Eisini fyri at vísa fram ein útróðrarbát frá bátabyggifyritøkuni Trevjar. - Báturin Ólafur, HF 51, hevur fylgt við okkum á allari ferðini. Og tað var rættiliga tryggjandi, nú tað viðraði so illa á túrinum millum Hafnafjørðin og Føroyar. Høvi hevur so verið hjá fólki at sæð bátin, har vit hava verið, og hetta er so ein liður í at gera eitt lítið sølufremjandi tikltak samstundis, sum Ólafur hevur virkað sum eitt slag av fylgibáti, sigur Hilmar Kristjansson. Teir komu sum nevnt inn á Eiði, og sigldu haðani á Runavík. Síðani hava teir siglt kring alt landið, og hava verið í Mykinesi, undir Vestmannabjørgunum, við Gjógv, undir Ennibergi, í Nólsoy, í Suðri, stutt sagt allastaðni í Føroyum. Teir hava siglt í fýra gummi­bátum, har tann størsti hevði seks fólk umborð og tann minsti trý. Á ferðini hava tey eisini tikið í túsundatali av myndum, umframt fleiri tímar av videoupptøkum. Og tað er ikki óhugsandi, at teir fara at gera ein doku­ mentarfilm um ferðina. Rinda sjálvir - Tá vit sigldu kring Ísland, fingu vit videotól við frá einari fyritøku. Vit tóku upp útvið 40 tímar av video, og ætlaðu at gera ein dokumentarfilm burtur úr tí. Men upptøkutólið var av einum slíkum formati, at tað ber bert til at síggja upp­ tøkurnar aftur á videoinum og ikki í einum sjónvarpi, sigur Hilmar Kristjansson. Annars hava teir rinda alla ferðina sjálvi. - Vit søktu oljufeløgini um stuðul til brennievni, men tað var so eiðasørt. Vit fingu ikki so frægt sum ein dropa, sigur Snorri Jónsson. Men eina hjálp fingu tey tó. Eimskip vildi sponsorera flutninginum av bátunum aftur til Íslands, so í verða teir fýra gummibátarnir við umborð á Eimskipi upp til Íslands. Restin av ferðalagnum flýg­ur so heim aftur fríggjadagin. - Tað komu níggju konur hjá nøkrum av monnunum við flogfari til Føroya, so vit eru útvið 30 í tali til­samans, sigur Hilmar Kristjans­son, sum undir­strik­ar, at hetta hava verið nakrir heilt framúr dagar í Føroyum. Um fólk hava hug at síggja myndir og lesa um ferðina, ber til at fara inn á heimasíðuna hjá ferða­ lagnum: http://faereyjaferd. eyjavik.is Viðfarnir sum kongar Seks av íslendingunum, sum hava siglt við gummibáti úr Íslandi til Føroya – fyri at takka føroyingum. Frá vinstru: Smári Harðarson, Einar Sigþórsson, Snorri Jónsson (annar av fyrireikarunum), Fríðrik Stefansson, Hjalmar Baldursson og Hilmar Kristjansson (hin fyrireikarin) Mynd: Jens Kristian Vang Fólk úr Eystur kommunu hugnaðu sær óført saman við íslendingunum á keiøkinum í Norðragøtu Mynd: Eystur kommuna Borgarstjóri noyddist frá Borgarstjórin í danska býnum Tønder legði frá sær í gjár. Almenna frágreiðingin hjá Vagn Therkel Pedersen var, at hann leggur frá sær av heilsuávum, men tað er neyvan tann veruliga frágreiðingin. Í vetur kom fram, at borgarstjórin møtti drukkin til arbeiðis í býráðnum. Tað noyddi hann úr flokkinum Vinstra, men hann helt fram sum óheftur borgar­ stjóri. Men fyri einari viku síðani bleiv borgarstjórin tikin fyri at koyra við kenning, og so gekk tað ikki longur. Fyrsty legði Vagn Therkel Pedersen seg sjúkan, og í gjár tók hann so ta endaligu avgerðina og legði frá sær. Eftirmaðurin verður valdur í næstu viku. Vanlukka skal kannast Í Danmark hevur Søfartsstyrelsen biðið løgregluna kanna, hvat veruliga hendi, tá tveir menn druknaðu tætt við grønlendsku bygd­ ina Saarloq fyri einum hálvum ári síðani. Teir báðir menninir sigldu við oljutangaskipinum Orasila. Menninir, sum vóru 18 og 45 ára gamlir, druknaðu, tá arbeiðsbáturin, sum teir vóru í, holvdist, júst sum menninir vóru í ferð við at sleipa eina oljuslangu frá skipinum inn á land. Løgfrøðingar í Søfartsstyrelsen hava kannað umstøður­ nar í sambandi við tilburðin, Teir siga, at tað eru fleiri viðurskifti, sum eru so mikið ógreið, at løgreglan eigur at kanna málið, og tað fer løgreglan at gera, skrivar Fyns Tidende. Ùrslitið kann gerast ein ákæra ímóti reiðarínum M.H. Simonsen í Svendborg.