mikudagur 14. november 2001síða 2

Tey bæði tryggingar- feløgini, Trygd og Tryggingarfelagið Føroyar stríðast nú um, hvør skal rinda umfatandi motor- skaðan, sum Norð- borg fekk í Noregi í januar 2000. Eingin vil átaka sær ábyrgd- ina. Reiðaríið hevur tó fingið sítt endur- gjald TRYGGING Stefan í Skorini Tá Tryggingarsambandið misti einkarrættin at tekna tryggingarí Føroyum, byrj- aði eitt nýtt tíðarskeið í før- oyskari tryggingarsøgu. Avleiðingarnar merkjast nú við bíligari tryggingum, men hetta hevur eisini við sær ósemjur millum trygg- ingarfeløgini um, hvør skal gjalda fyri ávísar skaðar, har ivamál eru. Nýggja tryggingarfelag- ið, ið ber navnið Trygd, og Tryggingarfelagið Føroyar stríðast nú um, hvør skal gjalda fyri ein skaða um- borð á einum skipi, sum bæði feløgini hava tryggjað í ymiskum tíðarskeiðum. Talan er um Norðborg, sum fekk motorskaða 13. januar í 2000. Trygd hevði yvirtikið tryggingina frá 1. januar í sama ári, og tí mátti minna felagið í fyrsta um- fari gjalda fyri skaðan, sum var 1,5 milliónir krónur. Talan var sostatt um ein stóran skaða, men Trygd góðtekur ikki, at tað hevur ábyrgdina at gjald fyri henda skaðan. Skaði áðrenn yvirtøku Orsøkin til motorskaðan var, at sjógvur var í smyrji- oljuni. Sjógvur er komin í motorin, og tað endar við, at Norðborg skal á skipa- smiðju í Noregi at umvæla skaðan. Christian C. Nielsen, stjóri í Trygd, vil vera við, at sjógvur er komin í smyrjioljuna áðrenn 1. jan- uar, tá Trygd yvirtók trygg- ingina hjá Norðborg frá Tryggingarfelagnum Før- oyar. Tí er tað ikki Trygd, ið eigur at gjalda fyri skaðan. – Skaðin hendi, meðan Tryggingarfelagið Føroyar hevði tryggingina hjá Norðborg, og tí er tað teirra ábyrgd at rinda fyri hann, sigur Christian C. Nielsen Hann vísir í hesum sam- bandi á eina kanning, ið varð gjørd av smyrjioljuni í motorinum á Norðborg. Slíkar kanningar verða gjørdar við jøvnum millumbilum. Royndin varð tikin 20. desember, men úrslitið var ikki greitt fyrr enn einaferð í januar mánaði. Tað vísti seg, at saltinni- haldið í oljuni var alt ov høgt, og tað var tað, ið elvdi til stóra skaðan. Tá motor- urin hevur tikið sjógv inn áðrenn 1. januar, sum var dagurin, tá Norðborg skifti felag, so heldur Trygd, at Tryggingarfelagið Føroyar skal gjalda. Christian C. Nielsen sig- ur, at tey hava heitt á kapp- ingarneytan á Kongabrúnni um at rinda fyri skaðan. Hetta hevur tó verið sum at sletta vatn á gás, tí teir eru sjálvandi ikki sinnaðir at rinda fyri ein so umfatandi skaða, ið kostaði 1,5 milli- ónir. Málið kemur nú fyri í rættinum, sum skal gera av, hvør skal gjalda skaðan. Trygd ella Tryggingarfel- agið Føroyar. Christian C. Nielsen heldur harumframt, at hetta er ein avleiðing av tí kapp- ing, sum er millum trygg- ingarfeløgini bæði, nú øll- um stendur frítt at velja millum tryggingarfeløg. Ósemjur standast millum feløgini, tí tey ikki eru samd um, hvør skal rinda fyri ávísar skaðar, har bæði feløgini hava verið inni í myndini. Hetta er fyrstu ferð, at tryggingarfeløgini í Føroy- um eru í stríði, sum skal av- gerast í Føroya Rætti. Tryggingarfeløg stríðast um skaða Ósemja hevur tikið seg upp millum tryggingarfeløgini, um hvør skal gjalda fyri motorskaðan uppá 1,5 milliónir, ið Norðborg fekk fyri nærum tveimum árum síðani. Norðborg hevði tá júst skift frá Tryggingarfelagnum Føroyar til Trygd 2 Nr. 220 - 14. november 2001 Nr. 220 - 14. november 2001 3 C M Y K 3 2