hósdagur 20. august 2009síða 6

6 tíðindi Nr. 157 - 20. august 2009 Fólkatalið veksur støðugt í Føroyum. Aftur er talan um met. Ongantíð áður hava so nógv fólk búð í Føroyum FÓLKATAL Leo Poulsen leo@sosialurin.fo Í tólvmánaðar skeiðinum 1. juli 2008 til 1. juli 2009 gjørdust vit 293 fleiri fólk í Føroyum, harav burðarav­ lopið var 261 og nettoflytingin til Føroya var 32 fólk. Í talið er fólkavøksturin størstur í Suðurstreymoy, meðan størsti lutfalsligi vøksturin var í Koltri har talið av fólki vaks úr tveimum upp í fimm, ið er ein vøkstur uppá 150 prosent. Fólkavøkstur er í Viðoy, Eysturoy, Streymoy, Vágoy og Koltri meðan talið av fólki í hinum oyggjunum fækkast ella stendur í stað. Í talið er størsta minkingin í Suðuroy, har tey fækkaðust við 82 fólkum, skrivar Hag­ stovan á heimasíðu síni. Fólkatalið setur met Nýggjar kunngerðir um vinnukavarar Nýggj lóg um vinukavarar kom 15. mai 2007, men komu ongar nýggjar kunngerðir tá. Tí blivu táverandi kunngerðir framvegis galdandi til nýggjar kunngerðir komu. Tær eru nú komnar Nú eru nýggjar kunngerðir um vinnukavarar komnar, og tær, ið higartil eru komnar, eru um Læknakanning av kavarum, Kavaraskúlar, Kavaraarbeiði og um gjøld. Hartil kemur eftir ætlan ein kunngerð um kavaraútgerð. Nógv viðurskifti eru tey somu eftir nýggju reglunum, men tað eru tó broytingar, sum eru rættuliga avgerandi og her kann nevnast loyvisbrøvini, sum nú eru Kavari við andingarevni frá landi, SCUBA­kavari, Bjargingarkavari og Kavarahjálp arfólk. Arbeiðseftirlitið umsitur lóg og kunngerðir í samband við vinnukavarar og kavaraútgerð. Í sambandi við Tórs­ havnar Matfestival leygardagin 22. august 2009 fara tríggjar matstovur í miðbýnum at borðreiða við serfør­ oyskari matskrá um kvøldið MATFESTIVALUR Leo Poulsen leo@sosialurin.fo Saman bjóða matstovurnar eina føroyska matskrá til ein fastan prís, sum er 350 kr fyri hvønn. Prísurin fevnir um fýra rættir og øl ella vín. Talan er um fasta matskrá, soleiðis at ikki ber til at bíleggja annan mat ella drekka hetta føroyska kvøldið á Tórshavnar Mat­ festivali. Matarskráin á matstovun­ um er eins hetta kvøldið, soleiðis at skilja, at rávør­ urnar eru tær somu, men kokkarnir – matlistarmenn­ irnir – tulka tær á sín egna hátt. Rávørurnar eru nýflett lambskjøt úr Skálavík, neta­ kjøt úr Suðurstreymi og Norðoyggjum, fyrtstafloks føroyskur fiskur, epli, røtur, kál, rabarbur og føroyskar kryddurtir úr bø og haga. Føroyska kvøldið á Matfestivalinum í Havn er skipað soleiðis at tvær setur verða á matstovunum Gourmet, Hotel Hafnia og Hvonn Brasserie klokkan 18:30­20:50 og klokkan 21:10­23:00. Hetta fyri at so nógv sum gjørligt kunnu fáa høvi at royna føroyskar rávørur millum fjals og fjøru, lyft upp á hægstu matlistarligu tindar hetta fagnaðarkvøld. Kokkar eru John Johansen (Hvonn tel 350035), Jørn Bossen (Hafnia tel 313233) og Leif Sørensen (Gourmet tel 322525 og 217575). Aftaná bjóðar Tórshavnar Matfestivalur matstovu­ gestum frá Hvonn, Hafnia og Gourmet inn í Reinsaríið í Tórsgøtu at fáa nýbrent kaffi frá Brell. Har verður eisini livandi tónleikur at hoyra. Reinsaríið í Tórsgøtu letur upp kl 20:00 og heldur fram alt kvøldið, har upp­ livingarnar kunnu sodnast, skrivar Tórshavnar komm­ una á heimasíðu síni. Matarlist í miðbýnum Leif Sørensen er millum kokkarnar, sum leygarkvøldið fer at borðreiða við serføroyskari matskrá Mynd: Jens Kristian Vang