mikudagur 5. august 2009síða 2

2 Serblað í sambandi við Summar Festivalin 2009 – Útgevari: Sosialurin – Prent: Prentmiðstøðin – Borið í hvørt hús í landinum V it bjóða øllum føroyingum og útlendskum gestum vælkomnum á Summar Festivalin 2009, sum verður hildin í døgunum frá 6. til 8. august. Landsins størsti tónleikafestivalur er aftur til reiðar at bjóða tykkum eitt fantastiskt summarupplivilsi við tónleiki í heimsflokki í tríggjar dagar. Millum pallarnar snýr tað seg um hugna, gott túnatos, mat, stuttligar løtur, prát við gamlar kenningar og felagsskap. Á pallunum verða heims hittini fleiri í tali enn nakrantíð áður. Summar Festivalurin hátíðarheldur jubileumsárið hjá Bee Gees – einum av mætastu tónleika bólk­ um í søguni – og eisini ABBA­fepurin, sum bara ikki vil fara niður, rakar Føroyar við stórslignum ABBA showi úr Svøríki. Og so er ikki at gloyma poppkongarnar Nik & Jay, sum halda veitslu á Vágsbøi hóskvøldið. Hetta er sættu ferð, at Summar Festivalurin verður hildin í Klaksvík, og tað verið ein fantast­ isk ferð hesi árini. Tað byrjaði við einum miðal­ stórum festivali í 2004, har 3.500 fólk hugnaðu sær í fantastiskum summarveðri. Síðani hevur festivalurin vaksið seg stóran og sterkan, og upp í 10.000 fólk hava verið á festivali. Samanlagt hava eini 38.000 vitjandi verið á Summar Festi valinum hesi fimm árini, festivalurin hevur verið hildin. Og aftur í ár verður roknað við fullum húsi til kanska besta festivalin nakrantíð. Á pallinum hava verið nógvar stórar og minniligar løtur verið á undanfarnum. Lagt var til brots við eitt nú legenduni Ken Hensley, og síðani hava bólkar sum The Scorpions, Roger Hodgson, The Rasmus, Shakin Stevens, Brian McFadden, Alpha­ beat, Melanie C, Smokie, Brian Rice, Boney M, Johnny DeLuxe og fleiri onnur vitjað festivalin og givið okkum stórar løtur og framúrskarandi tónleik. Føroyskur tónleikur hevur altíð staðið sterkur í myndini á Summar Festivalinum. Fólk hava kunnað upplivað ekkó frá fortíðini við comeback­ konsertum hjá fólkakærum bólkum. Tað hevur eisini borið til at hoyrt teir populerastu bólkarnar í landinum, og møguleiki hevur eisini verið at uppliva tað nýggja og framrættaða. Summar Festivalurin er fyri fólk í øllum aldri. Hetta er tann hugnaligi festivalurin við teimum stóru upplivilsunum. Á pallinum undirhalda heimskendir tónleikarar og tónar saman við tí besta føroyska. Og á gøtum, bøi og torgi syrgja fólk sjálvi fyri hugnanum og teimum góðu løtunum. Vit ynskja tykkum øllum ein góðan Summar Festival. Summar Festivalurin Vælkomin á Summar Festival