mikudagur 15. juli 2009síða 17

17 tíðindi Nr. 133 - 15. juli 2009 Formaðurin í Tjóðveldi noktar at góðtaka lógarbrot fyri at sleppa aftur í samgongu Samgongur Áki Bertholdsen aki@sosialurin.fo - Skal prísurin fyri at sleppa aftur í samgongu vera tann, at vit skulu góðtaka lógar- brot, so gerst ikki við. Høgni Hoydal, formaður í Tjóðveldi, er eitt sindur illa við av útsøgnini hjá frá- farna landsstýrismanninum, Hans Paula Strøm, í Sosial- inum í gjár. Tað var Tjóðveldið, sum klagaði Hans Paula Strøm fyri landsstýrismálanevnd- ini fyri at hava brúkt pening í heilsuverkinum, uttan at Løgtingið hevði játtað hann frammanundan. Tað endaði við, at lands- stýrismaðurin legði frá sær í fyrradagin. Men Hans Pauli Strøm duldi ikki fyri, at hann føldi seg hunddálkaðan av Tjóð- veldinum og at tað eftir hanara tykki var ein bein- leiðis heksajagt, sum at enda fekk hann at leggja frá sær. Hann er eisini sannførdur um, at við hesari framferðini hevur Tjóðveldið forkomið sær møguleikan at sleppa aftur í samgongu. Í øllum førum dugur hann ikki at síggja, hvussu Javnaðar- flokkurin aftur kann sam- starva við Tjóðveldið. Og yvirhøvur metir hann, at eisini í øðrum flokkum hev- ur illviljin ímóti Tjóðveldin- um ongantíð verið størri enn nú. Gerst ikki við Hetta skilir Høgni Hoydal slett ikki. Hann fær seg illani at trúgva, at tað skal vera ein treyt, at ein flokkur skal vera til reiðar at góðtaka lógarbrot fyri at sleppa við í eina samgongu og fáa politiska ávirkan. - Men er prísurin fyri at sleppa í samgongu, at vit skulu góðtaka lógarbrot, so gerst ikki við og so mugu vit bara sita uttanfyri. - So eru vit ikki við, leggur hann afturat. Hann heldur, at eftir útsøgnini hjá Hans Paula Strøm og øðrum politikar- um, er boðskapurin, at treytin fyri at vera við í sam- gongu, er at tað skal góðtak- ast, at lóg og landaskil ikki verður hildið. - Hetta vísir rættiliga væl, hvør hugburður ræður, legg- ur Høgni Hoydal afturat. Góðtaka ikki maktmisbrúk Hann sigur, at tær samgong- ur, sum eru slitnaðar við Tjóðveldinum upp í, eru slitnaðar tí at hinir sam- gonguflokkarnir hava mis- brúkt sítt vald og tað góð- tekur Tjóðveldið ikki. Hann sipar til CHE sam- gonguna, sum alment slitn- aði av gásagøluni í Tinganesi og í 2004 slitnaði sjálvstýris- samgongan í kjalarvørrinum á bókini ”Skjót journalistin”, sum var atfinningarsom ímóti Anfinni Kallsberg, løg- manni. Tjóðveldið tók ákær- urnar í bókini til sín og kravdi løgmann eftir eini frágreiðing, men tað endaði alt samalt við, at Anfinn Kallsberg segði øllum landsstýrisfólk- unum hjá Tjóðveldinum upp. - Tær samgongur, sum eru slitnaðar og sum vit hava verið í, eru slitnaðar, tí at vit hava ikki góðtikið rossahandlar og maktmis- brúk og skal tað vera prísur- in fyri at sleppa í samgongu, eru vit ikki við meir. - Skulu vit hava eina stjórn, sum ikki heldur landsins lógir, hava vit ikki eitt fólkastýri sum virkar og tað sigur rættiliga nógv um ráðandi hugburðin í øðrum flokkum. - Vit hava eisini kravt, at kanningar og frágreiðingar, sum hava staðfest, at lands- stýrisfólk hava borið seg skeivt at, fáa avleiðingar og tað hava tær eisini fingið, tí landsstýrismenn eru farnir frá. Verða hildin uttanfyri Kortini heldur Høgni Hoy- dal, at tað er nakað í útsøgn- ini hjá Hans Paula Strøm um at halda Tjóðveldið utt- anfyri ávirkan. Eftir hansara tykki er tað tilvitað hjá øðrum flokkum at halda Tjóðveldið uttanfyri ávirkan. - Tað gongur sjón fyri søgn, at vit verða hildin utt- anfyri politiska ávirkan, tí at vit hava hildið fast um nakrar grundreglur. - Men vit eru bara ikki við upp á at bróta tær grund- reglurnar um at halda lóg og landaskil. At tað ikki er ein grund- regla hjá øllum flokkum, heldur hann, sigur rættiliga nógv um, hvagar føroyska fólkastýrið nú er komið. Vit hava meiri um málið aðrastaðni í blaðnum Høgni Hoydal vil ikki rinda prísin fyri valdið Skal tað verða ein treyt fyri at koma aftur í Samgongu, at vit skulu góðtaka lógarbrot, so gerst ikki við, tí so eru vit ikki við meiri, sigur Høgni Hoydal, formaður í Tjóðveldi Hava ikki jagstrað Hans Paula Meirnýtslan hjá Hans Paula Strøm var av einum heilt serligum slagi og tí kundu vit ikki sita tigandi og hyggja at, sigur Høgni Hoydal meirnýtSla Áki Bertholdsen aki@sosialurin.fo - Tá ið vit hava kravt, at Hans Pauli Strøm skuldi leggja frá sær, hevur tað als onki fyri heksajagt ella forfylging at gera. Tað er annars kenslan, sum Hans Pauli Strøm, fyrrverandi landsstýris- maður, situr eftir við, eftir at hann noyddust at leggja frá sær. Meirnýtslan hjá Hans Paula Strøm var av heilt serligum slagi, tí hon var so stór og hon varð miðvís og skipað ár um ár, sigur Høgni Hoydal. Ímeðan vit sótu í CHE samgonguni, heittu vit fleiri ferðir á Hans Paula Strøm um at fáa tamarhald á peninganýtsluni í heilsu- verkinum, annars endaði tað við, at hann varð tving- aður at leggja frá sær. Men Høgni Hoydal sig- ur, at meirnýtslan helt bara fram. - Hóast Hans Pauli Strøm hevur gingið allar eykajátt- anir, hann hevur biðið um, helt hann fram at brúka pengar, sum ikki vóru játt- aðir. - Málið er reist tí at bæði landsgrannskoðarin og løg- tingsgrannskoðararnir hava víst á tað. - Og tá ið so løgmaður eisini sveik sína eftirlit- skyldu, var onki hjá okkum at gera enn at taka málið upp, sigur Høgni Hoydal. - Tá ið Hans Pauli Strøm kallar hetta hunddálking, er hetta bara ein roynd at flyta tankarnar frá veruliga trupulleikanum, men tað er ússaligt at leggjast eftir boðberanum, heldur enn trupulleikanum. Vit hava meiri um málið aðrastaðni í blaðnum. Terassa á Café Natúr Tað vindur alt meiri og meiri upp á seg at cafeir og barrir útbyggja við einari terassu. Tað byrjaði við Hvonn, helt fram við Cafe Vágsbotn, sum er ein úticafe burtur av, síðani kom Patio og Mica, og nú fylgir so eisini Cafe Natúr við. Har verð- ur í løtuni arbeitt við at gera eina terassu oman móti Kongabrúnni. Ein orsøk til at tað er vorðið so vælumtókt við terassum á líkum støðum er uttan iva, at tað ikki longur er loyvt at roykja inni á almennum støðum. Men ein onnur orsøk er allarhelst eisini, at cafementanin í Føroyum er um at broyt- ast. Ætlanin er, at fólk kunnu sita úti á Cafe Natúr til ólavsøku. Flogfar dottið niður í Iran Eitt iranskt flogfar við 168 fólkum umborð er dottið niður í Iran. Roknað verður við, at øll umborðverandi eru deyð, skrivar Reuters. Talan var um 153 ferðafólk og 15 starvsfólk. Flogfarið er dottið niður nærhendis býnum Qazvin í ein landnyrðing úr høvuðsstaðnum Teheran. Flogfarið var á veg úr Teheran til armenska høvuðsstaðin Jerevan, tá tað datt niður.