hósdagur 27. august 2009síða 8

8 tíðindi Nr. 162 - 27. august 2009 Sólrun stillar upp Á kommunuvalinum í Danmark í heyst fáa veljararnir í Gribskov kommunu á Sælandi møguleika at velja Sólrun Løkke Rasmussen, ið sum kunnugt er føroysk og kona Lars Løkke Rasmussen, forsætisráðharra. Hóast Sólrun er á sjeynda plássi á valevnislistanum hjá flokkinum Vinstra, væntar formaðurin í valfelagnum, at hon hevur góðar møguleikar at verða vald, tí sum er hevur Vinstra 14 av teimum 27 kommunustýrislimunum. Sólrun Løkke Rasmussen er ikki ókend í donskum kommunupolitikki. Hon hevur fyrr sitið tvey valskeið í Græsted- Gilleleje kommunu. Tann kommunan fór í søguna í teirri stóru kommunusamanleggingini fyri nøkrum árum síðani. Berlusconi pílagrímur Í Italia hevur Silvio Berlusconi, forsætisráðharri, boðað frá, at hann fer at taka lut í pílagrímsferðini Perdonanza Celestina, sum hevur verið i býnum l’Aquila tey seinastu 800 árini. Sambært tí gamla siðinum fáa luttakararnir fyrigeving fyri allar syndir, um teir játta seg sum syndarar og iðra seg um syndir sínar. Sambært blaðnum La Republica hava embætismenn hjá Berlusconi lagt trýst á Vatikanið, so forsætisráðharrin sleppur at sita undir liðini á skrivaranum hjá Vatikaninum við døgurðaborðið, sum verður aftan á sjálva pílagrímsferðina, ið verður fríggjadagin. Stutt fyri middag í dag funnu brúkarar­ nir á Virkni ein for­ vitnisligan fisk, tá tey vóru túr í Sandágerði. Talan var um ein 1,5 metur langan silvurkalva Fiskur Rógvi Nybo rogvi@sosialurin.fo Tá brúkararnir á Virkni vóru túr í Sandágerði í morgun, sóu tey eina heldur óvanliga sjón. Á veg niðan gjøgnum ánna var ein ovurlangur fiskur, ið tey ikki kendust við. Menn hjá brandstøðini í Havn, sum vanliga koyra fólkini við MBF bussinum, fingu fatur á einum kavara hjá brandstøðini, sum kom oman og fangaði fiskin og fekk koyrt hann í eitt kar. Fiskurin var enn livandi. Onkur, sum kom á staðið, helt seg kennast við henda fiskin, at tað var ein silvur- kalvi. Fólk frá Havstovuni váttaðu, at talan er um ein silvurkalva. Hann er umleið hálvanannan metur langur. Silvurkalvi er ikki heilt óvanligur undir Føroyum. Ein løgin fiskur Kári Sørensen av brandstøðini í Havn við silvurkalvanum, ið var mettur at verða umleið hálvanannan metur langur Mynd: Jens Kristian Vang Útnorðurráðið hevur valt Josef Motzfeldt, formann í grønlendska Landstinginum, til nýggjan formann Politikkur Rógvi Nybo rogvi@sosialurin.fo Útnorðurráðið hevur valt Josef Motzfeldt, formann í grønlendska Landstingin- um, til nýggjan formann. Hann varð valdur á ársfund- inum hjá ráðnum, ið verður hildin 25. til 28. august í Runavík og í Havn. Josef tekur við eftir Kára P. Høj- gaard, løgtingslimi. Josef Motzfeldt vísti í set- anarrøðu síni, at øll trý útnorðurlondini luttaka fult út í norðurlendskum sam- starvi, men at londini tó ikki eru heilt sum hini norð- urlendsku londini, at tey hava nøkur serlig felags áhugamál, ið ikki neyð- turviliga eru felags við rest- ina av Norðurlondum. Hann víst tí á, at tað er júst tí at vit hava Útnorðurráðið. - Útnorðursamstarvið snýr seg um at arbeiða fyri og verja felags áhugamál, bæði nationalt og internati- onalt, millum annað felags tilfeingi, søgu, mentan, sjó- øki og umhvørvi, men at hesi eru undir støðugari hóttan, segði Josef Motz- feldt millum annað. Josef Motzfeldt er valdur í grønlendska Landstingið fyri Inuit Ataqatigiit (IA). Hann hevur verið limur í Landstinginum síðani 1987 og hevur í fleiri valskeðium verið landsstýrismaður í Grønlandi, eitt nú landsstýr- ismaður í Norðurlendskum samstarvi. Josef Motzfeldt er formaður fyri grøn- lendsku umboðini í Útnorð- urráðnum. Hann hevur fleiri ferðir áður verið limur í Útnorðurráðnum. Afturat Josef Motzfeldt, eru Ólína Þorvarðardóttir, Altingslimur, og Kári P. Højgaard, løgtingslimur, næstformenn í nýggja for- mansskapinum. Josef Motzfeldt nýggjur formaður í Útnorðurráðnum Áttu at spurt Skrá- setingina Eik Grunnurin átti at tos- að við Skráseting Føroya, áðrenn Spron-parta- brøvini vórðu keypt frá Eik. Við at keypa partabrøv í Spron fyri 39,8 milliónir krónur, vildi Eik Grunnurin verja Eik Banka móti negativu umrøðuni, sum komu í kjalarvørrinum av amer- ikonskum bankakon- kursum. Íløgan er í dag mist hjá Eik-grunninum, og eftir áheitan frá tveimum dul- nevndum persónum, gjørdi Skráseting Føroya av at kanna, um handiling var í samsvar við viðtøk- urnar hjá Eik-grunn- inum. Í niðurstøðu sínari stað- festir Skrásetingin, at talan var um somikið óvanligan handil, at grunnurin átti at biðið um loyvi til hetta frá Skráseting Føroya. Við í kanningini var eisini keyp av partabrøv- um í Investia og Sweden Properties, men Skráset- ingin metir ikki, at hesir handlar kravdu samtykt, áðrenn teir vórðu gjøg- numførdir. -mørk Josef Motzfeldt hevur tikið við sum formaður í Útnorðurráðnum eftir Kára P. Højgaard.