týsdagur 4. august 2009síða 15

Sosialurin 4. august 2009 – Nr. 145 ÍTRÓTTARBLAÐIÐ 15 Fimm lið kappast um FM og heiðursmerkir, og fimm lið stríðast fyri at sleppa undan niðurflytingini FÓTBÓLTUR Rólant Waag Dam rolant@sosialurin.fo Í 17. umfari áttu toppliðini heimavøll ímóti botnliðunum. Allir favorittarnir vunnu, og stigatalvan vísir, at nú er kappingin skrædnað í tveir partar. HB, B68, NSÍ, Víkingur og EB/Streymur kappast um FM og heiðursmerkini, og B36, ÍF, AB, KÍ og 07 Vestur stríðast fyri at sleppa undan tveimum teimum niðastu plássunum og harvið niðurflyting. Eftir europeisku luttøkuna og steypafinaluna er talvan framvegis misvísandi. EB/Streymur hevur spælt tveir dystir færri enn tey flestu av hinum, og B68, Víkingur, B36 og AB hava spælt ein dyst færri enn tey flestu av hinum. 17. umfar var rættuliga málríkt. 23 mál vórðu skorað ella í miðal 4,6. Í tveimum dystum vórðu sjey mál skorað. Serliga merkisvert var tað, at EB/ Streymur vann 7-0 á heimavølli ímóti KÍ. Hjá EB/Streymi var hetta staðfesting av, at spælararnir tóku ímóti nýggja venjaranum við hugflogi og spæligleði, sum tað ikki hevur verið at sæð nógvu tær seinastu ferðirnar. Avrikið bar boð um, at EB/Streymur eigur at verða roknað millum evnini til heiðursmerki, hóast teir í Sundalagnum eru á fimta plássi. Hjá KÍ stendur tað heilt illa til. Liðið er framvegis undir strikuni, og tað var merkisvert, hvussu jánkasligt og lítið sannførandi avrikið var, hóast fýra teirra, sum í summarsteðginum eru komnir til Klaksvíkar at hjálpa til í bjargingarroyndini, vóru á vøllinum. Avrikið hjá B36 á Svangaskarði var heldur einki at rópa hurrá fyri. Í gjárkvøldið vann NSÍ greiðan sigur á ÍF. Heimaliðið spruttaði, meðan fuglfirðingar vóru illa upplagdir. Hóast AB tapti í Gøtu, og hóast 07 Vestur tapti í Gundadali, so vóru avrikini hjá argjamonnum og 07 Vestur á góðari leið. Lyklauppgerðir í botninum Úrslitini vóru, sum tað kundi roknast við, og tað tyktist sum um, at fleiri av botnliðunum høvdu ásannað, at tað verður ikki á útivølli ímóti favorittunum, at stigini verða skavað saman, sum tað er neyðugt at vinna fyri at halda tørn um plássið í bestu deildini. Tað er torført at ímynda sær, at klaksvíkingar fleiri ferðir skulu vísa so ússaligt avrik, sum tað teir vístu í Streymnesi, og tað eigur at vera meiri í ÍF og B36 enn tað, sum liðini vístu í hesum umfarinum. Tað tykist sum um, at fokus er á lyklauppgerðunum. Tað eru innanhýsis dystirnir millum botnliðini. Hesir verða ógvuliga avgerandi fyri, hvør fer at flyta niður. Heldur ikki í 18. umfari eru lyklauppgerðir millum botnliðini og millum toppliðini á skránni. Tá verður tað aftur toppur ímóti botni, men hesa ferð fara øll botnliðini at eiga heimavøll. Um tað fer at eydnast onkrum av botnliðunum at vinna stig, so verður talan so at siga um bonusstig. B36 eigur nógvu næstu umførini gyltar møguleikar at tryggja seg í botnuppgerðum. Næstu umførini eru mótstøðuliðini AB, ÍF, KÍ og 07 Vestur. Í fimm teimum seinastu umførunum bíða toppliðini B36. Lyklauppgerðir í toppinum Longu mikukvøldið er ein toppuppgerð á skránni. Fyri HB kemur tað best við, um oyggjauppgerðin á Svangaskarði fer at enda við javnleiki. Um tað fer at eydnast B68 at vinna fulla úrtøku, so kann tað gerast spennandi í toppinum, og tá kann talan verða um finalu, tá ið B68 annan sunnudag fer at vitja HB. Eftir at oddaliðið hóskvøldið hevur verið í Klaksvík, og eftir at B68 hevur verið í Gundadali eigur HB EB/Streym, NSÍ, Víking og B36. Talan er um sannar lyklauppgerðir, og um tað eydnast HB at vera oddalið eftir 23. umfar, so verður tað so at siga undanbrekka fram ímóti FM heitinum, tá ið HB skal spæla ímóti AB, ÍF, KÍ og 07 Vestur. Nú fæst at síggja, hvussu oddaliðið fer at standa seg tvær tær næstu vikurnar. B68 hevur ikki tapt síðani 26. apríl, og toftamenn eru fremstu avbjóðararnir. Lyklauppgerðirnar hjá teimum eru umframt Víking í annaðkvøld og HB annan sunnudag tríggjar á útivølli: EB/Streymur í 21. umfari, í Runavík í 23. umfari og í Streymnesi í 25. umfari. Men framvegis er bólturin rundur, og tað kann kanska fara at vísa seg, at onkur teirra, ið her eru umrødd sum botnlið, longu í hesi vikuni fara at býta frá sær ímóti toppliðunum. EB/Streymur og KÍ spældu í móti hvørjum øðrum sunnudagin, men kappast í hvør sínari helvt í Vodafonedeildini Mynd: Sofus D. Johannesen Nú er talan um tvær kappingar Dómarabókin Feløg Gul Reyð Stig ÍF 36 4 48 07 Vestur 32 3 41 B68 33 1 36 KÍ 29 2 35 B36 30 1 33 AB 29 1 32 Víkingur 24 1 27 EB/S 20 2 26 NSÍ 22 1 25 HB 21 1 24 Spælarar Balazs Sinko ÍF 4 2 10 sjálvmál NSÍ 8 0 8 Jan Andreasen KÍ 0 2 6 Johan Petur á Stongum 07 Vestur 3 1 6 Ragnar Niclasen 07 Vestur 3 1 6 Bartal Eliasen ÍF 3 1 6 Evrard Ble AB 6 0 6 Ndende Adama Gueye B68 6 0 6 Poul Ennigarð ÍF 6 0 6 Høgni Madsen KÍ 6 0 6 Herbert í Lon Jacobsen B36 2 1 5 Óli Hansen NSÍ 2 1 5 Atli Gregersen Víkingur 2 1 5 Gunnar Haraldsen 07 Vestur 5 0 5 Brima Koroma B36 5 0 5 Klæmint Matras B36 5 0 5 Sorin Anghel EB/S 5 0 5 Jógvan Isaksen KÍ 5 0 5 Niclas Niclasen Víkingur 5 0 5 Í yvirlitinum telja gul kort 1 stig. Reyð kort telja 3 stig. Máltindurin Vodafone-deildin Ahmed Keita B68 11 Karoly Potemkin NSÍ 11 Jens Erik Rasmussen 07 Vestur 10 Andrew av Fløtum HB 10 Finnur Justinussen Víkingur 10 Arnbjørn Hansen EB/S 7 Fróði Benjaminsen HB 7 Rógvi Poulsen HB 7 Tór-Ingar Akselsen 07 Vestur 6 Jóan Símun Edmundsson B68 6 Bjarni Jørgensen HB 6 Milan Kuljic HB 6 Andy Olsen ÍF 6 Hjalgrím Elttør KÍ 6 Kristoffur Jacobsen KÍ 6 Bogi Løkin NSÍ 6 Levi Hanssen EB/S 5 Óli Hansen NSÍ 5 Toppskjúttin í Vodafone-deildini fær eftir kappingarárið handað gylta skógvin frá Thomas Dam Ítrótti vunnin tapt mál- dystir v - j - t mál mál munur stig 1 HB 17 11 - 5 - 1 43 25 18 38 2 B68 16 9 - 4 - 3 35 25 10 31 3 NSÍ 17 9 - 3 - 5 38 26 12 30 4 Víkingur 16 9 - 3 - 4 30 19 11 30 5 EB/S 15 7 - 4 - 4 32 19 13 25 6 B36 16 4 - 5 - 7 20 31 -11 17 7 ÍF 17 4 - 4 - 9 21 27 -6 16 8 AB 16 4 - 4 - 8 12 22 -10 16 9 KÍ 17 3 - 5 - 9 20 36 -16 14 10 07 Vestur 17 1 - 5 - 11 25 46 -21 8 10 07 Vestur 17 1 - 5 - 11 25 46 -21 8 Formbarometrið vunnin tapt mál- dystir v - j - t mál mál munur stig 1 B68 6 5 - 1 - 0 17 7 10 16 2 EB/S 6 4 - 0 - 2 19 10 9 12 3 HB 6 3 - 3 - 0 14 9 5 12 4 Víkingur 6 3 - 1 - 2 8 5 3 10 5 KÍ 6 3 - 1 - 2 12 16 -4 10 6 NSÍ 6 2 - 1 - 3 12 11 1 7 7 ÍF 6 2 - 1 - 3 10 9 1 7 8 B36 6 1 - 3 - 2 6 11 -5 6 9 07 Vestur 6 0 - 2 - 4 5 12 -7 2 10 AB 6 0 - 2 - 4 0 9 -9 2