fríggjadagur 24. juli 2009síða 28

28 tíðindi Nr. 140 - 24. juli 2009 Kreppuskattur í Króatíu Eins og flestu onnur lond er Kroatia meint rakt av altjóða fíggjarkreppuni. Tí eru tiltøk neyðug, og í gjár legði stjórnin fram uppskot um at leggja trý prosent í kreppuskatti oman á allar lønir, sum eru oman fyri góðar 2.500 krónur um mánaðin. Stjórnin sigur, at verður uppskotið samtykt, fer tað at geva ríkiskassanum einar fýra milliardir krónur um árið. Stjórnin hevur havt uppskotið til hoyringar hjá fakfeløgunum, og sambært fjølmiðlunum fekk tað jaliga móttøku. Eitt annað krepputiltak hjá stjórnini er at hækka rentuskattin. Tey, sum eru ímóti uppskotunum, siga, at skattahækkingarnar fara at elva til meiri skattasvik. Vespur lupu á danskt húski Eini donsk hjún og børnini, sum eru tvey í tali, fingu ein rættiligan hvøkk, tá tey fyrr í vikuni vóru fyri einum ógvusligum vespuálopi á Møn. Fjøl­ miðlarnir skriva, at tey fýra høvdu sitið á einum teppi. Tá tey tóku teppi upp, vísti tað seg, at eitt vespureiður var undir teppinum, og vespurnar lupu alt fyri eitt á og stungu øll fýra fleiri ferðir. Tað eydnaðist teimum at sleppa í bilin, men á vegnum til sjúkrahúsið svímaðu bæði foreldrini, sam­ stundis sum børnini fóru at spýggja. Tað eydnaðist mammuni at boða alarmsentralinum frá, áðrenn hon svímaði, og øll fýra komu undir lækna­ hond. Tað vísti seg, at dótturin Emilie var stungin ikki færri enn 45 ferðir, og sambært fjølmiðlunum torir hon ikki út fyri dyr nú. Ikki so løgið. Soleiðis ljóðar yvir­ skriftin á stórari Big Band konsert sum verður á parker­ ingsøkinum í Tórsgøtu sunnudagin 26 juli Tónleikur Barbara Holm barbara@sosialurin.fo Tað er í samband við 100 ára haldið hjá Tórshavnar Kommunu at Tórshavnar Stórband kemur at framføra kend havnarløg í nýggjum Big Band búna. Tórshavnar Kommuna hevur tí biðið Magnus Johann­ essen um at samskipa og útseta allan tónleikin sum verður framførdur á konsert­ ini. Millum annað koma vit at hoyra løg so sum Eitt sunnukvøld í Plantasjuni, Leygarkvøld í Havn, Til Havnar vit fara og fleiri. Eisini verða tvær frum framførslur har Martin Joen­ sen hevur skrivað orð til tvey av løgunum hjá Magn­ usi. Fleiri sangarar koma at luttaka á konsertini og eru teir James Olsen, Anna Nygaard, Finnur Jensen og Sølva Ford. Til at fáa góðskuna á eitt enn hægri støði, hevur Tórs­ havnar Stórband fingið hjálp frá tveimum saxofon­ spælarum úr Íslandi og ein­ um trombon spælara úr Danmark. Frásøgufólk verður Robert Mc Birnie og samskiparar av øllum tiltakinum eru Ólavur Olsen og Eirikur Skála, og tiltakið er gjørt í samstarvi við 100 ára haldið hjá Tórshavnar Kommunu. Gamla Havnin í Nýggjum Búna Eirikur í Skála og Ólavur Olsen eru tveir av teimum, sum skipa fryi stóru Big Band konsertini í Tórsgøtu Í gjár koyrdu teir fyrstu bilarnir eftir tí nýggja vegnum tvørtur úr Stóruá við Gjógv Ferðsla Árni Joensen arni@sosialurin.fo Nú verður tað ikki leingi, til ferðafólk, sum ætla sær á Gjáargarð ella á gjónna við Gjógv, sleppa frá at koyra ígjøgnum hygdina. Síðani síðst í juni hava menn hjá Sunda kommunu arbeitt við at gera brúgv tvørtur um Stóruá og vegir báðumegin, og í gjár var koyrandi tvørturum. Gjógv er eitt sera væl umtókt ferðamál um summ­ arið, og tí koma nógvir bilar og bussar til bygdina at kalla hvønn dag hesa tíðina. Eitt nú vóru ikki færri enn tólv bussar við umleið 600 ferða­ fólkum við Gjógv í gjár. Tann stóra ferðslan ger, at tað kann ofta vera trongligt í sjálvari bygdini, men tað nýggja sambandið skuldi bøtt um hetta. Tann nýggja brúgvin er úr betongelementum, sum eru gjørd í Danmark. Sjálvt arbeiðið hava menn hjá Sunda kommunu gjørt, og kostnaðurin liggur um 400.000 krónur. Nýggjur vegur um Stóruá Nakað er eftir at gera, til vegurin er liðugur Mynd: Árni Joensen Tórshavnar Kommuna stuðlar virðislønini hesaferð Fyri aðru ferð verður Lista­ virðisløn Miðlahúsins latin ólavsøkudag. Hon verður latin einum ella fleiri skap­ andi ella útinnandi listafólk­ um ella bólkum, sum hava stóran týdning fyri føroy­ ingar og fyri føroyskan sam­ leika. Hetta seinna verður undirstrikað við, at virðis­ lønin verður handað tjóðar­ dagin, ólavsøkudag kl. 14 eftir tingsetan og við at handanin fer fram við stand­ myndina av Nólsoyar Pálli í Vágsbotni, ið hevur so stóran ímyndaligan týdning fyri okkum føroyingar. Øll eru hjartaliga vælkomin til tiltakið. Tórshavnar Komm­ una, sum hátíðarheldur 100 ár sum kommuna, stuðlar tiltakinum. Listavirðisløn Miðlahúsins latin á tjóðardegnum I fjør var virðislønin latin Stanley Samuelsen og Hanus G. Johansen