mikudagur 24. oktober 2001síða 2

2 Nr. 205 - 24. oktober 2001 Nr. 205 - 24. oktober 2001 3 3. oktober andaðist bróður mín, Eskhild Hansen, 81 ár. Hann var ættaður úr Sumba, men búði í Sand- gerði í Íslandi tað mesta av sínum lívi, har kona hansara Svava eisini var frá. Hon doyði fyri fáum árum síðani. Saman fostraðu tey upp børnini Henrik og Sólrun, so saknurin hjá teimum verður stórur, nú Eskhild er farin. Hann gloymdi aldri føðilandið, og var næstan hvørt summar heima í Føroyum á vitjan og seinast var í juni í ár. Honum dámdi væl at vera saman við familju og kenningum í bæði gleði og gleim. Sang- ir yrkti hann nógvar, ið ofta snúðu seg um føðilandið, sum hann hevði kært. Sera gott mál hevði Eskhild at syngja við. Seinasta vit báðir vóru saman var í juni mánaða í ár, tá vit vóru í studentaveitslu í familjuni. Har hevði hann tað gott og var saman við familjuni og har sang hann sín seinasta sang. Nú jólini nærkast og jólaheilsanir verða sendar úr øllum heiminum ígjøgnum útvarpið, verður saknurin stórur ikki at hoyra Eskhild senda jóla- heilsanir úr Sandgerði, sum hann sendi hvørji jól til ætt og vinir. Hervið endi eg míni orð við einum av mongu sangunum, ið Eskhild hevur yrkt um føðilandið. So eina man situr og hugsar um tíð ta ið farin er, so víða man hugurin reika og mangt tað ið eygað sær, at lívið tað vert er at liva so mongum tað eydnu ber, tí seti eg meg til at skriva um alt sum mær stendur nær. Tað stutt var tann tíðin man livdi á Føroyalands fløtum har, nú angur og tregi meg pína bert longsul eg fái sum svar, men einaferð skáa eg fái ta dýrastu perlu á jørð, tær oyggjar sum rísa úr havi á háttprúða Beinissvørð. Um fjallatind vindar strúka har kendi eg hjartafrið, ímillum spinar og knúgar og standa við teirra lið, eg biði av innasta hjarta tað verði mín sæla stund, at unna tí landinum hjartað við brimi um nes og sund. Farvæl kæru oyggjar tær prúðu tær prúðastu her á jørð, har fornkappar áður búðu nú blómur og gras her grør, eg elski teg landið mítt fagra eg minnist tann søta gleim, í vón um at eg fái aftur til tín at koma heim. Friður veri við minninum um bróður mín Eskhild. Jóhannes Minningarorð um bróður mín Eskhild Hansen Tøkk Hjartaliga takka vit øllum, ið sýndu samkenslu, tá ið okkara góði maður, pápi, verfaðir, abbi, bróðir og svágur Petur Martin Danielsen doyði og varð jarðaður. Takk til øll, ið hjálptu til á ymsan hátt. Eisini verður takkað fyri blómur og peningagávur til KFUM- og K í Havn. Familjunar vegna Hanna, Armgarð og Durita Kunngjørt verður, at kæri maður, pápi, verpápi, abbi og beiggi okkara Birgir Danielsen føddur 5. juli 1928, andaðist 20. oktober 2001. Jarðarferðin verður úr Havnar Kirkju hósdagin kl. 13. Familjunnar vegna Bina, Gunn og Uni Bygdaráðið í Mikla- dals kommunu noktaði í heystferiuni fyri at fara á fund við foreldrini á Trøllanesi um skúlaviðurskiftini í kommununi SKÚLASTRÍÐ Eyðun Klakstein Eingin loysn á skúlastríð- num í Kalsoynni er í eyg- sjón. Foreldrini hava í eina tíð ynskt fund við bygdaráðið um skúlan, men í farnu viku kom umsíður svar upp á hesa umbøn. Bygdaráðið í Mikladali svaraði, at tað vildi ikki hitta foreldrini á fundi. Í brævinum varð staðfest, at avgerðin hjá bygdaráðnum frá 9. január um, at skúli bara skuldi vera í Mikla- dali, stóð við. Formaðurin í bygdaráð- num var heima í farnu viku, men hann er nú farin til skips aftur við Enniberg. Framvegis heima Tey átta børnini á Trølla- nesi hava verið heima, síð- ani skúlin byrjaði eftur í august mánaði, og tað er einki sum bendir á, at tey fara aftur í skúla í bræði. Meðan skúlastríðið stendur við, taka foreldrini á Trøllanesi sær av at undirvísa børnunum heima. Foreldrini á Trøllanesi vilja hava, at skúlin í bygdini verður tikin í brúk aftur. Hetta fingið tey eisini lovað frá landsstýrismann- inum við skúlamálum, men tað vísti seg seinni, at landsstýrismaðurin kundi ikki geva hetta lyftið. Tað er bygdaráðið, sum ger av, hvørji høli verða brúkt til skúlagongina, og bygdaráðið vil bara hava skúla í Mikladali. Bygdaráðið vil ikki tosa Mikladals kommuna vil ikki hoyra talan um at brúka skúlastovuna á Trøllanesi aftur Seinastu tveir dagarn- ar hevur eitt sokallað íblástrarskeið verið á Verkstaðnum Vón á Argjum. Danskur lærari er komin til Føroya í samband við skeiðið SKEIÐ Ingrid Bjarnastein Vardu verkstøðini og verk- húsini kring landið eru kend fyri at hava ymisk sløg av framleiðslu í teirra dagliga arbeiði. Maud Wang Heinesen hevur tí skipað fyri hesum skeiðnum fyri at fáa íblást- ur til okkurt nýtt innan arbeiðið hjá verkstøðunum og verkhúsunum, og er ein danskur lærari komin til Føroya júst til hetta høvið. Fýra verkstøð eru stápl- aði upp á beinini á Verk- staðnum Vón. Á einum verkstaði prýða tey glas, eskjur og ymsar lutir við serviettum. Eitt verkstað verður nýtt til smykkur. Har gera tey hálsprýði, hatta- nálir og annað. Øll prýðini eru nikkelfrí. Eitt serligt ar- beiðslag, ið eitur »gizmo« verður nýtt tá prýðini verða gjørd. Hetta er ein spiralur, ið er gjørdur burturúr met- altráði. Verkstaður nummar trý er har danski lærarin, Eva Tworek, hevur sítt serliga øki. Har gera tey gávukort uppá ymsar mátar. Eva Tworek hevur givið út bók í samband við gávukort. Til dømis læra tey at gera gávukort við rútum í. Í rút- arnar kann leggjast turkað- ar blómur, kryddaríir og annað. Á fjórða og seinasta verkstaðnum verða sápur stoyptar. Sápurnar eru bæði í litum og hava anga. Verkstaðið Vón hevur ein nýggjan hátt at turka blóm- ur. Við hjálp av mikroovni og serligari pressu kanst tú turka blómur uppá bert tveir minuttir. Blómurnar verða so nýttar til lykla- ringar, borðskánarar og annað. – Vit vóna, at hetta kem- ur at síggjast aftur í verk- støðunum kring landið, sigur Maud Wang Hansen, skeiðleiðari, og leiðari á Verkstaðnum Vón. – Hetta er jú eitt íblástrarskeið fyri leiðarar á vardum verkstøð- um og verkhúsum kring landið, og ætlanin er at fáa hetta sjónligt í teirra dag- liga virksemi. Fólkini eru sjálv kreativ og tað er stutt- ligt at síggja, at so stórur áhugi er. Skeiðið, sum endaði í gjár, hevði umleið 40 lut- takarar, og ein lærara. Eis- ini var ein røsk kantinu- dama, sum skipaði fyri máltíðum til skeiðluttak- arnar báðar dagarnar. Eru kreativ á Argjum Fyri nærum tveimum árum síðani varð áhugabólkurin aftan- fyri tiltakið vælskapt brek fyrstu ferð samlaður. Tá varð skrivað út sangskriv- arakapping til eina fløgu, hvørs yvirskot skuldi fara til MBF og ÍSB PENINGAGÁVUR Ingrid Bjarnastein Fløgan »Vælskapt brek« kom út í september í fjør, og siga stigtakararnir, at seldar eru umleið 1600- 1700 fløgur. Nú er pening- urin gjørdur upp, og verður 20 ára føðingadagurin hjá MBF í dag nýttur sum høvi til gávuhandanina. Áhugabólkurin vildi í gjár ikki avdúka upphædd- ina á kekkunum, men talan er helst um eina fitta pen- ingagávu í øllum førum eft- ir søluni at døma. – Vit hava møtt ógvuliga nógvari vælvild, og fólk hava tikið ógvuliga væl ímóti okkum, sigur Hilmar Jan Hansen, sum er ein av limunum í áhugabólkinum. – Undirtøkan hevur verið ógvuliga góð. Umleið 70 sangir komu inn til sang- skrivarakappingina, men tí- verri sluppu bara 19 við á fløguna. Og til okkara stóra bilsni gjørdi Føroya Lívs- trygging okkum tann beina at fíggja alla fløguna sum hon var. Eli Smith hevði teknað eina kápumynd til fløguna, sum eisini varð prentað sum plakat til sølu. Í des- ember í fjør kundi áhuga- bólkurin fara við einum kekki til barnadeildina á Landssjúkrahúsinum áljóð- andi 15.000 krónur bert fyri sølu av plakatum. Faldari næsta stigið Nú hesin kapitullin er yvir- staðin, er næsta punktið á skránni at fáa gjørt ein fald- ara við vegleiðing til for- eldur at brekaðum børnum. – Tann afturvendandi trupulleikin vísir seg at vera at foreldur mangla ráðgeving tá tey fáa eitt brekað barn, sigur Lis í Niðristovu, limur í áhuga- bólkinum. – Í hesum faldaranum skal so standa, hvønn tey skulu venda sær til, hvørji rættindi tey hava og so framvegis. Faldarin skal vera eitt slag av hondbólk fyri foreldur at einum brek- aðum barni. Foreldur fara ofta ígjøgnum sama stríðið, sum onnur hava verið ígjøgnum, og tí kunnu tey sleppa undan, men vita tað bara ikki, ella vita tey ikki hvussu. Ætlanin er tí nú at arbeiða miðvíst ímóti at fáa tilfar til vega, soleiðis at foreldur kunnu fáa vegleið- ing tá tey fáa brekað børn. Tá hetta er liðugt gjørt er kemur helst okkurt annað á skránna, men hvat tað er, er ikki fingið greiði á enn. Áhugabólkurin fyri Væl- skapt brek vil fegin takka øllum, sum hava stuðlað til- takinum á ein og hvønn hátt. Í áhugabólkinum eru: Jóhan í Niðristovu, Lis í Niðristovu, Hilmar Jan Hansen, Sigrið Sivertsen og Bartal Kass. Vælskapt brek handar peningagávur Áhugabólkurin aftanfyri Vælskapt brek. Frá vinstru Jóhan í Niðristovu, Lis í Niðristovu, Hilmar Jan Hansen, Sigrið Sivertsen og Bartal Kass Hilmar Jan Hansen greiðir frá um Vælskapt brek Uttast til vinstru Maud Wang Hansen, skeiðlærari, og uttast til høgru Eva Tworek, lærari C M Y K 3 2